Isaya 52:1-15
52 Languka! Languka! Vwala bukomo,+ a Ziona!+
Vwala bivwalwa byobe biyampe,+ a Yelusalema, kibundi kijila!
Mwanda muntu wa kubulwa kutwela kwisao ne wa disubi kakatwelapo monka mobe.+
2 Wikūkule luvumbi, imana ushikate, a Yelusalema,
Zeja bijimba mu nshingo yobe, a musungi mwanā Ziona mwana-mukaji.+
3 Mwanda Yehova wanena namino amba:
“Mwapotolojibwe ku bitupu,+Kadi mukakūlwa pambulwa lupeto.”+
4 Mwanda Mfumu Mwinē Lupusa Lonso Yehova wanena namino amba:
“Bantu bami batūkīle dibajinji ku Edipito kukashikata’ko bu beni;+Ebiya Ashidia webamwesha malwa pampikwa mwanda.”
5 “Penepo, le pano nonge bika?” i Yehova unena.
“Mwanda bantu bami baselelwe ku bitupu.
Boba bebabikele batūtanga kyungwe kya bushindañani,”+ i Yehova unena,“Kadi dijina dyami dipunikwa kitatyi kyonso, difuku dyonso dituntulu.+
6 Pa kino’ki bantu bami bakayuka dijina dyami;+Pa kino’ki bakayuka mu dyodya difuku amba ami, ye Mwine wisamba.
Talai, i amiwa!”
7 Buya’o pa ngulu maulu a yewa uleta myanda miyampe,+Yewa usapula ndoe,+Yewa uleta myanda miyampe ya kintu kilumbuluke,Yewa usapula lupandilo,Yewa unena Ziona amba: “Leza obe wabikala ke Mulopwe!”+
8 Teja! Balami bobe abatulula mawi abo.
Bela nsadi ya tusepo mwa kimoMwanda bakamona’kyo biyampe* pakajokeja Yehova Ziona.
9 Sangalai, elai nsadi ya tusepo mwa kimo, a masala a Yelusalema,+Mwanda Yehova wasenge bantu bandi;+ wakūla Yelusalema.+
10 Yehova wamwekeja kuboko kwandi kujila ku meso a mizo yonso;+Mafulo onso a ntanda akamona bilongwa bya lupandilo bya* Leza wetu.+
11 Sonsolokai, sonsolokai, tambai’mo,+ kemwakatengai kintu kya disubi!+
Tambai mu bukata mwandi,+ ikalai bampikwa disubi,Banwe baselele bipungwa bya Yehova.+
12 Mwanda kemukendapo na luzakalo,Nansha kunyema kwine mpika,Mwanda Yehova ukemutangidila kumeso,+Kadi Leza wa Isalela ukekala mulami wenu wa kunyuma.+
13 Tala! Mwingidi wami+ ukalonga bintu na bujinguludi.
Ukazunzulwa peulu,Ukakandijibwa ne kuzunzulwa bininge.+
14 Monka mwamutadile bavule byakanwa pululu—Mwanda mpala yandi yaonekele kupita ya muntu enseNe mumwekelo wandi kupita wa bantu—
15 Mo mwakatulumwina mizo mivule.+
Balopwe bakamuma byakanwa byabo* ku meso andi,+
Mwanda bakamona bintu byokebalombwelwepo
Ne kuta mutyima ku bintu byokebaivwenepo.+
Kunshi kwa Dyani
^ Nansha’mba “diso ku diso.”
^ Nansha’mba “bushindañani bwa.”
^ Nansha’mba “kebakanenapo.”
