Isaya 40:1-31
40 “Sengai, sengai bantu bami,” i Leza wenu unena.+
2 “Mwisambei bitenga mutyima wa* Yelusalema,Musapwilei amba mingilo yandi ya kuningilwa ibafikidijibwa,Amba mambo andi abafutwa.+
Watambula ku kuboko kwa Yehova mfuto mibwane* ya bubi bwandi bonso.”+
3 Diwi dya muntu wela lubila mu ntanda mutuputupu amba:
“Tōkejai* dishinda dya Yehova!+
Olwelai Leza wetu+ dishinda dikatampe+ mu ntanda mudi zolē.
4 Musanza onso uzunzulwe,Kadi lūlu lonso ne mukuna onso bitūkijibwe,
Nshi ya binkulunkulu idiñamanibwe,Nshi ya bikunubikunu nayo ikale ke dilungu dya musanza.+
5 Ntumbo ya Yehova ikasokolwa,+Kadi ngitu yonso* ikeimona pamo,+Mwanda kyakanwa kya Yehova kibesambe’kyo.”
6 Teja! Kudi muntu unena’mba: “Ela lubila!”
Mukwabo nandi waipangula’mba: “Le ngele lubila lwa bika?”
“Ngitu yonso i* biyombo bibishi.
Buswe bwabo bonso bwa ndamatyidile budi bwa maluba a mu ntanda.+
7 Biyombo bibishi byūmanga,Maluba nao afumbanga,+Mwanda umpuya* wa Yehova upukuminanga’ko.+
Bine, bantu i biyombo’tu bibishi.
8 Biyombo bibishi byūmanga,Maluba nao afumbanga,Ino kinenwa kya Leza wetu kilādilanga nyeke.”+
9 Kanda ku lūlu lulampe,Abe mwana-mukaji uselele myanda miyampe ya Ziona.+
Tulula diwi dyobe na bukomo,Abe mwana-mukaji uselele myanda miyampe ya Yelusalema.
Widitulule, kokikwatwa moyo.
Sapwila bibundi bya Yuda amba: “Uno’u ye Leza wenu.”+
10 Tala! Mfumu Mwinē Lupusa Lonso Yehova ukāya na bukomo,Kuboko kwandi kukabikala pa mwanda wandi.+
Tala! Aye udi na mpalo yandi,Kadi mfutwa yafuta idi ku meso andi.+
11 Ukatala* luombe lwandi pamo bwa mukumbi.+
Ukabungila pamo twana twa mikōko na kuboko kwandi,Kadi uketusela mu kyadi kyandi.
Ukendeja biyampe boba bamusha twana twayo.+
12 Le i ani upimanga mema mu dikasa dyandi+Ne kupima* madiulu na bula bwa dikasa* dyandi?
I ani ukongakanyanga luvumbi lwa ntanda mu kipimo+Nansha kupima bulēmi bwa ngulu mu bitompekejoNe mikuna mu bipimo bya bulēmi?
13 Le i ani upimanga* mushipiditu wa Yehova,Le i ani ubwanya kumulombola bya kulonga pamo bwa mudingidi wandi?+
14 Le walombele ñeni kudi ani le,Nansha i ani umufundijanga kashinda ka boloke,Nansha kumufundija buyuki,Nansha kumulombola dishinda dya ñeni ya bine?+
15 Tala! Mizo idi pamo bwa dino dya mema mu mbeketyi,Kadi imonwanga pamo bwa kaluvumbi pa bipimo bya bulēmi.+
Tala! Utululanga bisanga pamo’nka bwa luvumbi lupēla.
16 Enka ne Lebanona kafikīlepo pa kulama mudilo utēma,*Kadi banyema bandi ba ntanda kebafikīlepo pa kyamulambu kisōkwe.
17 Mizo yonso idi pamo bwa kintu kekidi’kopo ku meso andi;+Wiimwene bu kintu kya bitupu, kintu kya bubela.+
18 Le mubwanya kudingakanya Leza na ani?+
Le mubwanya kumwenzankanya na kika?+
19 Sendwe usungululanga kilezaleza,*Mwingidi ufula byuma ulamikanga’ko olo,+Ufulanga ne miyololo ya ndalama.
20 Utoñanga mutyi wa kyabuntu kyandi,+Mutyi keukabolapo.
Ukimbanga sendwe wa bwinoWa kulonga nkishi musōnge kakaponepo.+
21 Le kemuyukilepo?
Le kemwivwenepo?
Le kekyemusapwidilwepo tamba ku ngalwilo?
Le kemwaivwanijepo tamba ku byalwilo bya ntanda?+
22 Kudi Muntu ushikete pangala pa kifunda* kya ntanda,+Kadi bekadi bapo badi pamo bwa batēte.
Utamunanga madiulu pamo bwa kisandi kipēla kya nkenga,Wiabālanga pamo bwa pema wa kushikata’mo.+
23 Walamunanga bengidi bakatampe ba bulēme ke ba bitupuKadi uloñanga batyibi* ba ntanda ke ba bubela.
24 Abo’tu bakikunwa,Abo’tu bakikuswa,Bitako byabo bikyala’tu miji panshi,Bapepulwanga ne kūma,Kivula kibaselanga pamo bwa bityakuku.+
25 “Le mubwanya kundingakanya na ani amba ngikale nandi pamo?” i Mwine Ujila unena.
26 “Tululai meso enu mūlu mumone.
Le i ani wapangile bino bintu?+
I Yewa utambija bibumbo byabyo mwendele bungi;Wibita abyo byonso pa dijina.+
Pa mwanda wa bukomo bwandi buvulevule ne bukomokomo bwandi bulenga nzuba,+I kutupu nansha kimo kibudilwe’ko.
27 A Yakoba, i kika kyonenena, a Isalela i kika kyowisambila’mba,‘Dishinda dyami i difyame kudi Yehova,Kadi Leza kamingijepo’?+
28 Le kuyukilepo? Le kwivwenepo?
Yehova, Umpangi wa mafulo a ntanda i Leza wa nyeke ne nyekeke.+
Kakōkangapo nansha kupungila kwine.+
Ñeni yandi keisokolwapo.*+
29 Upanga yewa mukōke bukomoNe kupa yewa wampikwa bukomo* buninge buvule.+
30 Bana bana-balume bakakōka ne kupungila,Bansongwalume nabo bakakukala ne kupona,
31 Ino boba bakulupile mudi Yehova bakamona monka bukomo.
Bakalelemba na mapapa pamo bwa mikebo.+
Bakanyema ne kupungila mpika;Bakenda ne kukōka mpika.”+
Kunshi kwa Dyani
^ Nansha’mba, “Mwisambei bisenga.”
^ Nansha’mba “pabidi.”
^ Nansha’mba “Longololai.”
^ Nansha’mba “bantu bonso.”
^ Nansha’mba “Bantu bonso i.”
^ Nansha’mba “mushipiditu.”
^ Nansha’mba “Ukakumba.”
^ Nansha’mba “kupima bukata bwa.”
^ Bula bwa tamba ku nsongo ya kyala kutūla ku ya kamindwa shi kikasala i kibāle. Tala Mbwejo B14.
^ Bibwanika padi i, “wivwanije.”
^ Nansha’mba “kabwanyapo kuleta nkuni mibwane.”
^ Nansha’mba “nkishi musungululwe.”
^ Nansha’mba “kijokoloja.”
^ Nansha’mba “balopwe.”
^ Nansha’mba “keibwanikapo kwivwanwa.”
^ Nansha’mba “bukomo buvulevule.”
