Isaya 51:1-23
51 “Ntejei, banwe balondalonda boloke,Banwe bakimba Yehova.
Talai ku dibwe komwasōngelweNe ku kīna komwakolelwe.
2 Talai kudi shenu AbalahamaNe kudi Sala+ wemubutwile.*
Mwanda aye wadi bunka bwandi ponamwityile,+Kadi namwesele ne kumuvudija.+
3 Mwanda Yehova ukasenga Ziona.+
Ukasenga masala andi onso,+Kadi ukalamuna mu ntanda mwandi mutuputupu pamo bwa Edena+Ne dilungu dyandi didi zolē pamo bwa budimi bwa Yehova.+
Kusepelela ne nsangaji bikekala mwadi,Kufwija’ko ne ñimbo.+
4 A bantu bami, tai mutyima kondi,A muzo wami,+ tá kutwi kondi.
Mwanda kijila kikatamba kondi,+Kadi nkatūla boloke bwami bu kitōkeji ku bantu.+
5 Boloke bwami bubafwena pabwipi.+
Lupandilo lwami lukatamba,+Kadi maboko ami akatyibila bantu mambo.+
Bisanga bikankulupila,+Kadi bikakungila kuboko kwami.*
6 Tululai meso enu mūlu,Kadi talai ntanda munshi.
Mwanda madiulu akapalankana bipindibipindi pamo bwa mwishi;Ntanda ikanunupa pamo bwa kivwalwa,
Kadi bekadi bayo bakafwa pamo bwa tumwe.
Ino lupandilo lwami lukekala lwa nyeke,+Kadi boloke bwami kebukakankalwapo.*+
7 Ntejei, banwe bayukile boloke,Bantu badi na kijila* kyami mu mutyima wabo.+
Kemwakityinai kukolomona kwimukolomona bantu ba kufwa,Kadi kemwakituyukai pa mwanda wa mutonko wabo.
8 Mwanda kīshi kikebadya pamo bwa kivwalwa;Bīshi* bikebadya pamo bwa myoya.+
Ino boloke bwami bukalādila nyeke,Ne lupandilo lwami ku nkongo yonsololo.”+
9 Languka! Languka! Vwala bukomo,A kuboko kwa Yehova!+
Languka pamo bwa mu mafuku a kala, pamo bwa mu nkongo ya kala.
Mwene i abe watyumwine Lehaba*+ bipindibipindi,Wasabakenye kipangwa kikatampe kya lui?+
10 Mwene i abe waūmije dijiba, mema a mushike mukatampe?+
Mwine waalamwine mushike wa dijiba ke dishinda dya kwabuka’mo bantu bakūlwe?+
11 Bakūlwe ba Yehova bakajoka.+
Bakāya ku Ziona na nsadi ya tusepo,+Kadi nsangaji keidi mpwilo ikebavwikwa ku mutwe.*+
Kusepelela ne nsangaji bikekala byabo,
Njia ne kubinza bikanyemena kulampe.+
12 “Amiwa ye Mwine wimusenga.+
I kika le kyomutyinina muntu wa kufwa usa kufwa+Ne mwanā muntu usa kufumba pamo bwa biyombo bibishi?
13 Mwanda waka ubailwa Yehova Mulongi obe,+Mwine watamwine madiulu+ ne kwala kyalwilo kya ntanda?
Kadi difuku dyonso dituntulu wadi utyina kitatyi kyonso bukalabale bwa yewa ukumwesha malwa,*Nansha byaadi ubwanya kukusala.
Ino pano, le bukalabale bwa yewa ukumwesha malwa budi kwepi?
14 Yewa obatontele mu nkano usa kukutululwa’nka+ panopano;Kakafupo nansha kwenda mu kīna,Kadi mukate wandi keukabulwe’kopo.
15 Ino ami ne Yehova Leza obe,Mwine ujinyanga dijiba ne kusalukija mantanki adyo+—Dijina dyandi i Yehova wa bibumbo.+
16 Nkatūla binenwa byami mu kyakanwa kyobe,Kadi nkakupūta mwemba wa kuboko kwami,+Mwanda wa kushimatyija madiulu ne kwala kyalwilo kya ntanda+Ne kunena Ziona amba, ‘Banwe mwi bantu bami.’+
17 Languka! Languka! Imana, abe Yelusalema,+Abe watoma ku kuboko kwa Yehova kitomeno kyandi kya bukalabale.
Ubatome kikombe;Ubapu kitomeno kilundukija.+
18 Mu bana bonso babutwile i mutupu nansha umo wa kumwendeja,Kadi mu bana bonso batamije i mutupu nansha umo wa kumukwata ku kuboko.
19 Bino bintu bibidi bibakuponena.
Le i ani uketūla pa kyobe kyaba?
Bonakani ne musala, nzala ne kipete!+
Le i ani ukakusenga?+
20 Bobe bana abapungila.+
Balēle ku mafinko a bipito byonso*Pamo bwa mikōko ya ntanda mu bukonde.
I bayulwe bukalabale bwa Yehova, kufuna kwa Leza obe.”
21 Nakwisāshila teja kino’ki,A mwana-mukaji umona malwa kadi mukolwe, ino ke vinyupo.
22 Mfumobe Yehova, Leza obe ulwilanga bantu bandi wanena namino amba:
“Tala! Nkayata ku kuboko kobe kitomeno kilundukija,+Kikombe, kitomeno kyami kya bukalabale;
Kukatome’mopo monka, mhm.+
23 Nkekitūla mu kuboko kwa boba bakususula,+Boba bakunena’mba,* ‘Fukata tukulandale!’
Nobe walonga muongo obe pamo bwa nshi,Pamo bwa kipito kya abo kwenda’mo.”
Kunshi kwa Dyani
^ Nansha’mba “wemulupwile na bisanso bya lubutulo.”
^ Nansha’mba “bukomo bwami.”
^ Nansha’mba “kebukavingakanibwapo.”
^ Nansha’mba “bulombodi.”
^ Bibwanika padi i, “Byolo.”
^ Tala Nshintulwilo ya Bishima.
^ Kishima pa kishima i, “ikekala pa mutwe wabo.”
^ Nansha’mba “yewa ukutyininye mbū.”
^ Kishima pa kishima i, “ku mutwe wa bipito byonso.”
^ Nansha’mba “banena muya obe amba.”
