Job 8:1-22
8 Tednam Shuaitkar Bildadan zobab diun mhunnttlem:
2 “Tum kednam meren oxem uloit ravtolo?
Vadollachea varea sarkim tujim utram samkim pokoll!
3 Dev onʼneai kortolo kai?
Vo Sorvxoktivont Dev sarkem asa tem korchona kai?
4 Tujea putamnim tachea add patok kelam astolem,Ani te tachea add gele dekhun tannem tankam khast bhogunk dili.
5 Punn tunvem Devak sodhlolo zalear,Ani Sorvxoktivont Deva koddem doiechi bhik magloli zalear,
6 Ani tum khoroch xudʼdh aslo ani sarkem tem kortalo zalear,To tujer dhean ditolo aslo,*Ani tuka favo to zago porot ditolo aslo.
7 Tuji survat lhan asli zalear pasun,Tuzo fuddar boro astolo aslo.
8 Upkar korun adlea pillgek vichar,Ani tanchea purvozamnim jeo vostu sodhun kaddleo tacher dhean di.
9 Karonn ami kaluch zolmoleat ani amkam kainch khoborna,Prithumer amche dis eke savlle sarke zaun asat.
10 Te tuka xikounchenant kai,Ani te zannant tea vixim tuka sangchenant kai?*
11 Chikol na thoim papyrusachem zhadd vaddttolem kai?
Udok nastana tonn vaddttolem kai?
12 Tankam fulam aileant zalear pasun, ani tankam umttun kaddunk nant zalear pasun,Dusrea zhaddam poilinch tim suktolim.
13 Devak visortat tanchi sogleanchi oxich poristhiti zatoli,*Karonn noxtteacho* bhorvonso kabar zatolo,
14 Zo polkea vostuncher khatri dovorta,Ani zacho visvas mavlechea zalla* bhaxen oskot asa.
15 To tichea ghorak* tenktolo punn tem moddttolem,To tem dhorpacho proitn kortolo punn tem urchem na.
16 To munis vot melltta toslea eka ximplolea zhadda sarko asa,Tache khande bagent sogleak posortat.
17 Fatranchea raxint to aplim mullam posraita,Ani fatramnim apleak ek ghor sodhta.*
18 Punn tachea zagea voilo taka umttun kaddttat* tednam,To zago taka nakartolo ani mhunnttolo, ‘Hanvem tuka kednanch pollounk na.’
19 Hoi, heach toren to nanch zatolo.*
Uprant, tachea zagear dusrim voir sortolim.
20 Guneanva mekllim* jietat tankam Dev kednanch nakarchona.
Toxench, vaitt kortat tankam to kednanch tenko diunchona.*
21 Taka lagon to tuka porot hansoitolo,Ani tum khuxalkaien porot bob martolo.
22 Tuzo dves kortat te lojek poddttole,Ani noxtteancho tombu nanch zaun voitolo.”
Footnotes
^ Vo “tujea pasot panvl ghetolo aslo.”
^ Utran utor, “Ani te aplea kallzantlim utram bhair kaddchenant kai?”
^ Utran utor, “vatto oxeoch astat.”
^ Vo “Devak soddun voitolea munxacho.”
^ Utran utor, “ghora.”
^ Vo “zallak.”
^ Vo “Ani to fatranchem ek ghor polloita.”
^ Vo “taka gillttat.”
^ Vo “heach toren tachi vatt na zaun voitoli.”
^ Mhunnche, purnn toren bhokti korpi. Inglez bhaxent “integrity.”
^ Utran utor, “tancho hat dhorchona.”
