Isaya 9:1-21
9 Inoko, mfindi keikekalapo pamo bwa ya mu kitatyi kyadi ntanda mu tusua, pamo bwa ya mu bitatyi bya kala pafutulwilwe ntanda ya Zebuluna ne ntanda ya Nafatale.+ Ino mu kitatyi kya ku mfulo Aye ukedilēmekeja—dishinda dya ku dijiba, mu ntanda ya Yodano, Ngadilea wa mizo.
2 Bantu badi banangila mu fukutuAbamone kitōkeji kikatampe.
Ne boba bekele mu ntanda ya munjiñininya mukatampe,Kitōkeji kibebamunikila.+
3 Ubavudija muzo bininge;Ubeusangaja bikatampe.
Basangalanga ku meso obePamo bwa bantu basangala kitatyi kya mwangulo,Pamo bwa boba beabila kitūtwa na nsangaji.
4 Mwanda ubatyumuna lupungu lwa kiselwa kyabo bibesebibese,Lusonde lwa pa bipuji byabo, mukombo wa mwendeji wa mingilo,Pamo bwa mu difuku dya Midyana.+
5 Kilato kilampe kyonso kijinya ntanda pokyendaNe kivwalwa kyonso kitubike mu mashiBikekala ke bya kwakija nabyo mudilo.
6 Mwanda mwana i mwitubutwilwe,+Mwana mwana-mulume i mwitupebwe;Kadi buledi* bukekala pa kipuji kyandi.+
Ukenikwa bu Mudingidi Utendelwa,+ Leza Mukomokomo,+ Tata wa Nyeke, Mfumu wa Ndoe.
7 Bukata bwa buledi* bwandiNe ndoe, kebikekalapo na mfulo,+Pa lupona lwa Davida+ ne pa bulopwe bwandiMwanda wa kwibukomeja pototo+ ne kwibuningishaKupityila ku bululame+ ne boloke,+Tamba pano ne nyeke.
Bupyasakane bwa Yehova wa bibumbo bukalonga kino.
8 Yehova watumine kinenwa padi Yakoba,Nakyo kibaiya padi Isalela.+
9 Kadi bantu bonso bakayuka’kyo—Efelaimi ne bekadi ba Samadia—Bene banena na kwizunzula kwabo ne na kibengo kya mutyima wabo amba:
10 “Bidiki bibapone,Ino tusa kūbaka na mabwe masōnge.+
Mityi ya shikama ibatētwa,Ino tusa kwiipingakanya na mityi ya sedele.”
11 Yehova ukamulangwila bakinkwa na LezinaKadi ukatununa balwana nandi,
12 Shidea kutunduka, bene Fidishitia nabo kushika,*+Bakasasamuna Isalela na byakanwa pululu.+
Pa mwanda wa bino byonso, bulobo bwandi kebujokelepo kunyuma,Ino kuboko kwandi i kōlole’nka kōlola mwanda wa kukupila.+
13 Mwanda bantu kebajokēlepo kudi Yewa wibakupila;Kebakimbilepo Yehova wa bibumbo.+
14 Yehova ukaketa ku IsalelaMutwe ne mukila, mutombo ne mundu,* mu difuku dimo.+
15 Mukulumpe kadi mulēmekibwe bininge ye mutwe,Mupolofeto uleta bulombodi bwa bubela nandi ye mukila.+
16 Boba bendeja bano bantu bebalumbakanyanga,Boba bobendeja nabo badi mu kavutakanya.
17 O mwanda Yehova kakasangelapo babo bansongwalume,Kadi kakevwaninapo lusa babo bana bampikwa bashabo* ne bakaji babo ba kishalaMwanda abo bonso i batupondo ne banonga-bibi+Kadi kyakanwa kyonso kīsambanga bya bulembakane.
Pa mwanda wa bino byonso, bulobo bwandi kebujokelepo kunyuma,Ino kuboko kwandi i kōlole’nka kōlola mwanda wa kukupila.+
18 Mwanda bubi butēmanga pamo bwa mudilo,Buloteja bimuna bya miba ne biyombo bityani.
Bukasōka ne bivunda* bya ditó,Kadi bikakanda mu malenga a mwishi.
19 Na bukalabale bwa Yehova wa bibumboNtanda ibatēma mudilo,Kadi bantu bakekala ke bya kwakija nabyo mudilo.
I kutupu nansha umo ukapanda nansha ke mwanabo mwine.
20 Muntu ukaketa ku lundyoIno ukekala’nka na nzala;Kadi muntu ukadya ku lunkusoIno kakekutapo.
Muntu ne muntu ukasasamuna mwita wa ku kuboko kwa aye mwine,
21 Manase ukasasamuna Efelaimi,Efelaimi nandi ukasasamuna Manase.
Abo bonso pamo bakalwa na Yuda.+
Pa mwanda wa bino byonso, bulobo bwandi kebujokelepo kunyuma,Ino kuboko kwandi i kōlole’nka kōlola mwanda wa kukupila.+
