Job 20:1-29

  • Zofarachem dusrem bhaxonn (1-29)

    • Joban opman kelo oxem mhunntta (2, 3)

    • Job noxtto mhunn sangonk sodhta (5)

    • Jobak patok korunk borem dista mhunn sangta (12, 13)

20  Namathit Zofaran zobab diun mhunnttlem:  2  “Mhojim chintnam mhaka tras kortat,Taka lagon tuka zobab dilea bogor hanv vogi ravonk xokona.  3  Mhaka tapoun tunvem mhozo opman kela tem hanvem aikolam,Atam mhaka mhoji somzonni tuka zobab diunk laita.  4  Tuka hem khobor asonk zai,Karonn prithumer munxak* rochla tednam thaun oxench ghoddot ailam.  5  Noxtto thoddeach disank lagon sontosbhorit asta,Devachi bhirant naslolea munxachi khuxalkai thoddeach vellachi asta.  6  Tacho gorv mollba meren pavlo zalear pasun,Tachi tokli kupam meren pavli zalear pasun,  7  To svotachea hollxike bhaxen sasnak nanch zatolo,Taka polloitale te, ‘To khoim gelo?’ mhunn vichartole.  8  To sopna bhaxen uddon voitolo ani sodhlear pasun mellchona,Ratchea dorxona bhaxen to nanch zatolo.  9  Je dolle taka polloitale te porot taka pollounchenant,Tachem svotachem ghor taka pollounk axetolem. 10  Tachim svotachim bhurgim goribam koddlean magon khatolim,Ani dusream koddlean kaddun ghetloli girestkai to apleach hatamnim porot ditolo. 11  Tachim haddam tornattponnachea xokten bhorlolim aslim,Punn ti* tachea sangata dhulʼlint voitoli. 12  Vaittponn tachea tonddak godd lagta zalear,Ani to tem aple jibe ponda damun dovorta zalear, 13  Thukon uddounchea bodlek to tem chabddait ravta,Ani aplea tonddantuch dovorta zalear, 14  Tem jevonn tachea pottant vochon ambott zatolem,Tachea bhitor tem nagachea vika* sarkem zatolem. 15  Tannem girestkai gillʼllea, punn ti to vonktolo,Dev ti tachea pottantlean kaddttolo. 16  Nagachem vik to choktolo,Ani furxem* taka ghans martolem ani to mortolo. 17  Taka udkacheo nhoim-o,Ani mhonvache ani bottorache* vhall kednanch dischenant. 18  Aplem saman uzar korchea poilinch,* taka tem porot diunchem poddttolem,Aplea veapar-dhondea thaun mellʼllolea girestkaiek lagon taka khuxalkai mellchina. 19  Karonn tannem goribank mostileant ani soddun dileant,Tannem bandunk na tea ghoracher tannem kobzo kela. 20  Punn taka monachi xanti mellchina,Tachi girestkai taka vanchounk xokchina. 21  Dusream koddlean kaddun gheunk atam taka kainch uronk na,Taka lagon tachi girestkai urchina. 22  Girestkaiechea tengxer pavtanch to uskean bhortolo. Sogle torechem vaitt tacher ietolem. 23  To aplem pott bhortana,Dev* aplo zolltto rag tacher votoitolo,Pausa bhaxen to votoitolo, ani to rag tachea antkoddeamnim pavtolo. 24  Lokhnnachea hotʼtearam thaun to pollon voita tednam,Tambeachea dhonuntlean soddlole bann tachea bhitor rombtole. 25  To aple fattik toplolo ek bhalo voddun kaddtta,Ek chokchokit bhalo, zo tachea pintant rombla,Ani to bhirantin bhorta. 26  Tache theve kallea-kitt kallkhant nanch zatole,Konnench varem diunk na tea ujeant tacho bhosm zatolo,Tachea tombunt urleant tancher odruxtt ietolem. 27  Sorg tacho guneanv ukto kortolo,Prithum tachea add govai ditoli. 28  Tachem ghor buddttechea hunvran vhanvon voitolem,Hi buddtti Devachea* ragachea disa ietoli. 29  Noxttea munxak Deva koddlean hoch vantto mellttolo,Devan tachea pasot hench daiz tharailam.”

Footnotes

^ Vo “munxakullak; Adanvak.”
^ Mhunnche, tachi xokti.
^ Vo “pinta.”
^ Vo “vikari sorop.”
^ Inglez bhaxent “butter.”
^ Utran utor, “to gillchona.”
^ Utran utor, “To.”
^ Utran utor, “tachea.”

Copyrights for this publication