Isaya 32:1-20
32 Talai! Mulopwe+ ukabikala mwanda wa boloke,+Kadi bamfumu bakabikala mwanda wa bululame.
2 Muntu ne muntu ukekala pamo bwa kifuko kya kufyama’mo* kivula,Kifuko kya kufyama* mvula wa kimpumpu,Pamo bwa tuminonga twa mema mu ntanda yampikwa mema,+Pamo bwa mwemba wa kidibwe kikatampe mu ntanda myūmu tē.
3 Penepo meso a boba bamona keakapūtwapo monka,Matwi a boba bevwana nao akateja.
4 Mutyima wa boba ba kiyumbye ukalangulukila pa buyuki,Kadi ludimi lwa kikukumina lukesamba pampikwa kushishikita kadi bivwanikwa.+
5 Mulembakane kaketwepo monka bu wa buntu,Kadi muntu muzatuke kaketwepo bu wa bulēme;
6 Mwanda mulembakane ukesamba bya bulembakane,Kadi mutyima wandi ukafwatakanya bintu bibi,+Mwanda wa kukankamika bupondo* ne kunenena Yehova bintu byoneke,Mwanda wa kwendeja muntu wa nzala* kudya mpikaNe kusuminwa wa kyumwa bya kutoma.
7 Bintu bya muntu muzatuke i bibi;+Aye ukankamikanga mwiendelejo wa bumvuMwanda wa konakanya kimonya-malwa na bubela,+Nansha shi mulanda wisamba byoloke.
8 Ino muntu wa buntu udi na milangwe ya buntu,Kadi utakamenanga mu kulombola buntu.*
9 “Banwe bana-bakaji babwenye byonso, imanai mwivwane diwi dyami!
Banwe bana bana-bakaji bampikwa malangalanga,+ tai mutyima ku byonesamba!
10 Mu kitatyi kityetye kupwa kwa mwaka umo, banwe bampikwa malangalanga mukatetema,Mwanda i kutupu bipa bikakongakanibwa pakapwa mwangulo wa mañanza.+
11 Zakalai, banwe bana-bakaji babwenye byonso!
Tetemai, banwe bampikwa malangalanga!
Mwivūlei mutaka,Kadi vwalai masāka mu bifuka.+
12 Mwiyayei mwikupila pa byadiPa mwanda wa madimi malumbuluke ne muñanza upa bipa.
13 Mwanda nshi ya bantu bami ikapūtwa na miba ne tumityi twa miba;Bikapūta mobo onso a nsangaji,En-en, kibundi kisepelela.+
14 Ke-pantu kiteba kikomejibwe kibashibwa;Kibundi kya lunwa kibalekibwa.+
Ofela+ ne kiteba kya mulami ke mu ntanda mutuputupu lonso,
Nsangaji ya bampunda ba ntanda,Madyo a luombe,+
15 Kufika ne bipungulwilwa mushipiditu utamba mūlu potudi,+Ne bikala mu ntanda mutuputupu ke kitongo,Ne bimonwa kitongo nakyo bu ditó.+
16 Penepo bululame bukekala mu ntanda mutuputupu,Boloke nabo bukekala mu kitongo.+
17 Ndoe ikalupuka ku boloke bwa bine,+Kadi bipa bikalupuka ku boloke bwa bine i kwikala ku matwi talala ne mutyima-ntenke wa myaka na myaka.+
18 Bantu bami bakekala mu kifuko kya ndoe kya nyeke,Mu bīkalo bya mutyima-ntenke ne mu bifuko bya kukōkolokwa bya ku matwi talala.+
19 Ino mvula wa mabwe ukonakanya ditó,Kadi kibundi kikabundulwa kyonso.
20 Mwi ba nsangaji banwe bakuna nkunwa kufulakufula kwa mema onso,Balekelela* ñombe ne mpunda.”+
Kunshi kwa Dyani
^ Nansha’mba “mwa kufyama.”
^ Nansha’mba “Mwa kunyemena.”
^ Nansha’mba “kulonga bintu pampikwa bulēme.”
^ Nansha’mba “muya wa muntu wa nzala.”
^ Nansha’mba “bulēme.”
^ Nansha’mba “Bakutulula.”
