Isaya 8:1-22
8 Yehova waunena’mba: “Yata kipāpo kikatampe+ ulembe’po na ka kulemba nako ko-konso* amba, ‘Mahe-Shalala-Hashe-Baza.’*
2 Nami ngitabije’kyo na kilembwa* kupityila ku batumoni bakōkele, ba Udia+ kitobo ne Zekadia mwanā Yebelekia.”
3 Penepo nalāla na* mupolofeto mukaji,* waimita kupwa wabutula mwana mwana-mulume.+ Ebiya Yehova waunena’mba: “Mwinike bu Mahe-Shalala-Hashe-Baza,
4 mwanda kumeso kwa mwana kuyuka’ye kwita’mba ‘Tata!’ nansha’mba ‘Mama!’ bya bupeta bya Damakasa ne bitūtwa bya Samadia bikaselelwa ku meso a mulopwe wa Ashidia.”+
5 Yehova waunena monka’mba:
6 “Bano bantu byobapela mema a Shiloa*+ akuka biyampe,Abasangela’ko Lezina ne mwanā Lemadia,+
7 Shi ke pano tala! Yehova ukebaletelaMema makomokomo kadi mangimangi a Munonga,*Mulopwe wa Ashidia+ ne ntumbo yandi yonso.
Ukāya pa byalo byandi byonso bya minongaNe kuyuja bā mungo yandi yonso
8 Kadi ukapityila mu Yuda.
Ukalobeja ne kupita’mo, kufika ne mu nshingo;+Mapapa andi mabāle akayula bunkimbwa bwa ntanda yobe,Abe Emanyuele!”*+
9 Banwe bantu, sanshijai, ino mukatyumunwa bipindibipindi.
Tejai, banwe bonso ba ku bipindi bya kulampe bya ntanda!
Mwilongololei mwanda wa bulwi,* ino mukatyumunwa bipindibipindi!+
Mwilongololei mwanda wa bulwi, ino mukatyumunwa bipindibipindi!
10 Kalai ñeni, ino ikakankajibwa!
Nenai momusakila, ino kebikendekapo,Mwanda Leza udi netu!*+
11 Na kuboko kwandi kukomo pondi, Yehova waunenene namino mwanda wa kundyumuna ndeke kulonda dishinda dya bano bantu amba:
12 “Kemwakitelai bu kitumba byobya bitela bano bantu bu kitumba!
Kemwakityinai byobya byobatyina;Kemwakibizakalai.
13 Yehova wa bibumbo—aye Ye omufwaninwe kumona bu ujila,+Ye omufwaninwe kutyina,Kadi Ye ufwaninwe kwimuzakaja.”+
14 Aye ukekala bwa kipandulwe,Ino bwa dibwe dya kwitema’koNe bwa dibwe dya kukukala+Ku mobo onso abidi a Isalela,Bwa kidiba ne dikingaKu bekadi ba Yelusalema.
15 Bavule mobadi bakakukala ne kupona ne kwityumuna;Bakapya mu dikinga ne kukwatwa.
16 Vunga bukamoni bulembe;*Koma kashé pa bijila* mu bami bana ba bwanga!
17 Ami nkakungilanga* Yehova,+ ufya mpala yandi ku njibo ya Yakoba,+ kadi nkakulupilanga mwadi.
18 Tala! Ami ne bana bampele Yehova+ tudi bwa biyukeno+ ne bwa bingelengele mu Isalela bitamba kudi Yehova wa bibumbo, wikele pa Lūlu lwa Ziona.
19 Shi abemunena’mba: “Ipangulai babuka na bibanda nansha bilumbu bisama ne kwiuninga,” mwene bantu bafwaninwe kwipangula Leza wabo? Le bafwaninwe kwipangula bafwe pa mwanda wa bōmi?+
20 Ino abo bafwaninwe kwipangula bijila ne bukamoni bulembe!*
Shi kebanenapo mungya kino kinenwa, kebadipo na kitōkeji.*+
21 Kadi muntu ne muntu ukapityila mu ntanda’ya mumweshibwe malwa ne na nzala;+ ino byadi na nzala kadi mufītwe, ukafinga mulopwe wandi ne Leza wandi patala mūlu.
22 Penepo ukatala panshi ne kumona’nka tusua ne fukutu, kufīta ne bitatyi bya malwa, mfindi ne kubulwa kitōkeji.
Kunshi kwa Dyani
^ Kishima pa kishima i, “ka kulemba nako ka muntu wa kufwa.”
^ Pakwabo kishintulula’mba “Kupēlakena ku Kitūtwa, Kwiya Bukidibukidi ku Kitūtwa.”
^ Nansha’mba “nekitūdile bukamoni; nekibingije.”
^ Kishima pa kishima i, “nafwena kudi.”
^ Ko kunena’mba, mukaja Isaya.
^ Shiloa wadi mukola wa mema.
^ Ko kunena’mba, Ufalete.
^ Nansha’mba “Mwikutei mu kifuka.”
^ Nansha’mba “bya kwitabija nabyo.”
^ Nansha’mba “bulombodi.”
^ Nansha’mba “nkelaijanga na kipyupyu.”
^ Nansha’mba “bya kwitabija nabyo.”
^ Kishima pa kishima i, “kibanga.”
