Isaya 39:1-8
-
Mikendi itamba ku Babiloni (1-8)
39 Mu kine kitatyi’kya mulopwe wa Babiloni, Melodake-Baladane mwanā Baladane, watumina Hezekia+ mikanda ne byabuntu, mwanda waivwene amba wadi ubela ne amba wakoma.+
2 Hezekia webatundaila na nsangaji,* webalombola ne njibo yandi ya byabulēme+—ndalama, ne olo, ne māni a balasome ne māni makwabo malēme, ne njibo yandi yonso ya byabulwi, ne bintu byonso byatenwe mu bibīko byandi bya byabulēme. I kutupu kintu kekyebalombwelepo Hezekia mu njibo* yandi ne mu bulopwe bwandi bonso.
3 Kupwa mupolofeto Isaya watwela kwa Mulopwe Hezekia kamwipangula’mba: “Le bano bantu abanena bika, ne kobatamba kwine i kwepi?” Hezekia nandi wanena’mba: “I batambe ku ntanda ya kulampe, ku Babiloni.”+
4 Wamwipangula monka’mba: “Le i bika byobamona mu yobe njibo?”* Hezekia walondolola’mba: “Abamone bintu byonso mu yami njibo.* Kekudipo kintu kya mu bibīko byami bya byabulēme kyonkibalombwelepo.”
5 Ponkapo Isaya wanena Hezekia amba: “Teja byanena Yehova wa bibumbo,
6 ‘Tala! Mafuku asa kwiya, bintu byonso bidi mu yobe njibo* ne byonso byaungwije bakulutuba bobe kufika ne dyalelo bikaselelwa ku Babiloni. I kutupu kikashala,’+ i Yehova unena.+
7 ‘Kadi bobe bana bamo bosa kubutula bakaselwa, bakekala bengidi ba bulēme ba mu kipango mu njibo mikatakata ya mulopwe wa Babiloni.’”+
8 Ponkapo Hezekia wanena Isaya amba: “Kinenwa kya Yehova kyowanena’kyo i kiyampe.” Kupwa wabweja’ko amba: “Mwanda kukekala ndoe ne mutyima-ntenke* ponekidi mūmi.”*+
