Isaya 57:1-21
57 Moloke waoneka,Ino i kutupu muntu nansha umo uta’ko mutyima.
Bantu ba lulamato abatalulwa’ko,*+Kekudipo muntu nansha umo ujingulula’mba moloke watalulwa’koPa mwanda wa* kyamalwa.
2 Watwela mu ndoe.
Bakōkolokwa pa matanda* abo, boba bonso banangila mu boloke.
3 “Ino banwe, fwenai,Banwe bana ba mfwityi mwana-mukaji,Banwe bana ba wa makoji kadi ndumba:
4 Le i ani omuzawila?
Le i ani omwasamina kyakanwa kyenu pululu ne kulapwila ludimi?
Mwene mwi bana ba kujilula bijila,Bana ba bongojani,+
5 Boba basōkwa mudilo na kilokoloko mu mityi mikatampe,+Munshi mwa mutyi onso muvwambile,+Batapa bana mu misanza,*+Mu mpako ya bimabwe?
6 Kipindi kyobe kidi mu mabwe asenena a mu musanza.*+
Bine, kyo kyepelo kyobe.
Wiapungulwilanga ne byamulambu bya bitomibwa ne kwiapa byabuntu.+
Le amiwa mbwanya kusangela* bino bintu?
7 Waadile butanda bobe pa lūlu lulampe lupuñame,+Kadi wakandile’ko kukalambula bitapwa.+
8 Watūdile kavulukilo kobe kunyuma kwa kibelo ne kwa ñunji.
Waunshile wepūtula;Wakandile, wabaija butanda bobe.
Kadi wasambile nabo kipwano.
Wadi usenswe kulāla pa butanda bwabo,+Kadi watadile ngitu ya bwana-bulume.*
9 Watūkīle kudi Meleka* na māniNe na mananshi mavulevule.
Watumine batumwa bobe kulampe,Penepa watūkila ku Kibundu.*
10 Ubasusuka pa kulonda mashinda obe mangi,Ino kwanenenepo amba, ‘Kekudipo lukulupilo!’
Waikele na bukomo monka.
O mwanda kulekele’byopo.*
11 Le i ani owatyinine ne kukwatwa moyoKobepa?+
Kwaumvulukilepo.+
Kwatelepo mutyima ku kintu nansha kimo.+
Mwene naikele talala ne kwikoka?*+
Penepa nobe kwauntyininepo.
12 Nkayukanya ‘boloke’ bobe+ ne mingilo yobe,+Kadi kukamwena’mopo.+
13 Kitatyi kyokabija,Bilezaleza byobe byobungile kebikakukūlapo.+
Luvula lukebisela byonso,
Umpuya onkaonka ukebipepula,Ino yewa unyemena mondi ukapyananga ntandaKadi ukayata lūlu lwami lujila.+
14 Bakanena’mba, ‘Yengai, yengai dishinda! Longololai dishinda!+
Talulai bijika byonso mu dishinda dya bantu bami.’”
15 Mwanda yewa wa Peulu kadi Muzunzulwe,Yewa wikalanga’ko* nyeke+ wa dijina dya bu ujila,+ wanena namino amba:
“Ami ngikele mu kifuko kya peulu kadi kijila,+Ino kadi ne na boba basonsakanibwe ne ba mushipiditu wa kwityepeja,Mwanda wa kupumputumuna mushipiditu wa ba kwityepejaNe kupumputumuna mutyima wa boba basonsakanibwa.+
16 Mwanda nkikebalupo nyekeNansha kwibafītyilwa mutyima mafuku onso;+Kutyina mushipiditu wa muntu wakazoza pa mwanda wami,+Enka ne bipangwa byesa byonalongele.
17 Namufītyīlwe mutyima mwanda wadi ulondalonda bibi kamweno ka budimbidimbi,+Penepo namukupila, nafya mpala yami, kadi nadi mufītwe mutyima.
Ino aye wadi unanga nyeke bu muntu mushetemuke,+ ulonda dishinda dya mutyima wandi.
18 Namone mashinda andi,Ino nkamundapa+ ne kumwendeja+Ne kujokeja* busengi kwadi+ ne ku bantu bandi badila madilo.”+
19 “Nsa kupanga kipa kya milomo.
Ndoe ya endaenda ikapebwa yewa udi kulampe ne yewa udi kubwipi,”+ i Yehova unena,“Kadi nkamundapanga.”
20 “Ino babi badi pamo bwa dijiba dijinakana kedibwanyapo kutalala,Kadi mema adyo akusankanyanga biyombo bya mu mema ne bitoto.
21 “I kutupu ndoe ku babi,”+ i Leza wami unena.
Kunshi kwa Dyani
^ Bibwanika padi i, “Ku.”
^ Ko kunena’mba, mu lufu.
^ Ko kunena’mba, mu kibundu.
^ Nansha’mba “binekaneka.”
^ Nansha’mba “Le amiwa mbwanya kwisenga na.”
^ Nansha’mba “kinekaneka.”
^ Pakwabo kifunkila pa butōtyi bwa bilezaleza.
^ Bibwanika padi i, “mulopwe.”
^ Nansha’mba “Sheole,” ko kunena’mba, kibundu kya bantu bonso. Tala Nshintulwilo ya Bishima.
^ Kishima pa kishima i, “kupungilepo.”
^ Nansha’mba “ne kufya myanda?”
^ Nansha’mba “ushikatanga’ko.”
^ Nansha’mba “kupingakenya’po.”
