Isaya 2:1-22
2 Bino’bi byo byamwene Isaya mwanā Amoze pa mwanda wa Yuda ne Yelusalema:+
2 Ku mfulo ya mafuku,*Lūlu lwa njibo ya YehovaLukakomejibwa pototo peulu pa nsongo ya ngulu,+Kadi lukazunzulwa peulu pa mikuna,
Kadi mizo yonso ikatūtyikila’ko.+
3 Bantu bavule bakenda kebanena’mba:
“Iyai, tukande ku lūlu lwa Yehova,Ku njibo ya Leza wa Yakoba.+
Aye uketufundija mashinda andi,Netu tukananga mu tushinda twandi.”+
Mwanda bijila* bikatamba ku Ziona,Kinenwa kya Yehova nakyo ku Yelusalema.+
4 Ukatyiba mambo mu bukata mwa mizoNe kusendulula myanda* ya bantu bavule.
Bakafula bipete byabo ke nkasuNe mikobe yabo ke bipete bya kukukula nabyo.+
Muzo keukatululapo kipete pa muzo mukwabo,Kadi kebakefundepo monka divita.+
5 A njibo ya Yakoba, iyai,Tunangilei mu kitōkeji kya Yehova.+
6 Mwanda mubaleka bantu benu, njibo ya Yakoba,+Ke-pantu abavudija bintu bingi bya Kutunduka;Baloñanga bya maleñanya+ pamo bwa bene Fidishitia,Kadi abavudija bana ba beni.
7 Ntanda yabo i miyule ndalama ne olo,*Kadi byabulēme byabo kebibadikapo.
Ntanda yabo i miyule tubalwe,Kadi makalo abo keabadikapo.+
8 Ntanda yabo i miyule baleza ba bitupu.+
Bevukwilanga mingilo ya makasa abo,Bintu byobalongele na minwe yabo.
9 Penepo muntu wetūkija munshi, waikala mupēlulwe,Kadi abe kubwanyapo kwibalekela.
10 Twela mu dibwe wifye mu luvumbiPa mwanda wa bukalabale bwa Yehova bulenga moyoNe buya bwandi bwa dyangi bukatampe.+
11 Meso a kwizunzula a muntu akatūkijibwa,Kadi kibengo kya bantu kikatūkijibwa munshi.*
Yehova bunka bwandi ukazunzulwa mu dyodya difuku.
12 Mwanda i difuku dya Yehova wa bibumbo.+
Dīyanga pa muntu ense wizunzula ne wikandija,Pa muntu ense, muzunzulwe nansha mupēlulwe,+
13 Pa mityi yonso milampe ya sedele ya Lebanona kadi mizunzulweNe pa mityi yonso ya shene ya Bashane,
14 Pa ngulu yonso milampeNe pa mikuna yonso milamila,
15 Pa kiteba kyonso kilampe ne pa lubumbu lonso lukomejibwe,
16 Pa byombo byonso bya Talashishi+Ne pa mato onso malumbuluke.
17 Kwizunzula kwa muntu kukatūkijibwa munshi,Kadi kibengo kya bantu kikatūkijibwa.*
Yehova bunka bwandi ukazunzulwa mu dyodya difuku.
18 Baleza ba bitupu bakajimina lonso.+
19 Kadi bantu bakatwela mu mitá ya mabweNe mu bīna pa nshi,+Pa mwanda wa bukalabale bwa Yehova bulenga moyoNe buya bwandi bwa dyangi bukatampe,+Kitatyi kyakemana mwanda wa kuzakaja ntanda.
20 Mu dyodya difuku bantu bakayata baleza babo ba bitupu ba ndalama ne ba oloBobelongēle mwanda wa kwivukwila ku meso aboNe kwibela mu bansulu* ne mu midima,+
21 Mwa kutwelela mu bīna mu mabweNe mu mpako ya bimabwe,Pa mwanda wa bukalabale bwa Yehova bulenga moyoNe buya bwandi bwa dyangi bukatampe,Kitatyi kyakemana mwanda wa kuzakaja ntanda.
22 Pa mwanda wa būmi bwenu, lekai kukulupila muntu wa bitupu,Aye i umpuya’tu bitupu mu mapunge a myulu yandi.*
Lelo kyomumubangila i kika?
Kunshi kwa Dyani
^ Nansha’mba “Mu mafuku a mfulo.”
^ Nansha’mba “bulombodi.”
^ Nansha’mba “kōlola myanda.”
^ Nansha’mba “nsahabu.”
^ Nansha’mba “kikafwijibwa bumvu.”
^ Nansha’mba “kikafwijibwa bumvu.”
^ Tunyema tutyetutye tubutula twa kyonakanya.
^ Nansha’mba “Umpuya wandi udi mu mapunge a myulu yandi.”
