Job 7:1-21
7 “Prithumer munxachem jivit khub koxttachem nhoi kai?
Tache dis, disvoddeak kam korta tea manai-a bhaxen nhoi kai?
2 Chakra bhaxen to savllek axeta,Manai-a bhaxen to aplo disvoddo mellonk vatt polloita.
3 Toxench, mhojea vantteak kainch upeog naslole mhoine nemleat,Ani dukhacheo rati mhaka mezun dileat.
4 Khattir add poddlolo astana, ‘Sokall kednam zatoli kai?’ mhunn hanv chintʼtam.
Punn rat kabaruch zaina, sokall zai-sor hanv hevtten-tevtten vollot ravtam.
5 Mhojea kuddik kidde poddleat, ti chiklan bhorlea.
Mhaka sogleak ghave zaleat ani tantuntlean* mather bhair sorta.
6 Mhoje dis, vinnpeachea sui-e poros begin dhanvtat.
Te kainch bhorvonso nastana oxech somptat.
7 Mhojem jivit fokot thoddeach vellachem,*Mhaka porot kednanch khuxalkaieche dis* pollounk mellchenant mhunn ugddas dovor.*
8 Aiz mhaka je polloitat tankam hanv porot kednanch dischom na.
Tuje dolle mhaka sodhtole punn hanv mellchom na.
9 Kup ubon voita ani nanch zata toxem,Fonddant* voita to porot voir iena.
10 To porot kednanch aplea ghora ieunchona,Tachem ghor taka anik vollkhochem na.
11 Taka lagon, hanv mhojem tondd bond dovorchom na.
Mhojea kallzantlem dukh hanv votoitolom.
Mhoji koddsann hanv bhair kaddttolom!
12 Hanv doria kai vo doriant ravpi vhoddlo pranni kai,Zo tum mhojer dollo dovrun asa?
13 Jednam hanv mhunnttam, ‘Mhojea khattir mhaka visov mellttolo,Mhojea hantrunnar mhojem dukh unnem zatolem,’
14 Tednam tum mhaka sopnam dakhoun bhivoita,Ani dorxonam dakhoun bhenkddaita.
15 Hanv fugar zaun melear borem oxem mhaka dista,Hoi, oso jielʼlea poros moronn tori borem.
16 Mhaka mhojea jivachi vitt ailea, mhaka anik jieunkuch naka.
Mhaka ekttoch soddat, karonn mhojem jivit thoddeach vellachem.*
17 Ek-na-ek dis morta tea munxachi tum porva korunk, to konn?
Tunvem tacher dhean diunk, to konn?
18 Tum dor sokallim tacher nodor kiteak dovorta?
Ani dor eka khinnak tachi porikxa kiteak korta?
19 Tum tuji nodor mhoje voili kaddchona kai,Ani mhoji luti gillunk mhaka matso-i vell diuncho na kai?
20 Munxacher Nodor Dovorpea, hanvem patok kelam zalear, hanvem tuka luksonn koxem kelam?
Tunvem mhojer tuzo nixano kiteak laila?
Hanv tuka vojem zalam kai?
21 Mhozo oprad tum kiteak bhogxina,Ani mhozo guneanv kiteak visorna?
Karonn beginuch hanv dhulʼlint voitolom,Ani tednam tum mhaka sodhtolo, punn hanv aschona.”
