Isaya 4:1-6
4 Kadi bana-bakaji basamba-babidi bakakwata mwana-mulume umo mu dyodya difuku+ kebanena’mba:
“Tukadya mukate wetuKadi tukavwala bivwalwa byetu;Ino twityilwe’tu pa dyobe dijinaAmba bumvu bwetu bupwe.”*+
2 Mu dyodya difuku byobya bimeneja Yehova bikekala bya buya bwa dyangi ne bya ntumbo, kadi bipa bya ntanda’ya bikekala ke bya kwifyelela ne buyampe bwa boba bakapanda ba Isalela.+
3 Yewa ense ushele mu Ziona ne ukashibwa mu Yelusalema uketwa bu ujila, boba bonso ba mu Yelusalema balembelwe mwanda wa būmi.+
4 Yehova pakenda busala* bwa bana ba Ziona bana-bakaji+ ne kusukulula mashi amwangile Yelusalema mu bukata mwandi na mushipiditu wa butyibi ne na mushipiditu wa kusōka,*+
5 ne kadi peulu pa mitamba yonso ya Lūlu lwa Ziona ne peulu pa kifuko kya bitango byandi, Yehova ukalonga’po dikumbi ne mwishi dyuba, lubimbi lwa mudilo weñenya nalo bufuku;+ mwanda peulu pa ntumbo yonso pakekala mwa kufyama.
6 Kadi kukekala kitanda kya kuleta mwemba mu kyanga kya dyuba,+ mwa kunyemena ne kukingwa ku bimpumpu ne mvula.+
Kunshi kwa Dyani
^ Ko kunena’mba, bumvu bwa kubulwa kusongibwa ne kubulwa bana.
^ Kishima pa kishima i, “tuvwi.”
^ Nansha’mba “kufundula.”
