Isaya 45:1-25
45 Yehova wanena mushingwe māni wandi, Kilusa,+Yewa onkwete ku kuboko kwandi kwa lundyo+Mwanda wa kunekenya mizo ku meso andi,+Ne kuyata* balopwe byabulwi,Ne kushitula ku meso andi bibelo bya milango ibidi ibidi,Amba bibelo bileke kukashitwa, namino amba:
2 “Nkakutangidila kumeso,+Kadi nkadingamanya mikuna.
Nkavingakanya milango ya mukuba bipindibipindi,Ne kutyumuna mikabo ya byuma.+
3 Nkakupa byabulēme bidi mu fukutuNe byabulēme bifibwe mu bifuko bifyame,+Amba uyuke amba ami ne Yehova,Leza wa Isalela, ukwita pa dyobe dijina.+
4 Pa mwanda wa mwingidi wami Yakoba ne Isalela mutongwe wami,Nakwite pa dyobe dijina.
Nakupe dijina dya bulēme, nansha byokwadipo undyukile.
5 Amiwa ne Yehova, kekudipo mukwabo nansha umo.
I kutupu Leza nansha umo poso’nka ami.+
Nkakukomeja,* nansha byokwadipo undyukile,
6 Amba bantu bayukeKushilwila kutambanga dyuba kutūla ne kodiponanga*Amba i kutupu mukwabo poso’nka ami.+
Amiwa ne Yehova, kekudipo mukwabo nansha umo.+
7 Noñanga kitōkeji+ ne kupanga fukutu,+Noñanga ndoe+ ne kupanga kyamalwa;+Ami Yehova, noñanga bino bintu byonso.
8 A madiulu, nokai mūlu;+Makumbi apungulule boloke.
Ntanda ishituke ne kubutula lupandilo,Kadi imeneje boloke mu kitatyi kimo kyonka.+
Ami Yehova, napangile kino’ki.”
9 Malwa andi yewa ulwa* na Mulongi wandi,*Mwanda aye i kininga’tu kya dilongoMu bininga bikwabo bya dilongo bilēle pa nshi!
Le dilongo dikanena Umbumbi* amba: “I bika byolonga?”+
Nansha kyokya kyolongele kinene amba: “Kadipo na makasa”?*
10 Malwa andi yewa unena shabana’mba: “Le i kika kyobutula?”
Ne mwana-mukaji amba: “Le i kika kyobutula’kyo?”*
11 Yehova, Mwine Ujila wa Isalela,+ Yewa wamulongele wanena namino amba:
“Le mukangipangula bintu bikāya’koNe kunsoñanya pangala pa bami bana+ ne mingilo ya makasa ami?
12 Nalongele ntanda+ ne kupanga’po muntu.+
Natamwine madiulu na maboko ami,+Kadi nsomanyanga bibumbo byao byonso.”+
13 “Naimika muntu mu boloke,+Kadi nkōlola mashinda andi onso.
I aye ukangubakila kibundi kyami+Ne kupa misungi yami bwanapabo+ kwampikwa mfutwa nansha kutyibwa milomo,”+ i Yehova wa bibumbo unena.
14 Yehova wanena namino amba:
“Kamweno* ka Edipito ne bya busunga* bya Efiopya ne bene Sabe, balabala,Bakāya kodi ke bobe.
Bakakulonda kunyuma kobe mu nkano.
Bakāya ne kwivukwila kodi.+
Bakanena kodi mu milombelo amba, ‘Bine Leza udi nobe,+Kekudipo mukwabo nansha umo; kekudipo Leza mukwabo.’”
15 Bine abe wi Leza wifya,A Leza wa Isalela, Umpandiji.+
16 Abo bonso bakafwijibwa bumvu ne kuzobejibwa;Boba balonga bilezaleza bakenda abo bonso bafwe bumvu.+
17 Ino Yehova ukapandija Isalela lupandilo lwa nyeke.+
Kemukafwijibwapo bumvu nansha kuzobejibwa nyeke ne nyekeke.+
18 Mwanda Yehova,Umpangi wa madiulu,+ Leza wa bine,Mwine wapungile ntanda, Mulongi wayo weikomeje pototo,+Mwine kapangile’yopo bitupubitupu,* ino walongele’yo amba ikalwe,+ wanena namino amba:
Amiwa ne Yehova, kekudipo mukwabo nansha umo.
19 Nkyesambīlepo mu kifuko kifyame,+ mu ntanda ya fukutu;Nkyanenenepo lutundu* lwa Yakoba amba,‘Nkimbei’tu bya bitupu.’
Amiwa ne Yehova, mwine wisamba byobya byoloke ne kusapula byobya byoloke swā.+
20 Mwibungei pamo mwiye.
Fwenai pamo, banwe bapandile ku mizo.+
Kebayukilepo kintu, boba baselele bankishi basōnge,Ne kulombela kudi leza kabwanyapo kwibapandija.+
21 Lombolai, nenai yenu myanda.
Bakale ñeni mu bumo.
Le i ani walaile kino’ki tamba kalaNe kwikisapula tamba mafuku kunyuma?
Mwene i ami Yehova?
Kekudipo Leza mukwabo poso’nka ami;Leza moloke kadi Umpandiji,+ kekudipo mukwabo poso’nka ami.+
22 A mafulo onso a ntanda, jokelai kondi amba mupande,+Mwanda ami ne Leza, kekudipo mukwabo nansha umo.+
23 Natyipe ne ami mwine;Kinenwa kibatambe mu kyakanwa kyami mu boloke,Kekikajokapo,+ amba:
Manwi onso akamfukatyila,Ndimi yonso ikatyipa kwikala na lulamato+
24 Amba, ‘Bine mudi Yehova mo mudi boloke bwa bine ne bukomo.
Boba bonso bamukalabela bakāya ku meso andi na bumvu.
25 Mudi Yehova mo mukelombola lutundu* lonso lwa Isalela bu loloke,+Kadi baketumbija mwadi.’”
Kunshi kwa Dyani
^ Kishima pa kishima i, “kukutulula bifuka bya.”
^ Kishima pa kishima i, “Nkakukuta mbū.”
^ Nansha’mba “Kushilwila kutunduka kutūla ne kushika.”
^ Nansha’mba “wipatanya.”
^ Nansha’mba “na Yewa wamupungile.”
^ Nansha’mba “Yewa wekipungile.”
^ Bibwanika padi i, “Nansha dilongo dinene amba: ‘Kyolongele kekidipo na kwa kukwatyila’?”
^ Nansha’mba “Le misanshi ya lubutulo i ya bika?”
^ Bibwanika padi i, “Bengidi.”
^ Bibwanika padi i, “bansunga.”
^ Bibwanika padi i, “amba mwikale mutupu kintu.”
^ Kishima pa kishima i, “lukunwa.”
^ Kishima pa kishima i, “lukunwa.”
