Isaya 48:1-22
48 A njibo ya Yakoba, tejai kino,Banwe beityila pa dijina dya Isalela,+Batambile ku mema a* Yuda,Banwe batyipa mu dijina dya Yehova+Ne kwita Leza wa Isalela,Nansha byokebidipo mu bubine ne mu boloke.+
2 Mwanda betelelanga kibundi kijila+Ne kukimba bukwashi kudi Leza wa Isalela,+Wa dijina dya bu Yehova wa bibumbo.
3 “Bintu bya kala* nemulombwele’byo tamba kala.
Byatambile mu kyakanwa kyami,Kadi nebiyukenye.+
Nalongele’po kintu mu kitulumukila, nabyo byalongeka.+
4 Mwanda nadi ndyukile moikadile na mutwe mūmu—Amba nshingo yobe i mujilo wa kyuma kadi mpala yobe i mukuba+—
5 Nakulombwele tamba kala.
Kumeso kwa kulongeka’kyo, nakwivwanije’kyo,Kutyina wakanena’mba, ‘Kilezaleza kyami kyalongele’kyo;Nkishi wami musōnge ne nkishi wami wa kyuma* basoñenye’kyo.’
6 Mwaivwene ne kumona bino byonso.
Le kemukasapula’byopo?+
Tamba pano nemusapwila bintu bipya,+Byadi bifyame byokemwadipo muyukile.
7 Bibapangwe enka pano, ke tamba kalapo,Bintu byowadi kwaivwene kashā kumeso kwa dyalelo dino’di,Kutyina wakanena’mba, ‘Tala! Nadi kala nebiyukile.’
8 Aa, kwaivwenepo,+ kwayukilepo,Kadi matwi obe keadipo majikuke pa kala.
Mwanda ndyukile amba abe wi ndalandala wa mu meso fututu,+Kadi tamba kubutulwa witwanga bu yewa ujilula bijila.+
9 Ino pa mwanda wa dijina dyami, nkatalaja bulobo bwami;+Pa mwanda wa mitendelo yami, nkefula pa mwanda obe,Kadi nkikakwipayapo.+
10 Tala! Nakutōkeja, ino ke pamopo bwa ndalama.+
Nakutompa* mu nkelwa isungulula ya malwa.+
11 Pa mwanda wami, pa mwanda wami nkalonga’po kintu,+Mwanda le mbwanya kuleka namani bankobakanye?+
Nkipengapo muntu mukwabo ntumbo yami.*
12 Nteje, a Yakoba, ne Isalela, onaita.
Ami ne Aye enka.+ Ne mubajinji; ne kadi ne wa mfulo.+
13 Kuboko kwami kwaadile kyalwilo kya ntanda,+Kadi kuboko kwami kwa lundyo kwatandabwile madiulu.+
Ponebitanga, bimananga pamo.
14 Mwibungei pamo banwe bonso, mwivwane.
Le i ani mobadi wasapula bino bintu?
Yehova wamusanswa.+
Ukafikidija kyasaka padi Babiloni,+Kadi kuboko kwandi kukāila bene Kaladea.+
15 Ami mwine nesambe’kyo, kadi namwite.+
Namusela, kadi ukanekenya dishinda dyandi.+
16 Fwenai kondi, mwivwane kino’ki.
Nkyesambilepo kufula tamba ku ngalwilo.+
Nadi’ko tamba kitatyi kyokyalongekele.”
Kadi pano Mfumu Mwinē Lupusa Lonso Yehova wauntume, ne* mushipiditu wandi.
17 Yehova, Mukūdi obe, Mwine Ujila wa Isalela,+ wanena namino amba:
“Ami Yehova, ne Leza obe,Mwine ukufundija mwanda wa kamweno kobe,*+Mwine ukwendeja mu dishinda dyofwaninwe kwenda.+
18 Yō, shi watele’tu mutyima ku mbila yami!+
Longa ndoe yobe yadi ya kwikala pamo bwa munonga+Ne boloke bobe pamo bwa mantanki a dijiba.+
19 Lutundu* lobe lwadi lwa kuvula pamo bwa musengaNe bobe bana pamo bwa musenga.+
Dijina dyabo kedyadipo dya kutyibwa’ko nansha kujimankanibwa ku meso ami.”
20 Tambai mu Babiloni!+
Nyemai mu bene Kaladea!
Sapulai’kyo na nsadi ya tusepo! Mwisambei’kyo!+
Yukanyai’kyo ku mafulo a ntanda.+
Nenai amba: “Yehova wakūla mwingidi wandi Yakoba.+
21 Kebaivwenepo kyumwa pawebapityije mu bifuko bisalwe.+
Webatambijije mema mu dibwe;Waladile dibwe, ne kulondomona mema.”+
22 “I kutupu ndoe ku babi,”+ i Yehova unena.
Kunshi kwa Dyani
^ Bibwanika padi i, “Babutwilwe na.”
^ Kishima pa kishima i, “bibajinji.”
^ Nansha’mba “nkishi musungululwe.”
^ Nansha’mba “Nakubandaula.” Bibwanika padi i, “Nakutonge.”
^ Nansha’mba “Nkiabilangapo ntumbo yami na muntu mukwabo.”
^ Nansha’mba “pamo na.”
^ Nansha’mba “mwanda wa wikale biyampe.”
^ Kishima pa kishima i, “Lukunwa.”
