Isaya 34:1-17
34 A mizo, fwenai mwivwane,Kadi tejai, banwe bantu.
Ntanda ne bonso bayudile’mo bevwane,Ntanda ne bipa byayo byonso.
2 Mwanda Yehova wafītyilwa mizo yonso mutyima,+Kadi wakalabela kibumbo kyayo kyonso.+
Ukebonakanya fututu;Kadi ukebapāna’mba batapwe.+
3 Batapwe babo bakelwa panjaKadi luvumba lubi lwa yabo imbidi mifwe lukakanda;+Ngulu ikasunguluka pa mwanda wa* mashi abo.+
4 Bibumbo byonso bya mūlu bikabola,Madiulu akavungwa pamo bwa muvungo.
Kibumbo kyabo kyonso kikafumba,Enka na muponenanga dyani dyūmu ku muñanzaNe kikuyu kifumbe ku mutyi wa kikuyu.
5 Mwanda kipete kyami kikabomba mu madiulu.+
Kikatūkila pa Edoma mu butyibi,+Pa bantu bontungīle konakanibwa.
6 Yehova udi na kipete; kikalambakana mashi.
Kikalambakana māni,+Ne mashi a mikōko milume myana ne a bambuji,Ne māni a ku mfyo ya mikōko milume.
Mwanda Yehova udi na kitapwa mu Bozala,Ke kutapa i kukunya mu ntanda ya Edoma.+
7 Bañombe ba ntanda bakatūka nabo pamo,Bañombe bana pamo na ba bukomo.
Ntanda yabo ikabombejibwa na mashi,Kadi luvumbi lwabo lukalambakana māni.”
8 Mwanda Yehova udi na difuku dya kinongo,+Mwaka wa kufuta mfuto pa mambo atala Ziona.+
9 Tuminonga twandi* tukalamuka ke bubanda,Luvumbi lwandi nalo ke bibidikityi,Ntanda yandi nayo ikekala pamo bwa bubanda butema.
10 Kebukabulepo bufuku ne dyuba;Mwishi wabo ukakanda’nka kukanda nyeke.
Ukashala nyeke masala ku nkongo ne nkongo;I kutupu muntu ukapityila’mo nyeke ne nyekeke.+
11 Diomba ne nungu bakamuyata ke wabo,Kadi tutungu-nsengo ne binkombe bikekala’mo.
Ukatamwina’po lukamba lwa kupima nalo lwa musalaNe monji wa kūbaka* nao wa bonakani.
12 I kutupu wandi wa bulēme nansha umo uketwa ku bulopwe,Kadi bamfumu bandi bakekala ba bitupu.
13 Miba ikamena mu biteba byandi bikomejibwe,Lusungesunge ne biyombo bya miba nabyo mu nsakwa yandi mikomo.
Ukekala ke mutá wa mizeu,+Kipombo kya makolongo.
14 Bipangwa bya mu ntanda mudi zolē biketana na banyema badila,Kadi mbuji wa ntanda* uketa mukwabo.
Bine, lubwata lukekala’mo ne kutana kifuko kya kukōkolokwa.
15 Nyoka wela meno ukāla’ko bunswa bwandi ne kwela’ko mai,Ukeatōya ne kwiabungila mu mwemba wandi.
Bine, makubi akebungila’ko, dimo ne dimo na dikwabo.
16 Kimbai mu mukanda wa Yehova, mutange’o na diwi ditunduke amba:
I kutupu nansha umo mobadi ukabulwa;Nansha umo mobadi ukabulwa mukwabo,Mwanda i kyakanwa kya Yehova kyasoñanya,Kadi i mushipiditu wandi webabungila pamo.
17 I Aye webatela bubale,Kadi kuboko kwandi kubapima kifuko kyobebapele.*
Bakekiyata ke kyabo kitatyi kyonso;Bakekala’mo ku nkongo yonsololo.
Kunshi kwa Dyani
^ Nansha’mba “ikakuka.”
^ “Twandi,” kifunkila pa Bozala, mwipata mwa Edoma.
^ Kishima pa kishima i, “mabwe.”
^ Bibwanika padi i, “ndemona udi pamo bwa mbuji.”
^ Kishima pa kishima i, “kyobebabile na lukamba lwa kupima nalo.”
