Isaya 23:1-18
-
Musapu mubi pa Tyila (1-18)
23 Musapu utala Tyila:+
A byombo bya Talashishi+ yoyokotai miyoa!
Mwanda kyabu kibaonakanibwa; kemubwanyapo kutwelwa.
Kibebasokwelwa tamba ku ntanda ya Kitimi.+
2 Banwe bekadi ba ku ntanda ya kwijiba ubai nyā.
Bansunga ba ku Shidona+ batyibulula dijiba abakuyuja.
3 Pa mema mangimangi paendele museke* wa Shihole,*+Mwangulo wa Nile, bupeta bwandi,Ubaleta kamweno ka mizo.+
4 A Shidona bumvu bobe, abe kifuko kikomejibwe kya dijiba,Mwanda dijiba dibanena’mba:
“Nkivwenepo bisanso bya lubutulo, kadi nkibutwilepo,Nansha kutamija bansongwalume nansha kulela bansongwakaji.”*+
5 Monka mobyaikadile pobaivwene myanda ya Edipito,+Mityima ya bantu ikebasansa pa kwivwana myanda ya Tyila.+
6 Abukilai ku Talashishi!
Yoyokotai miyoa, banwe bekadi ba ntanda ya kwijiba!
7 Le kino’ki kyo kyenu kibundi kyadi kisepelela tamba kala, tamba ku ngalwilo kwakyo?
Maulu akyo adi ekyendeja kukekala ku matanda a kulampe.
8 Lelo i ani wakwata buno butyibi padi Tyila,Upānanga bilukwa,Wa bansunga badi bamfumu,Wa bansunga badi balēmekibwe ntanda yonso?+
9 Yehova wa bibumbo aye mwine wakwata buno butyibi,Mwanda wa kukobakanya mitatulo yandi pangala pa buya bwandi bonso,Mwanda wa kufwija bumvu boba bonso badi balēmekibwe pa ntanda ponsololo.+
10 Tyibuluka ntanda yobe pamo bwa Munonga wa Nile, abe mwanā Talashishi mwana-mukaji.
Kekukidipo kyāno* nansha kimo kya byombo.+
11 Waolola kuboko kwandi pa dijiba;Watenkanya malopwe.
Yehova wasoñanya kutukija fututu bifuko bikomejibwe bya Fenisea.+
12 Kadi wanena’mba: “Kukasepelelapo kadi monka,+Abe kimonya-malwa, mujike mwanā Shidona.
Imana, wabukile ku Kitimi.+
Kukakōkolokwapo ne kokwa kwine.”
13 Tala! Ntanda ya bene Kaladea.+
Bano’ba bo bantu—ke Ashidiapo+—Bamwalamwine ke kifuko kya boba bekalanga mu ntanda mutuputupu.
Abaimika biteba byabo bya kutēkela nabyo kasāla;Abapūtula biteba byandi bikomejibwe,+Abamwalamuna ke masala onkaonka.
14 A byombo bya Talashishi yoyokotai miyoa,Mwanda kifuko kyenu kikomejibwe kibaonakanibwa.+
15 Mu dyodya difuku bakavulaminwa Tyila myaka 70,+ pamo’nka na būmi bwa* mulopwe umo. Ku mfulo kwa myaka 70, Tyila ukafikilwa na byobya bidi mu lwimbo lwa ndumba bya amba:
16 “Sela lunsense, jokoloka kibundi, abe ndumba muvulaminibwe.
Omba senene lunsense lobe;Imba ñimbo mingi,Amba bakakuvuluke.”
17 Ku mfulo kwa myaka 70, Yehova ukata Tyila mutyima, nandi ukajokela ku mfutwa yandi kadi ukalonga bundumba na malopwe onso a ntanda adi pano panshi.
18 Ino kamweno kandi ne mfutwa yandi bikekala ke kintu kijila kudi Yehova. Kebikabīkwapo nansha kulamwa, mwanda mfutwa yandi ikekala ya boba bekalanga ku meso a Yehova, amba badye bekute ne kuvwala bivwalwa bilumbuluke.+
Kunshi kwa Dyani
^ Kishima pa kishima i, “lukunwa.”
^ Ko kunena’mba, musapa wa Munonga wa Nile.
^ Kishima pa kishima i, “bajike.”
^ Bibwanika padi i, “kyabu.”
^ Kishima pa kishima i, “mafuku a.”
