Isaya 31:1-9
31 Malwa abo boba batūkila ku Edipito mwanda wa kukimba bukwashi,+Boba besumbidile tubalwe,+Boba bakulupile makalo a divita mwanda’po i mangimangi,Ne tubalwe twa divita* mwanda’po i tukomokomo.
Ino kebatalengapo kudi Mwine Ujila wa Isalela,Kadi kebakimbengapo Yehova.
2 Ino aye nandi udi na tunangu kadi ukaleta kyamalwa,Kadi ukafikidija binenwa byandi.
Aye ukatamba’dyo njibo ya banonga-bibiNe boba bakwasha banonga-bibi.+
3 Ino bene Edipito, i bantu bitupu, ke Lezapo;Tubalwe twabo i ngitu ke mushipiditupo.+
Pakōlola Yehova kuboko kwandi,Yewa ense ukwashañana ukakukalaKadi yewa ense ukwashibwa ukapona;Abo bonso bakoneka mwa kimo.
4 Mwanda Yehova waunena namino amba:
“Enka mubuluminanga ntambo, ntambo mwana* mukomo, pa kikwatwa kyandi,Mu kitatyi kikongela pamo bakumbi kumutamba’dyo,Katuyulwangapo na mawi aboNansha kuzakajibwa na lunwa lwabo,Yehova wa bibumbo nandi ukatūka kulwa divitaPa Lūlu lwa Ziona ne pa mukuna wandi.
5 Pamo bwa byoni bitūka, Yehova wa bibumbo nandi ukalwila Yelusalema.+
Ukamulwila ne kumupandija.
Ukamupandija ne kumukūla.”
6 “A bantu ba Isalela, jokelai kudi Yewa omwatombokele bininge.+
7 Mwanda mu dyodya difuku, muntu ne muntu ukapela baleza bandi ba bitupu ba ndalama ne baleza bandi ba olo bampikwa mvubu, balongele makasa enu na bubi.
8 Mwine Ashidia ukapona ku kipete, ke kya muntupo;Kipete kikamusasamuna, ke kya muntupo.+
Ukanyema pa mwanda wa kipete,Kadi bansongwalume bandi bakatūlwa ku mingilo ya kuningilwa.
9 Kidibwe kyandi kikajimankana pa mwanda wa luzakalo lonka,Kadi bamfumu bandi bakatuyuka pa mwanda wa mutyi wa kiyukeno,” i Yehova unena,Wa kitōkeji* kidi mu Ziona ne nkelwa idi mu Yelusalema.
Kunshi kwa Dyani
^ Nansha’mba “bakandanga pa tubalwe.”
^ Nansha’mba “ntambo mwana wa manyenze.”
^ Nansha’mba “mudilo.”
