Isaya 61:1-11
61 Mushipiditu wa Mfumu Mwinē Lupusa Lonso Yehova udi pondi,+Mwanda Yehova wanshingile māni amba nsapwile betyepeje+ myanda miyampe.
Wantumine kukuta bilonda bya bantu ba mityima mityumuke,Kusapula kulekelelwa kwa misungiNe kupūtula bininge meso a bakutwa,+
2 Mwanda wa kusapula mwaka wa mutyima muyampe wa* YehovaNe difuku dya kinongo kya Leza wetu,+Mwanda wa kusenga bonso badila madilo,+
3 Mwanda wa kupa boba badila pa mwanda wa Ziona,Kwibapa kya kwipūta ku mutwe pa kyaba kya buto,Māni a kusepelela pa kyaba kya madilo,Kivwalwa kya mitendelo pa kyaba kya mushipiditu mutyumuke.
Kadi bakatelwa bu mityi mikata ya boloke,Budimi bwa Yehova, mwanda wa kumutumbija.*+
4 Bakobakulula masala a kala;Bakalangula bifuko bisalwe bya pa kala,+Kadi bakalongolola bibundi byonakanibwe,+Bifuko bilēle mu masala ku nkongo ne nkongo.+
5 “Beni bakemana ne kukumba luombe lwenu,Kadi bantu ba kungi+ bakekala benu babidimye ne bengidi benu ba mu madimi a mañanza.+
6 Ino banwe, bakemwita bu babitobo ba Yehova;+Bakemwita bu bengidi ba Leza wetu.
Mukadya bupeta bwa mizo,+Kadi mukeaninya ntumbo yabo.*
7 Pa kyaba kya bumvu mukekala na bipindi bibidi,Pa kyaba kya kuzobejibwa bakela nsadi ya tusepo pangala pa kyepelo kyabo.
Bine, bakayata bipindi bibidi mu ntanda yabo.+
Nsangaji ya nyeke ikekala yabo.+
8 Mwanda ami Yehova nsenswe boloke;+Nshikilwe kunyoñomona bintu ne bukondame.+
Nkebapa mfutwa yabo na bubinebine,Kadi nkasamba nabo kipwano kya nyeke.+
9 Lutundu* lwabo lukayukibwa mu mizo+Babo bana nabo mu bantu.
Boba bonso bebamona bakebayuka,Amba i lutundu* lweselwe na Yehova.”+
10 Nkasepelela bininge mudi Yehova.
Ami ense nkasangela* mudi Leza wami.+
Mwanda waumvwika bivwalwa bya lupandilo;+Waumpombe na munkukumba* wa boloke,Pamo bwa musoñañani uvwele kivwalwa kya ku mutwe enka bwa kitobo,+Ne pamo bwa mutundaile wineñenya na byandi bya kwidyangula nabyo.
11 Mwanda enka mumenejejanga ntanda mitombo yayoNe mumenejejanga budimi byobya bikuninwe,Mfumu Mwinē Lupusa Lonso Yehova nandiUkameneja boloke+ ne mitendelo+ ku meso a mizo yonso.
Kunshi kwa Dyani
^ Nansha’mba “katōkwe ka.”
^ Nansha’mba “kumulumbulula.”
^ Nansha’mba “bupeta bwabo.”
^ Kishima pa kishima i, “Lukunwa.”
^ Kishima pa kishima i, “lukunwa.”
^ Nansha’mba “Muya wami ukasangela.”
^ Nansha’mba, “kotyi wampikwa makasa.”
