Isaya 12:1-6
12 Mu dyodya difuku bine ukanena’mba:
“A Yehova, wafwa’ko,Mwanda nansha byowadi mundobele,Bulobo bobe bwatūkile bityebitye, kupwa waunsenga.+
2 Tala! Leza i lupandilo lwami.+
Nkakulupila kadi nkikevwanapo moyo;+Mwanda Yah* Yehova i buninge bwami ne bukomo bwami,Kadi waikala ke lupandilo lwami.”+
3 Mukateka mema na nsangajiMu masulo a lupandilo.+
4 Kadi mu dyodya difuku mukanena’mba:
“Fwijai’ko Yehova, itai dijina dyandi,Yukanyai bilongwa byandi mu bantu!+
Sapulai amba dijina dyandi i dizunzulwe.+
5 Imbilai Yehova mitendelo,*+ mwanda walonga bintu bikatampe.+
Kino kiyukanibwe mu ntanda yonso.
6 Ela kabobo ne nsadi ya tusepo, abe mwikadi* wa Ziona,Ke-pantu mukatampe mu bukata mwenu i Mwine Ujila wa Isalela.”
Kunshi kwa Dyani
^ “Yah” i dijina Yehova mu kīpi.
^ Nansha’mba “Ombai minjiki.”
^ Kishima pa kishima i, “mwikadi mwana-mukaji,” kifunkila pa bantu bonso mu kikonge batelelwe bu mwana-mukaji.
