Ohabolana 14:1-35
14 Manamafy orina ny tokantranony ny vehivavy tena hendry,+Fa mandrava ny tokantranony kosa ny vehivavy tsisy saina.
2 Matahotra an’i Jehovah ny olona manao izay mahitsy,Fa manao tsinontsinona Azy kosa izay zatra mametsifetsy.*
3 Ny teny an’avona ataon’ny* adala dia toy ny tsorakazo fikapohana,Fa ny tenin’ny* hendry kosa hiaro ny tenany.
4 Madio ny fihinanam-bilona raha tsy misy omby,Fa be dia be kosa ny vokatra rehefa matanjaka ny omby.
5 Tsy handainga ny vavolombelona mendri-pitokisana,Fa ny vavolombelona mandainga kosa efa tranon-dainga mihitsy.+
6 Miezaka mitady fahendrena ny mpanesoeso fa tsy mahita,Fa mora mahay kosa ny olona mahira-tsaina.+
7 Ialao ny olona tsisy saina,Fa tsy hahazo fahalalana amin’izay lazainy ianao.+
8 Hendry ny olona malina ka mahalala an’izay ataony,Fa ny adala kosa voafitaky ny hadalany.*+
9 Ihomehezan’ny adala fotsiny ny fahadisoana vitany,*+Fa vonona hihavana* kosa ny olona manao izay mahitsy.
10 Ny fon’ny olona no mahatsapa ny alahelo ao anatiny,Ary tsy misy olon-kafa tena mahatsapa ny fifaliana ao anatiny.
11 Ho rava ny tranon’ny ratsy fanahy,+Fa ho mafy orina kosa ny tranolain’ny olo-marina.
12 Misy lalana eritreretin’ny olona hoe mety,+Nefa any amin’ny fahafatesana no hiafarany.+
13 Na mihomehy aza ny olona dia mety ho ory izy ao am-pony ao,Ary ny fifaliana dia mety hiafara amin’ny alahelo.
14 Hijinja ny vokatry ny ataony ny olona mivadika,+Fa hahazo valisoa noho ny ataony kosa ny olona tsara toetra.+
15 Mino an’izay teny rehetra henony ny olona mora fetsifetsena,*Fa ny olona malina kosa mieritreritra tsara isaky ny hanao zavatra.+
16 Mitandrina tsara ny hendry ka miala amin’ny ratsy,Fa ny adala kosa tsy miraharaha mihitsy* sady matoky tena loatra.
17 Manaonao foana ny olona mora tezitra,+Fa izay mandinika* tsara kosa ankahalain’ny olona.
18 Hadalana no ho anjara lovan’ny olona mora fetsifetsena,*Fa fahalalana kosa no satroboninahitry ny olona malina.+
19 Tsy maintsy hiankohoka eo anatrehan’ny tsara toetra ny olon-dratsy,Ary hiankohoka eo am-bavahadin’ny olo-marina ny ratsy fanahy.
20 Ankahalain’ny olona ny mahantra, ka na ny namany aza mankahala azy,+Fa be namana be kosa ny mpanankarena.+
21 Manota izay manao tsinontsinona ny namany,Fa sambatra izay mangoraka ny mahantra.+
22 Tsy ho diso lalana ve izay mitetika ny hanao ratsy?
Izay tapa-kevitra hanao ny tsara kosa ho tian’ny olona foana sady tsy hivadihany.+
23 Ahazoana tombony foana ny asa mafy rehetra,Fa hahantra kosa izay be resaka fotsiny.+
24 Ny harenan’ny hendry no satroboninahiny,Fa ny hadalan’ny adala kosa tsy miala aminy mihitsy.+
25 Mamonjy ain’olona ny vavolombelona milaza ny marina,Fa ny vavolombelona mamitaka kosa efa tranon-dainga mihitsy.
26 Tena feno toky ny olona matahotra an’i Jehovah,+Ka ho fialofana ho an’ny zanany koa izany tahotra izany.+
27 Loharanon’aina ny fahatahorana an’i Jehovah,Ka miaro ny olona tsy ho azon’ny fandriky ny fahafatesana.
28 Voninahitra ho an’ny mpanjaka ny manana vahoaka be dia be,+Fa rava ny fanjakan’izay mpitondra tsy manana vahoaka.
29 Ny olona tsy mora tezitra dia mahay mandinika tsara,+Fa ny olona tsy manam-paharetana kosa mampiseho ny hadalany.+
30 Mahasalama* ny vatana ny fo tony,Fa mahatonga ny taolana ho lo kosa ny fialonana.+
31 Izay manambaka ny tsy manana dia manao tsinontsinona ny Mpanao azy,+Fa manome voninahitra Azy kosa izay mangoraka ny mahantra.+
32 Ho lavo noho ny ratsy nataony ihany ny ratsy fanahy.Ny olo-marina anefa hahita fialofana satria tsy mivadika.+
33 Ao am-pon’ny mahira-tsaina ny fahendrena nefa aleony mangina,+Fa ny tsisy saina kosa mampideradera an’izay zavatra fantany.
34 Ny fahamarinana no mahatonga ny fanjakana hahazo voninahitra,+Fa ny ota kosa manala baraka ny vahoaka.
35 Tian’ny mpanjaka ny mpanompo lalin-tsaina,+Fa tezitra amin’ny mpanompo manala baraka kosa izy.+
Fanamarihana
^ Na: “zatra manambaka.”
^ Abt: “Ny vavan’ny.”
^ Abt: “ny molotry ny.”
^ Na mety hoe “mamitaka olona.”
^ Na: “te hanao ny tsara.”
^ Na: “ny hoe manonitra ny ratsy nataony.”
^ Na: “olona tsy dia nahita fiainana; olona tanora fanahy.”
^ Na: “tezitra.”
^ Na: “misaina.”
^ Na: “olona tsy dia nahita fiainana; olona tanora fanahy.”
^ Na: “Mamelombelona.”
