Kivulukilo kya Lufu lwa Yesu
Dya Yenga 24 Kweji 3, 2024
Batumoni ba Yehova bavulukanga dimo ku mwaka, lufu lwa Yesu monka mwaāsoñaninye paānenene amba: “Longai nyeke namino ke pa kumvulukila.”—Luka 22:19.
Tukwita wiye utanwe’ko.
Bipangujo Bipangulwanga Divule
Le ino mpangiko iloñanga mansá anga?
I kubwipi kwa nsá umo kete.
Le kikalongelwa kwepi?
Shi usaka kuyuka kifuko, ipangula Batumoni ba Yehova ba kwako kwenu.
Le bilomba kufuta pa kutwela?
Aa!
Le kwikalanga mukongo?
Aa! Ku kupwila kwa Batumoni ba Yehova kekulombwengapo mukongo wa lupeto.
Bilomba kuvwala namani pa kukatanwa’ko?
Batumoni ba Yehova kebekalangapo na tujilajila tutala muvwadilo, inoko beelelanga’ko kulonda misoñanya ya mu Bible na kuvwala bivwalwa bya butūkanye ne na bulema’tu. (1 Temote 2:9) Kusakilwapo kuvwala’nka bisandi bya bei nansha bya katutu.
Le i bika biloñwanga ku Kivulukilo?
Kuno kupwila kushilulanga na lwimbo, shi lwimbo lubapu Kamoni wa Yehova umo ukalombela milombelo, kadi kufulanga’nka na lwimbo ne milombelo. Kintu kya mvubu ku Kivulukilo i mwisambo ushintululanga mvubu ya lufu lwa Yesu ne kwitulombola muswelo otubwanya kumwena mu bitulongele ba Yehova ne Kidishitu.
Shi usaka kuyukila’ko bivule, tala kishinte kinena’mba “Mwanda Waka Batumoni ba Yehova Bavulukanga Bidibwa bya Kyolwa bya Mfumwetu mu Muswelo Mwishile na Bipwilo Bikwabo?”
Tala'po Bidi ne Bino:
KIVULUKILO
Kuvuluka Lufu lwa Yesu
Tukwita na nsangaji utanwe netu ku uno mwanda wa mvubu. Ukayuka muswelo okokeja kumwena mu būmi bwa Yesu ne mu lufu lwandi.
ESSENTIAL BIBLE TEACHINGS
Mwanda Waka Yesu Wāfwile?
Bible ulombolanga mvubu mikatampe ya lufu lwa Yesu. Le lufu lwandi lwādi na kitungo?