Isaya 38:1-22
38 Mu mene mafuku’a, Hezekia wabela kadi wadi kadi kubwipi na kufwa.+ Mupolofeto Isaya+ mwanā Amoze waiya kamunena’mba, “Yehova wanena namino amba: ‘Lombola ba mu yobe njibo bya kulonga, mwanda usa kufwa; kusapo kukoma.’”+
2 Ponkapo Hezekia watadija mpala yandi ku lubumbu kalombela kudi Yehova amba:
3 “Nakuzenze, a Yehova, nakwisāshila, vuluka’po+ monanangīle ku meso obe na kikōkeji ne na mutyima onso mutuntulu,+ kadi nalongele biyampe ku meso obe.” Penepo Hezekia kadila bibibibi.
4 Penepo kinenwa kya Yehova kyaiya kudi Isaya amba:
5 “Joka usapwile Hezekia+ amba, ‘Yehova Leza wa Davida mukulutuba obe wanena namino amba: “Naivwana milombelo yobe.+ Namone impolo yobe.+ Nsa kubweja myaka 15 ku būmi bobe,*+
6 kadi nsa kukukūla abe ne kino kibundi ku kuboko kwa mulopwe wa Ashidia, nsa kulwila kino kibundi.+
7 Kino kyo kiyukeno kitamba kudi Yehova kya kukulombola’mba Yehova usa kufikidija binenwa byaanena:+
8 Nsa kujokeja kinyuma munjiñininya wa dyuba dyenda ditūka matabula dikumi pa lukala* lwa Ahaza.”’”+ Penepo dyuba dyajoka kinyuma matabula dikumi pa lukala adyo dyadi ke ditūke kala.
9 Kilembwa kya Hezekia mulopwe wa Yuda kitatyi kyaabelele ne kyaakomene ku misongo yandi.
10 Nanenene amba: “Pa bukata bwa būmi bwamiMfwaninwe kutwela mu bibelo bya Kibundu.*
Bakansuminwa myaka yami ishele’ko.”
11 Nanenene amba: “Nkikamonepo Yah,* Yah mu ntanda ya bōmi.+
Nkikatalepo monka bantuKitatyi kyondi na bekadi ba mu kifuko kemudipo būmi.
12 Kīkalo kyami kibatukunwa ne kuntalulwa+Pamo bwa pema wa mukumbi.
Navunge būmi bwami pamo bwa muntu usukanga bisandi;Aye wankete’ko pamo bwa nyushi ya mu bula.
Abe umfikijanga ku mfulo tamba lubanga kufika ne kakyolwa.+
13 Natalala nyā kufika ne ku lubanga.
Aye utyumuna’nka kutyumuna mikupa yami yonso pamo bwa ntambo;Abe umfikijanga ku mfulo+ tamba lubanga kufika ne kakyolwa.
14 Ndilanga’nka kudila pamo bwa kamimbi nansha kamvila,*+Minzanga’nka kubinza pamo bwa nkunda.+
Meso ami atalanga patunduke na mpungiji amba:+
‘A Yehova, ngidi mu tusua tukatampe;Nkwashe’ko!’*+
15 Le nene bika?
Wesambe nami kadi wekilonga.
Nkenda na kwityepeja* myaka yami yonsoPa mwanda wa tusua twami tulula bululu.*
16 ‘A Yehova, muntu ense i mūmi na bino bintu,*Kadi mu abyo mo mudi būmi bwa mushipiditu wami.
Ukankomeja ne kundama mūmi.+
17 Tala! Pa kyaba kya ndoe, nadi na bululu bukatampe;Ino byounsenswe* bininge,Waumpadije mu kīna kya bonakani.+
Ubaela bubi bwami bonso kunyuma kobe.*+
18 Mwanda Kibundu* kekibwanyapo kukutumbija,+Lufu kelubwanyapo kukutendela.+
Boba batūkila mu kīna kebabwanyapo kukulupila bubinebine bobe.+
19 Bōmi, bōmi abo babwanya kukutendela,Monka mombwaninya ami dyalelo.
Shabana ubwanya kupa bandi bana buyuki bwa bubinebine bobe.+
20 A Yehova, mpandije,Kadi tukombanga ñimbo yami na byombanwa bya myonji+
Mafuku onso a būmi bwetu ku njibo ya Yehova.’”+
21 Kupwa Isaya wanena’mba: “Letai mukate wa mikuyu myūmu miponde, mumushinge’o pa kipote, amba akome.”+
22 Hezekia waipangula’mba: “Le i kiyukeno’ka kilombola’mba nsa kukanda ku njibo ya Yehova?”+
Kunshi kwa Dyani
^ Kishima pa kishima i, “mafuku obe.”
^ Padi ino nkala yādi ingidijibwa pa kubala kitatyi, bu kipimo kya bitatyi kingila na dyuba.
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ “Yah” i dijina Yehova mu kīpi.
^ Kishima pa kishima i, “Ikala kyeya kyami.”
^ Bibwanika padi i, “kalongominda.”
^ Nansha’mba “na kusumininwa.”
^ Nansha’mba “bululu bwa muya wami.”
^ Ko kunena’mba, binenwa ne bilongwa bya Leza.
^ Nansha’mba “Ubatalula bubi bwami bonso ku meso obe.”
^ Nansha’mba “byosenswe muya wami.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
