Isaya 56:1-12
56 Yehova wanena namino amba:
“Kwatakanyai bululame,+ kadi longai kyokya kyoloke,Mwanda lupandilo lwami lusa kwiya panopanoKadi boloke bwami bukasokolwa.+
2 Wa nsangaji i yewa muntu ulonga kino’kiNe mwanā muntu ulamete’ko,Ulamine Sabato ne kwiijilula mpika+Ukoka kuboko kwandi ku kulonga bibi bya miswelo yonso.
3 Mweni wilunga kudi Yehova+ kafwaninwepo kunena’mba,‘Bine Yehova ukansansanya na bantu bandi.’
Ntungu nandi kafwaninwepo kunena’mba, ‘Tala! Ami ne mutyi mūmu.’”
4 Mwanda Yehova wanena bantungu balama masabato ami, batonga kyokya kyondoelelwe kadi balamete ku kipwano kyami amba:
5 “Nkebapa mulawalawa ne dijina mu njibo yami ne mu mumbu yami,Kintu kilumbuluke kupita bana bana-balume ne bana-bakaji.
Nkebapa dijina dya nyeke,Kedikonekapo.
6 Ino beni belunga kudi Yehova mwanda wa kumwingidila,Kusanswa dijina dya Yehova+Ne kwikala bengidi bandi,Boba bonso balama Sabato ne kwiijilula mpikaKadi balamete ku kipwano kyami,
7 Nami nkebaselela ku lūlu lwami lujila+Ne kwibasangaja munda mwa njibo yami ya milombelo.
Byamulambu byabo bisōkwe bituntulu ne bitapwa byabo biketabijibwa pa kisōkelo kyami.
Mwanda njibo yami iketwa bu njibo ya milombelo ku bantu bonso.”+
8 Mfumu Mwinē Lupusa Lonso Yehova, mwine ukongakanya bantu ba Isalela bapalakanibwe,+ wanena’mba:
“Nkakongakanya bakwabo kwadi kutentekela pa boba bakongakanibwe kala.”+
9 Banwe banyema bonso ba ntanda, iyai mudye,Banwe banyema bonso ba ntanda badi mu ditó.+
10 Balami bandi i bampofu,+ i kutupu nansha umo mobadi utele’ko mutyima.+
Abo bonso i bambwa batumāma, kebabwanyapo kuboza.+
Besakananga kadi balēle, basenswe kukunuka.
11 I bambwa ba ludyo,*Kebekutangapo nansha dimo.
I bakumbi bampikwa ñeni.+
Bonso bendanga dyabo;Wa mfulo ense mobadi ukimbanga kumwena mu bya budimbidimbi kanena’mba:
12 “Iyai, ngate’ko vinyu,Tutome bitomibwa bikolwañana ne byotukolwa.+
Dya kesha dikekala’nka na dyalelo, dilumbuluke mpata!”
Kunshi kwa Dyani
^ Nansha’mba “ba muya mukomo.”
