Ebanghelio ni Mateo 23:1-39

  • Saanyo a tultuladen dagiti eskriba ken Fariseo (1-12)

  • Asi pay dagiti eskriba ken Fariseo (13-36)

  • Nagladingitan ni Jesus ti Jerusalem (37-39)

23  Kinuna ni Jesus kadagiti tattao ken kadagiti adalanna:  “Innala dagiti eskriba ken Fariseo ti akem ni Moises.  Gapuna, tungpalenyo amin nga ibagada ngem saanyo a tultuladen dagiti aramidda, ta saanda nga ar-aramiden ti isursuroda.+  Pabaklayanda dagiti tattao iti nadagsen nga awit,+ ngem isuda a mismo saanda a kayat nga awiten dagita babaen ti ramayda.+  Kayatda a madlaw dagiti tattao ti amin nga ar-aramidenda+ isu a pinadakkelda dagiti babassit a kahon a naglaon iti kasuratan nga us-usarenda kas proteksion,+ ken pinagayadda dagiti baruyboy dagiti badoda.+  Pagaayatda dagiti tugaw a nairanta kadagiti natan-ok a bisita kadagiti piesta ken dagiti makinsango* a tugaw kadagiti sinagoga.+  Magustuanda met ti makablaawan kadagiti pagtagilakuan ken maawagan iti Rabbi.*  Ngem saankayo nga agpaawag iti Rabbi, ta maymaysa ti Mannursuroyo,+ ken agkakabsatkayo amin.  Diyo met awagan iti ‘ama’ ti asinoman ditoy daga, ta maymaysa ti Amayo,+ nga adda idiay langit. 10  Saankayo met a maawagan iti ‘lider,’ ta maymaysa ti Lideryo, ti Kristo. 11  Ngem ti katan-okan kadakayo ti masapul nga agserbi.+ 12  Asinoman a mangitan-ok iti bagina, maipababanto,+ ket asinoman a mangipababa iti bagina, maitan-okto.+ 13  “Kaasikayo pay, dakayo nga eskriba ken Fariseo a managinsisingpet! ta inrikepyo kadagiti tattao ti Pagarian ti langit; ta saanyo a kayat ti sumrek iti dayta ken saanyo met a palubosan dagiti mayat a sumrek.+ 14 * —— 15  “Kaasikayo pay, dakayo nga eskriba ken Fariseo a managinsisingpet!+ ta mapankayo iti sadinoman tapno pagbalinenyo a proselita ti maysa,* ket ti mapasurotyo pagbalbalinenyo nga ad-adda a maikari iti Gehenna* ngem kadakayo. 16  “Kaasikayo pay, dakayo a bulsek a mangidaldalan,+ nga agkuna, ‘Ti agsapata iti nagan ti templo, saan nga obligado a mangtungpal iti dayta; ngem ti agsapata iti nagan ti balitok iti templo, masapul a tungpalenna dayta.’+ 17  Dakayo a maag ken bulsek! Ania ti napatpateg, ti balitok wenno ti templo a namagbalin iti balitok a sagrado? 18  Kasta met, ‘Ti agsapata iti nagan ti altar, saan nga obligado a mangtungpal iti dayta; ngem ti agsapata iti nagan ti daton nga adda iti altar, masapul a tungpalenna dayta.’ 19  Dakayo a bulsek! Ania ti napatpateg, ti daton wenno ti altar a namagbalin iti daton a sagrado? 20  Gapuna, ti agsapata iti nagan ti altar ket agsapsapata met iti amin nga adda iti altar; 21  ken ti agsapata iti nagan ti templo ket agsapsapata met iti Dios nga agnanaed iti templo;+ 22  ken ti agsapata iti nagan ti langit ket agsapsapata met iti trono ti Dios ken iti Daydiay nakatugaw iti dayta. 23  “Kaasikayo pay, dakayo nga eskriba ken Fariseo a managinsisingpet! ta itedyo ti apagkapullo ti yerbabuena, eneldo, ken kumino,+ ngem saanyo a tungtungpalen dagiti napatpateg a banag iti Linteg kas iti kinahustisia,+ asi,+ ken kinamatalek. Dagitoy ti rumbeng nga aramidenyo, ngem diyo met baybay-an ti dadduma a banag.+ 24  Dakayo a bulsek a mangidaldalan,+ sagatenyo ti lamok+ ngem alun-onenyo met ti kamelio!+ 25  “Kaasikayo pay, dakayo nga eskriba ken Fariseo a managinsisingpet! Ta daldalusanyo ti ruar ti kopa ken pinggan,+ ngem napno ti unegda iti kinaagum*+ ken nalabes nga ar-aramid.+ 26  Dakayo a bulsek a Fariseo, dalusanyo pay nga umuna ti uneg ti kopa ken pinggan tapno nadalus met ti ruarna. 27  “Kaasikayo pay, dakayo nga eskriba ken Fariseo a managinsisingpet!+ ta kaslakayo kadagiti napinturaan iti puraw a tanem,+ a napintas ti buyana iti ruar ngem napno ti unegna iti tulang dagiti natay ken amin a kita ti kinarugit. 28  Kastakayo met, agpampammarangkayo a nalinteg kadagiti tattao, ngem napno ti unegyo iti kinaulbod ken kinadakes.+ 29  “Kaasikayo pay, dakayo nga eskriba ken Fariseo a managinsisingpet!+ ta iyaramidanyo iti tanem* dagiti propeta ken arkosanyo ti tanem dagiti nalinteg,+ 30  ken ibagbagayo, ‘No koma nagbiagkami idi tiempo dagidi ammami, saankami koma a nakiraman kadakuada a nangpapatay kadagiti propeta.’ 31  Gapuna, dakayo ti mangpampaneknek nga annaknakayo dagidiay nangpapatay kadagiti propeta.+ 32  Nakarkaro ngarud ti ar-aramidenyo ngem dagidi ammayo. 33  “Dakayo nga annak dagiti uleg,+ kasanoyo a malisian ti pannakadusayo idiay Gehenna?*+ 34  Gapuna, ibaonko kadakayo dagiti propeta,+ masirib a tattao, ken mannursuro.+ Papatayen+ ken ilansayonto ti sumagmamano kadakuada, ken saplitenyonto+ ti dadduma kadakuada kadagiti sinagoga ken idadanesyonto+ ida iti amin a siudad. 35  Iti kasta, manungsungbatkayto iti dara ti amin a napapatay a nalinteg a tattao, manipud ken Abel+ agingga ken Zacarias nga anak ni Barakias, a pinapatayyo iti nagbaetan ti santuario ken ti altar.+ 36  Pudno kunak kadakayo, mapasamak amin dagitoy a banag iti daytoy a henerasion. 37  “Jerusalem, Jerusalem, a nangpapatay kadagiti propeta ken nangubor kadagiti imbaon ti Dios+—​namin-adu a kayatko nga ummongen dagiti annakmo a kas iti panangummong ti upa kadagiti piekna iti sirok dagiti payakna! Ngem saanyo a kinayat.+ 38  Adtoy! Mabaybay-anto* ti balayyo.+ 39  Ibagak kadakayo, saandakton a makita manipud ita agingga nga ibagayo, ‘Mabendisionan koma daydiay umay iti nagan ni Jehova!’”*+

Footnotes

Wenno “kasayaatan.”
Wenno “Mannursuro.”
Kitaem ti App. A3.
Wenno “tapno mangkombertekayo.”
Kitaem ti Glosario.
Wenno “samsam.”
Wenno “pakalaglagipan a tanem.”
Kitaem ti Glosario.
Wenno mabalin a, “Malangalangto.”
Kitaem ti App. A5.