Job 14:1-22

  • Job fuddem mhunntta (1-22)

    • Munxachem jivit thoddeach tempachem ani koxttamnim bhorlolem (1)

    • “Eka zhaddak pasun bhorvonso asta” (7)

    • ‘Tunvem mhaka Fonddant lipoilo zalear kitlem borem zaupachem!’ (13)

    • “Ek munis morot zalear, to porot jivont zaunk xokta kai?” (14)

    • Dev aplea hatanchea rochnnek pollounk axeun ravtolo (15)

14  “Eke bailek zolmolʼlea munxachem jivit thoddeach tempachem,Ani koxttamnim bhorlolem asta.  2  To fulam bhaxen fulta ani bavta,*Savlle bhaxen rokddoch nanch zata.  3  Hoi, tori astana tum tuji nodor tacher dovorta,Ani tum taka* neai-sobhent vhorta.  4  Eka oxudʼdh munxak xudʼdh munis zolmonk xokta kai? Na, oxem zaunkuch xokona!  5  Tache dis tharailʼle asat zalear,Tachea mhoineancho ankddo tujea hatant asa. Tunvem tachea pasot xim dovorlea, jichea bhair to vochonk xokona.  6  Tachea voili tuji nodor kuxin kadd, jea vorvim to visov ghetolo. Disvoddeak kam korta tea manai-a bhaxen aplem disachem kam kabar korun to khuxal zatolo.  7  Karonn eka zhaddak pasun bhorvonso asta. Tem katrun uddoilem zalearui taka porot kombreo ietoleo,Ani tache khande vaddot ravtole.  8  Tachim mullam khub pornim zaleant,Ani tachem mund* matient sukon gelam zalear pasun,  9  Udkachea vasan taka kombri futtʼttoli,Ani eka novea zhadda bhaxen taka khande ietole. 10  Punn ek munis morta tednam, tachi xokti kabar zata,To melea uprant, tachem kitem urta? 11  Doriantlem udok nanch zata,Ani nhoim-chem udok unnem zata ani ti sukon voita. 12  Teach bhaxen, munis add poddtta ani porot utthona. Mollob na zaum poriant to utthchona,Tachea nhidentlean to zago zaunchona. 13  Zor tunvem mhaka Fonddant* lipoilo zalear,Tuzo rag xant zai poriant mhaka lipoun dovorlo zalear,Mhojea pasot vell tharailo ani mhozo ugddas kelo zalear, kitlem borem zaupachem! 14  Ek munis morot zalear, to porot jivont zaunk xokta kai? Mhoje gulamponnache* dis sompo poriant,Mhojea suttkecho vell ieum poriant, hanv vatt polloit ravtolom. 15  Tum ulo martolo ani hanv tuka zobab ditolom. Tujea hatanchea rochnnek pollounk tum axeun ravtolo. 16  Punn atam tum mhojem dor ek panvl mezta,Tuji nodor fokot mhojea patkacher asa. 17  Tunvem mhozo oprad begant ghalun tacher xikʼko marla,Ani mhojea guneanvak gom lavun to samballun dovorla. 18  Zoso ek porvot kosllon tacho churo zata,Ani ek khoddop tachea zagea voilem kuxin sorta, 19  Zoxem udok fatrank zhoroun uddoita,Ani udkacho lott mati vhanvoun vhorta,Teach toren, ek-na-ek dis morta tea munxacho bhorvonso tunvem kabar korun uddoila. 20  Tacho nas zai poriant tum taka chiddʼddoita,Tum tachem rup bodlun taka pois dhaddun dita. 21  Tachea putank man ditat, punn taka khobor asona,Te valor naslole zatat, punn taka tem kollona. 22  Tachea kuddint jiv aso-sor taka dukh zata,Jivo aso poriantuch to dukh korta.”

Footnotes

^ Vo ghoddie, “ani taka katrun uddoitat.”
^ Utran utor, “mhaka.”
^ Rukh katorlea uprant zomnicher voir urta to tacho bhag. Inglez bhaxent taka “stump” mhunnttat.
^ Xobdhkox polloi.
^ Vo “zobordosten kam korche.” Mhunnche, fonddant.

Copyrights for this publication