Isaya 53:1-12

  • Masusu, lufu, ne kujīkwa kwa mwingidi wa Yehova (1-12)

    • Mufutululwe ne kunyemwa (3)

    • Watekuna mbá ne misanshi (4)

    • “Pamo bwa mukōko ku ba kumwipaya” (7)

    • Watekwine bubi bwa bavule (12)

53  Le i ani waikala na lwitabijo mu bintu byobaivwana kotudi?*+ Kadi kuboko kwa Yehova+ nako, le kubasokwelwa ani?+   Ukatamba pamo bwa kamusambo+ ku meso andi,* pamo bwa muji utamba mu ntanda myūmu. Kadipo na mumwekelo, nansha na buya bwa dyangi;+Kadi potumumona, mpala yandi keitukokelangapo kwadi.*   Wadi mufutululwe ne kunyemwa na bantu,+Muntu wadi ufwaninwe* misanshi ne kwibidila misongo. Mpala yandi yadi’nka na ayo mitufibwe.* Wadi mufutululwe, kadi netu twamumwene bu wa bitupu.+   Bine, watekwine mbá yetu,+Kadi waselele misanshi yetu.+ Ino batwe twamumwene bu mususulwe, mukupilwe na Leza kadi mumweshibwe malwa.   Ino wasabakanibwe+ pa mwanda wa kujilula kwetu;+Wasonsakanibwe pa mwanda wa bilubo byetu.+ Waselele mfuto pa mwanda wa ndoe yetu,+Kadi twaundapilwe pa mwanda wa bilonda byandi.+   Batwe bonso tulumbakananga pamo bwa mikōko,+Muntu ne muntu walamukila mu dishinda dyandi,Kadi Yehova walengeja esambakane na kilubo kya batwe bonso.+   Wasuswilwe+ kadi walekele amweshibwe malwa,+Ino kaasaminepo kyakanwa kyandi. Watwelwe pamo bwa mukōko wenda ku kutapwa,+Pamo bwa mukōko mukaji udi talala nyā ku meso a beutenda myoya,Kadi kaasaminepo kyakanwa kyandi.+   Wafundwilwe pa mwanda wa kukankajibwa* ne butyibi,Le i ani ukata mutyima ku myanda yonso ya lukongo lwandi?* Mwanda watyibilwe ku ntanda ya bōmi;+Wakupilwe bikupilwa*+ pa mwanda wa kujilula kwa bantu bami.   Kadi wapelwe ntanda ya kujīkwa’mo* pamo na babi,+Ne pamo na bampeta,* mu lufu lwandi,+Nansha byakalongelepo bibi*Ne mu kyakanwa kyandi byokemwadipo bongojani.+ 10  Ino i Yehova wasakile* amba asonsakanibwe, wamuleka abele. Shi ukalambule būmi bwandi* bu kyamulambu kya mambo,+Aye ukamona lutundu* lwandi, ukalepeja mafuku andi,+Kadi kuloelelwa* kwa Yehova kukabwanika kupityila kudi aye.+ 11  Pa mwanda wa malwa andi,* ukamona ne kusangala. Kupityila ku buyuki bwandi, moloke, mwingidi wami,+Ukalengeja bantu bavule bamonwe bu boloke,+Kadi ukasela bilubo byabo.+ 12  O mwanda nkamupa kipindi kimo mu bavule,Kadi ukeabila kikwatwa na bantu bakomokomo,Mwanda wapungulwile būmi bwandi* enka ne ku lufu+Kadi wabadīlwe mu ba kujilula bijila;+Waselele bubi bwa bantu bavule,+Kadi wasengēle ba kujilula bijila.+

Kunshi kwa Dyani

Bibwanika padi i, “mu byobya byotwaivwene?”
“Andi” ubwanya kufunkila pa a muntu ense ubandila nansha pa a Leza.
Nansha’mba “kekudipo mpala ya pa bula yotubwanya kumwabidila.”
Nansha’mba “wayukile.”
Bibwanika padi i, “Wadi pamo bwa muntu kwadi kutala bantu mapala abo.”
Nansha’mba “masusu.”
Nansha’mba “mwiendelejo wandi wa mu būmi?”
Nansha’mba “Wakupilwe bya lufu.”
Nansha’mba “Kadi muntu ukapāna ntanda yandi ya kujīka’mo.”
Kishima pa kishima i, “mpeta.”
Nansha’mba “bya lūma.”
Nansha’mba “Ino Yehova waloelelwe.”
Nansha’mba “muya wandi.”
Kishima pa kishima i, “lukunwa.”
Nansha’mba “kiswa-mutyima; kusangala.”
Nansha’mba “makambakano a muya wandi.”
Nansha’mba “muya wandi.”