Isaya 54:1-17
54 “Ela nsadi ya tusepo, abe mwana-mukaji ñumba kabutwilepo!+
Sangala ne kwela nsadi ya tusepo,+ abe kaikele kashā na bisanso bya lubutulo,+Mwanda bana bana-balume* ba yewa udi mu musala i bangi bininge
Kutabuka bana ba mwana-mukaji udi ne mulume,”*+ i Yehova unena.
2 “Baija bininge kifuko kya pema obe.+
Tamuna pema wa kipema kyobe kikatampe.
Kokeshisa, lepeja myonji ya pema obe,Kadi ningija bikomo bya pema obe.+
3 Mwanda ukatandabuka ku lundyo ne ku lunkuso kwine.
Lutundu lobe lukakwata mizo,Kadi bakekala mu bibundi bisalwe.+
4 Kokikwatwa moyo,+ mwanda kukafwijibwapo bumvu;+Koketyepelwa, mwanda kukatyumukwapo mutyima.
Mwanda ukelwa bumvu bwa pa busongwakaji bobe,Kadi kuzobejibwa kobe kwa bu mukaji wa kishala kukavuluka’kopo monka.”
5 “Mwanda obe Mulongi Mukatakata+ udi pamo bwa obe mulume,*+Dijina dyandi i Yehova wa bibumbo,Kadi Mwine Ujila wa Isalela ye Mukūdi obe.+
Aye uketwa bu Leza wa ntanda yonso.+
6 Mwanda Yehova wakwityile’nka na abe mukaji mushibwe kadi mutyibidilwe na njia,*+Pamo bwa mukaji wasongelwe pa busongwakaji kupwa bamupela,” i Leza obe unena.
7 “Mwanda nakushile mu kitatyi kityetye,Ino nkakujokeja na lusa lukatampe.+
8 Nakufile mpala yami kitatyi kampanda+ na bukalabale bukatampe,Ino nkakwivwanina lusa na buswe bwa ndamatyidile bwa nyeke,”+ i Yehova, Mukūdi obe+ unena.
9 “Kondi kino’ki kidi pamo bwa mafuku a Noa.+
Enka monatyipīle amba mema a Noa keakapūtapo monka ntanda,+Mo monka monatyipila’mba nkikakufītyilwapo monka mutyima nansha kukufunina.+
10 Mwanda ngulu ibwanya kutalulwaMikuna nayo ibwanya kutenkanibwa,Ino buswe bwami bwa ndamatyidile kebukakutalulwapo,+Nansha kipwano kyami kya ndoe kutenkanibwa mpika,”+ i Yehova unena, Mwine ukwivwanina lusa.+
11 “A mwana-mukaji umweshibwa malwa,+ usunkanibwa na kimpumpu, kusengibwa mpika,+Naala mabwe obe na bitoto bikomokomoNe kyalwilo kyobe na mabwe a safile.+
12 Nkalonga tumpango tobe twa pangala na mabwe a lubi,Bibelo byobe na mabwe eñenya,*Mikalo yobe yonso nayo na mabwe malēme.
13 Bobe bana bana-balume* bonso bakafundijibwa na Yehova,+Kadi ndoe ya bobe bana bana-balume* ikavula.+
14 Ukakomejibwa pototo mu boloke.+
Ukekala kulampe na masusu,+Kukatyinapo kintu kadi kekukekalapo kintu kikuzakaja,Mwanda kekikakufwenapo.+
15 Shi muntu wakutambe’dyo,Ke na lupusapo lwami.
Yewa ense ukutamba’dyo ukapona pa mwanda obe.”+
16 “Tala! Ami ye wapangile sendwe,Upujanga makala a mudilo,Ne kulupula kyabulwi ku mwingilo wandi.
Kadi amiwa ye wapangile ne ñonaona wa konakanya.+
17 I kutupu kyabulwi nansha kimo kikupungīlwe kikalonga kintu,+Kadi ukaponeja ludimi lonso lukakutalukila mu butyibi.
Kino’ki i bupyani bwa bengidi ba Yehova,Kadi boloke bwabo i butambe kondi,” i Yehova unena.+
Kunshi kwa Dyani
^ Nansha’mba “bana.”
^ Nansha’mba “mfumwandi.”
^ Nansha’mba “mfumobe.”
^ Kishima pa kishima i, “obasanshije mu mushipiditu.”
^ Nansha’mba “mabwe a mudilo.”
^ Nansha’mba “bana.”
^ Nansha’mba “bana.”
