Isaya 18:1-7
-
Musapu pa Efiopya (1-7)
18 Malwa ayo ntanda ya bīshi bitenda bya masalaMu ntanda ya minonga ya Efiopya!+
2 Itumanga batumwa lwa mema,Batyibuluka pa mema mu mato a mbuba, amba:
“A mikendi ya lubilo, endaiKu muzo mulampe kadi wa kikoba kisenena,*Ku bantu batyinwa konsokonso,+Ku muzo mukomo kadi unekenya bakwabo,*Wa ntanda iselwa na minonga.”
3 Banwe bonso bekadi ba ntanda ne banwe bekadi ba pano panshi,Kyokya kyomumona kikekala pamo bwa kiyukeno* kishimikwe pa ngulu,Kadi mukevwana lunwa pamo bwa kuvuma kwa lusengo.
4 Mwanda Yehova waunena namino amba:
“Nkekala kwampikwa kukambakanibwa kadi nkatala ku* kifuko kyami kikomejibwe,Pamo bwa kyanga kyeñenya na mwinya wa dyuba,Pamo bwa dikumbi dya lumé mu kyanga kya mwangulo.
5 Mwanda kumeso kwa mwangulo,Shi maluba abapu kadi diluba dibaalamuka ke diñanza dyele,Mitombo ikaketwa na kipete kya kukukula nakyoKadi tonji twa milundu tukatyibwa ne kutalulwa.
6 Abo bonso bakashilwa byoni bipoya bya mu nguluNe banyema ba pa ntanda.
Byoni bipoya bikapityija bushipo pobadi,Kadi banyema bonso ba pa ntanda bakapityija kitatyi kya mwangulo pobadi.
7 Mu kine kitatyi’kya, bakaletela Yehova wa bibumbo kyabuntu,Kudi muzo mulampe kadi wa kikoba kisenena,*Kudi bantu batyinwa konsokonso,Kudi muzo mukomo kadi unekenya bakwabo,*Wa ntanda iselwa na minongaKu kifuko kitelelwa dijina dya Yehova wa bibumbo, Lūlu lwa Ziona.”+
Kunshi kwa Dyani
^ Kishima pa kishima i, “muzo musomoke kadi museneje.”
^ Nansha’mba “muzo utamuka utyimpila bakwabo panshi.”
^ Nansha’mba “mutyi wa kiyukeno.”
^ Bibwanika padi i, “nkatadila ku.”
^ Kishima pa kishima i, “muzo musomoke kadi museneje.”
^ Nansha’mba “muzo utamuka utyimpila bakwabo panshi.”
