Isaya 15:1-9
-
Musapu mubi pa Moabu (1-9)
15 Musapu mubi pa Moabu:+
Byaasadilwe bufuku,Ale+ wa Moabu watalajibwa nyā.
Byaasadilwe bufuku,Kila+ wa Moabu watalajibwa nyā.
2 Wakanda ku Njibo* ne ku Dibona,+Ku mitenta mwanda wa kudila.
Moabu uyoyokotanga miyoa pangala pa Nebo+ ne Mediba.+
Mitwe yonso i mitende lupole,+ kadi myevu yonso i mitende.+
3 Abavwala masāka mu bipito byandi.
Abo bonso bayoyokota miyoa pa misaka yabo ne mu bīkwe byabo;Batūka koku badila.+
4 Ba Heshebone ne Eleale+ badilanga;Mawi abo abaivwanwa ne ku Yahaza.+
O mwanda bantu ba Moabu bavwele byabulwi batūta’nka kyungwe.
Aye* uzakalanga.
5 Mutyima wami udilanga Moabu.
Bantu bandi banyemakana abanyema kufika ne ku Zoale+ ne ku Ekelete-Shedishiya.+
Pa mukuna wa Luhite badila koku bakanda;Mu dishinda dyenda ku Holonaimi badila kimpengele.+
6 Mwanda mema a Nimedime i masalwe;Biyombo bibishi bibaume,Biyombo ne kobyaya jimejime, kadi i kutupu kintu nansha kimo kibishi kishele.
7 O mwanda baselanga byobya bishele mu bibīko byabo ne bupeta bwabo;Batyibuluka musanza wa* mityi ya myelebi.
8 Mwanda madilo abaivwanwa mu ntanda yonso ya Moabu.+
Miyoa ibafika ku Ekelaimi;Miyoa ibafika ku Bele-Edimi.
9 Mwanda mema a Dimone i mayule mashi,Kadi ngidi na bintu bivule mu kibīko mwanda wa Dimone:Ntambo, mwanda wa boba bapandile mu MoabuNe mwanda wa boba bashele mu ntanda.+
