Job 26:1-14

  • Jobacho zobab (1-14)

    • “Kainch xokti na taka tunvem kitle bore toren modot kelea!” (1-4)

    • ‘Devan prithumek kainch adar nastana umkallaun dovorlea’ (7)

    • ‘Devachea vattencheo fokot dego zaun asat’ (14)

26  Joban zobab diun mhunnttlem:  2  “Zaka kainch xokti na, taka tunvem kitle bore toren modot kelea! Zachea hatak boll na, taka tunvem kitle bore toren salvar kela!  3  Zannvai nasloleak tunvem kitlo mhunn boro solʼlo dila! Kitle ukteponnim* tunvem tuji zannvai* dakhoun dilea!  4  Tum hem soglem konnank sangcho proitn korta? Tum hem soglem konnanchea preronnan uloita?  5  Meleat te bhirantin koddkoddttat. Te doria ani tantunt aslolea pranneam poros sokoilea zagear asat.  6  Fondd* Deva* mukhar ukto asa,Ani nisonttonacho zago* tachea thaun liplolo na.  7  Kainch naslolea ontrollacher* to utʼtorechem mollob* posraita,Tannem prithumek kainch adar nastana umkallaun dovorlea.  8  To udkak kupamnim guttlaun dovorta,To tem hea toren guttlaita, ki tachea pezan* kupam futtonant.  9  Aplem xinvason dischem nhoi tea toren,To tacher kupam posraita. 10  To mollob ani doria modem xim ghalta,To uzvadd ani kallokh kednam zatolo tem tharaita. 11  Mollba voile khambe haltat,To tapoita tednam te bhirantin thottaktat. 12  To aple xokten doria uchamboll korta,Ani aple somjikaien, doriant ravpi vhoddlea pranneache* kuddkean-kuddke korun uddoita. 13  Tachea svasan* mollob nitoll zata,Sullsullit pollon voitolea sorpak pasun tacho hat marun uddoita. 14  Polloi! Heo tachea vattencheo fokot dego zaun asat,Tachem fokot ilʼlem-xem kuchkuchop aikonk ailam! Tor tacho bhirankull goddgodd konn somzonk xokta?”

Footnotes

^ Vo “Kitlea udarponnan.”
^ Vo “sodanchea jivitak faideak poddtta tosli zannvai.”
^ Xobdhkox polloi.
^ Utran utor, “tachea.”
^ Vo “Ani Abadon.”
^ Vo “zagear.”
^ Utran utor, “to utʼtor.”
^ Vo “voznan.”
^ Utran utor, “Rahabache.”
^ Vo “varean.”

Copyrights for this publication