Isaya 41:1-29
41 “A bisanga, ntejei talala;*Mizo ikale monka na bukomo.
Ifwene; ebiya īsambe.+
Twibungei pamo mwanda wa butyibi.
2 Le i ani waimika muntu kutambanga dyuba,*+Wamwite mu boloke ku maulu Andi,*Mwanda wa kumupa mizoNe kumulengeja anekenye balopwe?+
Le i ani webalamuna ke luvumbi kumeso a kipete kyandi,Pamo bwa bityakuku bipepuka na luvula ku meso a buta bwandi bwa miketo?
3 Wibalondalondanga, upita kwampikwa kujikakanibwaMu tushinda kemwaendele maulu andi.
4 Le i ani walongele ne kūba kino’ki,Wita nkongo tamba ku ngalwilo?
Ami Yehova, ne Mubajinji,+Kadi na boba ba mfulo, ngidi muswelo umo onka.”+
5 Bisanga bibamone’kyo ne kukwatwa moyo.
Mafulo a ntanda keazakala.
Abafwena kubwipi ne kwiya’nka kumeso.
6 Muntu ne muntu ukwasha mukwaboNe kunena mwanabo amba: “Wikomeje.”
7 Penepo sendwe ukomeja mwingidi ufula byuma;+Yewa utōtola na kitotwaUkomeja yewa utōtwela pa kyuma kya kufudila’po.
Unena kusondela’mba: “I kuyampe.”
Kupwa wabamba’ko misumadi kutyina kyakapona.
8 Ino abe, a Isalela, wi mwingidi wami,+Abe, a Yakoba, onatonga,+Lutundu* lwa Abalahama mulunda nami,+
9 Abe, onayete ku mafulo a ntanda,+Kadi abe, onaityile ku bipindi byayo bya kulampe.
Nakunenene amba, ‘Abe wi mwingidi wami;+Nakutonge; nkikwelelepo.+
10 Kokakwatwa moyo, mwanda ngidi nobe.+
Kokazumbija mutyima, mwanda ami ne Leza obe.+
Nkakukomeja, bine, nkakukwasha,+Bine, nkakukwata na kuboko kwami kwa lundyo kwa boloke.’
11 Tala! Boba bonso bakukalabela bakafwijibwa bumvu ne kuzobejibwa.+
Boba balwa nobe bakajimankanibwa ne koneka.+
12 Ukakimba boba balwa nobe, ino kukebamonepo;Bantu balwa nobe divita bakekala’nka bwa kintu kekidi’kopo, kintu kya bitupu.+
13 Mwanda ami, Yehova Leza obe, nkwete kuboko kobe kwa lundyo,Mwine ukunena’mba, ‘Kokakwatwa moyo. Nkakukwasha.’+
14 Kokakwatwa moyo, abe munyambo* Yakoba,+Banwe bantu ba Isalela, nkemukwasha,” i Yehova unena, Mukūdi obe,+ Mwine Ujila wa Isalela.
15 “Tala! Nakwalamuna kodi kya kupūla nakyo,+Kipungwa kipya kya kupūla nakyo kya meno a bui kubidi.
Ukatyampa ngulu ne kwiivingakanyaKadi ukalamuna mikuna pamo bwa mfumba.
16 Ukeipēpa,Kadi kivula kikeisela,Kimpumpu kya luvula kikeipalakanya.
Ukasangela mudi Yehova,+Kadi uketumbija mudi Mwine Ujila wa Isalela.”+
17 “Mufudilwe ne mulanda bakimbanga mema, ino kutupu’o.
Ludimi lwabo i lūmu mwanda wa kyumwa.+
Ami Yehova, nkebalondolola.+
Ami Leza wa Isalela, nkikebalekapo.+
18 Nkakukija minonga pa mikuna padi tō+Ne masulo a mema mu malungu a misanza.+
Nkalamuna mu ntanda mutuputupu ke kijiba kya mabunguNe ntanda myūmu ke masulo a mema.+
19 Nkakuna mutyi wa sedele mu ntanda mudi zolē,Ne mutyi wa akashia ne mutyi wa milete ne mutyi wa pine.+
Nkakuna mutyi wa jenevidiye mu dilungu mudi zolē,Pamo ne mutyi wa felene ne mutyi wa shipele,+
20 Amba bantu bonso bamone ne kuyukaNe kuta mutyima ne kwivwanijaAmba kuboko kwa Yehova kubalonga kino’ki,Kadi amba Mwine Ujila wa Isalela wekipange.”+
21 “Lombolai mwanda wenu,” i Yehova unena.
“Mwishintulwilei,” i Mulopwe wa Yakoba unena.
22 “Letai bukamoni ne kwitulombola bintu bikalongeka.
Mwitulombolei bintu bya kala,*Amba tulangulukile’po* ne kuyuka bilupukile’ko.
Nansha kadi mwitulombolei bintu bīya kumeso.+
23 Mwitulombolei bikalongeka mafuku a kumeso,Amba tuyuke amba mwi baleza.+
Bine, longai kintu, kiyampe nansha kibi,Amba tutulumuke shi tubekimone.+
24 Talai! Banwe mwi kintu kekidi’kopo,Kadi mingilo yenu i ya bitupu.+
Yewa ense wimutonga i wa munyanji.+
25 Naimika muntu kungala, nandi ukāya,+Wa kokwa kutambanga dyuba*+ uketa dijina dyami.
Ukatyampa balopwe* wita’mba i dilongo,+Pamo bwa umbumbi ufinya dilongo dibishi.
26 Le i ani wanenene kino’ki tamba ku ngalwilo, amba tuyuke,Nansha tamba mafuku kunyuma, amba tunene amba, ‘Aye udi na bubinga’?+
Na bubine, i kutupu nansha umo wasapwile’kyo!
I kutupu nansha umo wesambile’kyo!
I kutupu nansha umo waivwene kintu komudi!”+
27 Ami ye mubajinji kunena Ziona amba: “Tala! Abi kebyo!”+
Kadi nkatuma ku Yelusalema muntu wa kusela myanda miyampe.+
28 Nadi ntala’nka kutala, ino kekwadipo muntu;Kekwadipo nansha umo mobadi wa kuleta madingi.
Kadi nadi nebepangula’nka kwibepangula balondolole.
29 Talai! Abo bonso i ba bubelabubela.*
Mingilo yabo i ya bitupu.
Bankishi babo ba byuma* i luvula kadi ba bubela.+
Kunshi kwa Dyani
^ Nansha’mba “ikalai talala ku meso ami.”
^ Nansha’mba “kutunduka.”
^ Ko kunena’mba, amwingidile.
^ Kishima pa kishima i, “Lukunwa.”
^ Ko kunena’mba, wampikwa bukomo kadi mupēlulwe.
^ Kishima pa kishima i, “bibajinji.”
^ Nansha’mba “tute’ko mutyima.”
^ Nansha’mba “kutunduka.”
^ Nansha’mba “baledi bampingakani.”
^ Nansha’mba “kintu kekidi’kopo.”
^ Nansha’mba “Bankishi basungululwe.”
