Saben taun jutaan wong mati merga nganggo narkoba. Selama pandemi COVID-19 korbané tambah akèh. Tapi merga ngetrapké naséhat ing Alkitab, akèh sing ora kecanduan narkoba manèh. Ing Alkitab ana saran-saran bèn ora kecanduan manèh. a

Ing artikel iki bakal dibahas:

•  Apa ing Alkitab ana saran bèn ora kecanduan narkoba?

•  Papat saran ing Alkitab bèn ora kecanduan

•  Ayat-ayat sing nyemangati

•  Pengalamané wong-wong sing wis ngetrapké saran-saran ing Alkitab

•  Keterangan ing Alkitab soal ngobati kecanduan

•  Apa ing Alkitab ana larangan nggunakké obat kanggo keséhatan?

 Menurut peneliti, wong-wong biasané kecanduan narkoba merga ngrasa kesepian, strès, kuwatir, utawa déprèsi. Ing Alkitab ana saran-saran bèn awaké dhéwé isa ngatasi perasaan kaya ngono. Terus ya ana carané bèn isa akrab karo Gusti Allah. (Mazmur 25:14) Gusti Allah isa mbantu njenengan ngatasi masalah sing abot banget.​—Markus 11:22-24.

1.  1. Kudu kenal karo Yéhuwah. b (Yohanes 17:3) Dhèwèké kuwi Pencipta sing Mahakuwasa lan Bapak sing sayang karo awaké dhéwé. Yéhuwah péngin akrab lan mbantu awaké dhéwé. (Yésaya 40:29-31; Yakobus 4:8) Nèk manut karo Yéhuwah, awaké dhéwé bakal éntuk berkah sing luar biasa ing masa depan.​—Yérémia 29:11; Yohanes 3:16.

2.  2. Njaluk bantuané Yéhuwah. Njenengan isa ndonga njaluk bantuan bèn ora kecanduan manèh. Hasilé njenengan isa ’suci lan pantes ditampa Gusti Allah’. (Roma 12:1) Gusti Allah bakal mènèhi ”kekuwatan sing luar biasa” liwat roh suciné. (2 Korintus 4:7; Lukas 11:13) Roh suciné isa mbantu bèn njenengan ora kecanduan manèh lan nduwé ”kepribadian sing anyar” kaya sing dikarepké Gusti Allah.​—Kolose 3:9, 10.

3.  3. Niru pikirané Yéhuwah. (Yésaya 55:9) Yéhuwah bakal mbantu njenengan ’berubah bèn pikirané dadi anyar’. Hasilé njenengan ora kecanduan manèh. (Éfésus 4:23) Pikirané Gusti Allah ana ing Alkitab, mulané kudu maca Alkitab saben dina. (Mazmur 1:1-3) Bèn isa ngerti isiné Alkitab, kudu ana sing mbantu. (Kisah 8:30, 31) Seksi-Seksi Yéhuwah seneng mbantu wong-wong sinau Alkitab gratis. Njenengan ya isa mèlu pertemuan ibadahé Seksi-Seksi Yéhuwah bèn isa ngerti isiné Alkitab lan piyé carané ngetrapké.

4.  4. Kudu milih kanca sing apik. Nèk kancané njenengan nduwé kebiasaan sing salah, njenengan isa dadi mèlu-mèlu. (Wulang Bebasan 13:20) Yéhuwah péngin njenengan bergaul karo wong-wong sing nyembah Dhèwèké. (Mazmur 119:63; Roma 1:12) Terus kudu ngati-ati milih hiburan. Aja nganti milih hiburan sing marahi njenengan péngin nglakoni sing salah manèh.​—Mazmur 101:3; Amos 5:14.

 Filipi 4:13: ”Aku nduwé kekuwatan kanggo ngadhepi apa waé, merga Gusti mènèhi aku kekuwatan.”

 ”Aku ngerti nèk aku ora isa berjuang dhèwèkan, makané aku ndonga bèn Yéhuwah mbantu aku.”​—Patrizia, saka Italia.

 Joseph Ehrenbogen seneng ngrokok, kecanduan alkohol, ganja, lan heroin. Dhèwèké beberapa kali mèh mati merga overdosis. Tapi ana siji ayat sing nyemangati dhèwèké bèn ora kecanduan manèh. Wacanen pengalamané ing artikel ”Aku Sinau Ngajèni Urip lan Wong Wédok”.

 Dmitry Korshunov berusaha bèn ora kecanduan alkohol, tapi beberapa kali gagal. Nah apa sing nggawé dhèwèké ora kecanduan manèh? Tontonen vidéo ’Aku Gething karo Uripku’.

 Ing Alkitab ditulis, ”Wong sing séhat ora mbutuhké dokter. Sing mbutuhké dokter kuwi wong sing lara.” (Matius 9:12) Menurut Institut Nasional Bidang Penyalahgunaan Narkoba AS, ”Mandheg saka kecanduan narkoba kuwi ora gampang. Nèk mung péngin thok ya ora isa. Ana sing kudu diupayakké.” Akèh sing ora kecanduan manèh merga ngetrapké saran-saran ing Alkitab, tapi meréka ya tetep butuh bantuané dokter. c Wong lanang sing jenengé Allen ngomong, ”Awakku lara kabèh wektu aku mandheg ngombé alkohol. Aku wis ndonga, tapi aku ya tetep butuh bantuané dokter.”

 Ora. Ing Alkitab ditulis nèk alkohol isa bermanfaat kanggo wong-wong sing lara. (Wulang Bebasan 31:6; 1 Timotius 5:23) Tapi kaya alkohol, obat-obat sing dienggo pereda nyeri ya isa marahi kecanduan. Mulané kudu ngati-ati.​—Wulang Bebasan 22:3.