Ebanghelio ni Mateo 1:1-25

  • Kapuonan ni Jesu-Kristo (1-17)

  • Pannakayanak ni Jesus (18-25)

1  Daytoy ti libro ti pakasaritaan* ni Jesu-Kristo,* nga anak ni David,+ nga anak ni Abraham:+   Ni Abraham ti ama ni Isaac;+ni Isaac ti ama ni Jacob;+ni Jacob ti ama ni Juda+ ken dagiti kakabsatna;   ni Juda ti ama da Perez ken Zera,+ ket ni Tamar ti inada;ni Perez ti ama ni Hezron;+ni Hezron ti ama ni Ram;+   ni Ram ti ama ni Aminadab;ni Aminadab ti ama ni Naason;+ni Naason ti ama ni Salmon;   ni Salmon ti ama ni Boaz, ket ni Rahab+ ti inana;ni Boaz ti ama ni Obed, ket ni Ruth+ ti inana;ni Obed ti ama ni Jesse;+   ni Jesse ti ama ni David+ nga ari. Ni David ti ama ni Solomon,+ ket ti asawa idi ni Urias ti inana;   ni Solomon ti ama ni Rehoboam;+ni Rehoboam ti ama ni Abias;ni Abias ti ama ni Asa;+   ni Asa ti ama ni Jehosafat;+ni Jehosafat ti ama ni Jehoram;+ni Jehoram ti ama ni Uzias;   ni Uzias ti ama ni Jotam;+ni Jotam ti ama ni Ahaz;+ni Ahaz ti ama ni Ezekias;+ 10  ni Ezekias ti ama ni Manases;+ni Manases ti ama ni Amon;+ni Amon ti ama ni Josias;+ 11  ni Josias+ ti ama ni Jeconias+ ken dagiti kakabsatna, idi tiempo a naipan dagiti Judio idiay Babilonia.+ 12  Kalpasan a naipanda idiay Babilonia, naaddaan ni Jeconias iti anak, ni Sealtiel;ni Sealtiel ti ama ni Zerubabel;+ 13  ni Zerubabel ti ama ni Abiud;ni Abiud ti ama ni Eliakim;ni Eliakim ti ama ni Azor; 14  ni Azor ti ama ni Zadok;ni Zadok ti ama ni Akim;ni Akim ti ama ni Eliud; 15  ni Eliud ti ama ni Eleazar;ni Eleazar ti ama ni Matan;ni Matan ti ama ni Jacob; 16  ni Jacob ti ama ni Jose nga asawa ni Maria, a nangyanak ken Jesus,+ a maawagan iti Kristo.+ 17  Amin a henerasion manipud ken Abraham agingga ken David, 14 a henerasion; manipud ken David agingga iti pannakaipanda idiay Babilonia, 14 a henerasion; manipud pannakaipanda idiay Babilonia agingga ken Kristo, 14 a henerasion. 18  Kastoy ti pannakayanak ni Jesu-Kristo. Naitulag ni Maria a mayasawa ken Jose, ngem sakbay ti panagasawada, naammuan a masikog ni Maria babaen ti nasantuan nga espiritu.*+ 19  Gapu ta nalinteg ni Jose nga asawana ken saanna a kayat a maibabain ni Maria, pinanggepna nga idiborsio a sililimed.+ 20  Ngem kalpasan ti panangpampanunotna iti dayta, adda anghel ni Jehova* a nagparang iti tagtagainepna. Kinunana: “Jose, anak ni David, dika maamak a mangyawid ken Maria nga asawam, ta nagsikog babaen ti nasantuan nga espiritu.+ 21  Mangyanakto iti maysa a lalaki, ket panaganamto iti Jesus,*+ ta isalakannanto ti ilina kadagiti basolda.”+ 22  Naaramid amin dagitoy tapno matungpal ti imbaga ni Jehova* babaen ti propetana: 23  “Agsikogto ti birhen ken mangyanak iti lalaki, ket panaganandanto iti Immanuel,”+ a kayatna a sawen, “Adda Kadatayo ti Dios.”+ 24  Idi nakariing ni Jose, tinungpalna ti imbilin ti anghel ni Jehova,* ket inyawidna ni Maria kas asawana. 25  Ngem saanna a dinennaan agingga a nangipasngay iti anak a lalaki,+ ket pinanagananna iti Jesus.+

Footnotes

Wenno “kapuonan.”
Wenno “ti Mesias; Daydiay Nadutokan.”
Wenno “aktibo a puersa.”
Daytoy ti damo kadagiti 237 a nakausaran ti nagan ti Dios a Jehova iti Kristiano a Griego a Kasuratan iti daytoy a patarus. Kitaem ti App. A5.
Katupag ti Hebreo a nagan a Jesua, wenno Josue, a kaipapananna, “Ni Jehova ti Mangisalakan.”
Kitaem ti App. A5.
Kitaem ti App. A5.