Isaya 60:1-22
60 “A mwana-mukaji,+ imana, munika, mwanda kitōkeji kyobe kibaiya.
Ntumbo ya Yehova yeñenyanga podi.+
2 Mwanda tala! fukutu ikapūta ntandaMfindi bwī nayo ikapūta mizo;Ino Yehova ukeñenya podi,Kadi ntumbo yandi ikamweka podi.
3 Mizo ikenda ku kitōkeji kyobe+Balopwe+ nabo ku buya bobe bwa dyangi bweñenya.*+
4 Tulula meso obe utale koku ne koku!
Ababungakanibwa abo bonso pamo; bāyanga kodi,
Bobe bana bana-balume bāyanga’nka kwiya batamba kulampe,+Kadi bobe bana bana-bakaji i bapakatwe mu lubavu ne kukwatakanibwa.+
5 Mu kine kitatyi’kya ukamona kadi ukasangala bininge,+Kadi mutyima obe ukatwa ne kumwangala,Mwanda bya bupeta bya dijiba bikaludikilwa kodi;Bupeta bwa mizo bukāya kodi.+
6 Bibumbo bya bangamedia bikapūta ntanda yobe,*Bangamedia balume bana ba ku Midyana ne Efa.+
Boba bonso ba ku Sheba—bakāya;Bakasela olo ne ensense itōka.
Bakasapula mitendelo ya Yehova.+
7 Luombe lonso lwa Kedala+ lukabungilwa kodi.
Mikōko milume ya Nebayota+ ikakwingidila.
Ikāya pa kisōkelo kyami kadi iketabijibwa,+Kadi nkalumbulula njibo yami ya ntumbo.*+
8 Le i bāni bano’ba batumbuka pamo bwa makumbi,Pamo bwa bankunda benda ku bipombo byabo?*
9 Mwanda bisanga bikankulupila;+Byombo bya Talashishi bibadikile,*Mwanda wa kusela bana bobe kulampe,+Pamo ne ndalama yabo ne olo yabo,Bāye ku dijina dya Yehova Leza obe ne kudi Mwine Ujila wa Isalela,Mwanda aye ukakutumbija.*+
10 Beni bakobaka mumbu yobe,Kadi balopwe babo bakakwingidila,+Mwanda nakukupile na bulobo,Ino nkakwivwanina lusa na katōkwe kami.*+
11 Bibelo byobe bikekala nyeke pululu;+Kebikashitwepo dyuba ne bufuku bwine,Mwanda wa kukuletela bupeta bwa mizo,Kadi balopwe babo bakatangidila.+
12 Mwanda muzo onso ne bulopwe bonso kebukakwingidilapo bukoneka,Kadi mizo ikonakanibwa fututu.+
13 Ntumbo ya Lebanona ikāya kodi,+Mutyi wa jenevidiye, ne mutyi wa felene, ne mutyi wa shipele mwine kumo,+Mwanda wa kulumbulula kifuko kya kipandulwe kyami;Nkatumbija kifuko kya maulu ami.+
14 Bana ba boba bakususwile bakāya ne kwivukwila ku meso obe;Boba bonso bakupunikile bafwaninwe kwivukwila ku maulu obe,Kadi bakakwita bu kibundi kya Yehova,Ziona wa Mwine Ujila wa Isalela.+
15 Pa kyaba kya kukuleka ne kukushikwa, ne kubulwa muntu nansha umo upityila modi,+Nkakwalamuna kodi nsulo ya mitatulo ya nyeke,Kintu kya kusangela ku nkongo yonsololo.+
16 Bine ukatoma mabele a mizo,+Ukamwa ku mabele a balopwe;+Ebiya ukayuka na bubine amba, ami Yehova, ne Umpandiji obe,Kadi Nkomokomo wa Yakoba ye Mukūdi obe.+
17 Pa kyaba kya mukuba nkatūla’po olo,Kadi pa kyaba kya kyuma, nkatūla’po ndalama,Pa kyaba kya mutyi, mukuba,Kadi pa kyaba kya mabwe, kyuma;Kadi nkatūla ndoe bu batadi bobeNe boloke bu ba kukupa mingilo.+
18 Lūma kelukevwanwapo monka mu yobe ntandaNansha bonakani nansha musala ku mikalo yobe.+
Kadi uketa mumbu yobe bu Lupandilo+ ne bibelo byobe bu Mitendelo.
19 Dyuba kedikakuletelapo monka kitōkeji mu dyuba,Nansha mikejima ya kweji kukuletela kitōkeji,Mwanda Yehova ukakwikadila kitōkeji kya nyeke,+Kadi Leza obe ukekala buya bobe.+
20 Dyuba dyobe kedikaponepo monka,Nansha kweji obe kutyepa,Mwanda Yehova ukakwikadila bu kitōkeji kya nyeke,+Kadi mafuku obe a madilo akapwa.+
21 Bantu bobe bonso bakekalanga boloke;Bakayatanga ntanda ke yabo lonso.
Abo i mutombo onakunine,Mwingilo wa makasa ami,+ mwanda wa kunumbulula.+
22 Mutyetyetyetye ukalamuka ke kanunuKadi mutyetye ke muzo mukomokomo.
Ami mwine, Yehova, nkapēlakanya’kyo mu kitatyi kyakyo.”
Kunshi kwa Dyani
^ Nansha’mba “ku kitōkeji kya kibangabanga kyobe.”
^ Kishima pa kishima i, “bikakupūta.”
^ Nansha’mba “njibo yami ya buya.”
^ Nansha’mba “ku bipunzu bya bipombo bya toni?”
^ Nansha’mba “ukakulumbulula.”
^ Nansha’mba “bidi pamo bwa ku ngalwilo.”
^ Nansha’mba “mutyima muyampe wami.”
