Job 11:1-20

  • Zofarachem poilem bhaxonn (1-20)

    • Job boddbodd korta mhunn tacher boglantt (2, 3)

    • Jobak vaittponn soddun diunk sangta (14)

11  Tednam Namathit Zofaran zobab diun mhunnttlem:  2  “Tuka kitem dista, tum uloit ravtolo ani tuka konn kainch mhunnchona? Vo tum khub uloilo zalear,* tunch sarko asa oxem zatolem kai?  3  Tuji boddbodd aikon lok vogi ravtole kai? Tunvem dusreanchim fokannam kelear konnuch tuka tapouncho na kai?  4  Karonn tum mhunntta, ‘Hanv jem xikoitam tem sarkem asa. Ani Devachea nodren hanv xudʼdh asam.’  5  Punn Dev tuje koddem uloilo zalear,Ani tannem aplem tondd ugoddlem zalear kitlem borem zaupachem!  6  To tuka zannvaieche gutt kolloitolo aslo,Karonn khorea zannvaient* zaiteo vostu mellon asat. Ani tednam, Dev tujea zaitea guneanvancher dhean dina mhunn tuka kollon ietolem.  7  Devacheo kholaiecheo vostu tum zannam zaunk xokta kai? Vo Sorvxoktivont Deva vixim tum soglem sodhun kaddunk xokta kai?  8  Zannvai mollba poros unch asa. Tum thoim pavonk xokta kai? Ti Fondda* poros khol asa. Tum thoim vochonk xokta kai?  9  Ti tor prithume poros lamb asa,Ani doria poros rund asa. 10  Dev ekleak dhorun, taka korttant gheun ieta zalear,Taka konn addaunk xokta? 11  Karonn to fosoita toslea munxak polloitanch vollkhota. Noxtteponn polloita tednam to dhean diunchona kai? 12  Ek ranvotti gaddum munxak zolm diunk xokona,*Tosoch murkh kednanch xanno zaunk xokona. 13  Tunvem tujem kalliz toiar kelear,Tachea mukhar tuje hat posrailear, kitlem borem zatolem! 14  Tuje hat chukichim kamam kortat zalear, tim soddun di. Ani tujea tombunt onitivontponnachim kamam zaunk dinaka. 15  Karonn tednam tum lojenastana tuji tokli voir korunk xoktolo,Tum tachea mukhar bhienastana nitt ubo ravonk xoktolo. 16  Tednam tum tuje tras visortolo,Tum te vhanvon gelʼlea udka bhaxen visortolo. 17  Tujem jivit donparchea vota poros uzvaddachem astolem,Tujea jivitantlo kallokh pasun sokallchea uzvadda bhaxen astolo. 18  Tuka bhorvonso asa dekhun tum konnankuch bhiechona,Tujea lagim aslolea girestkaiecher tum nodor martolo ani susegad visov ghetolo. 19  Tum add poddttolo ani tuka konnuch bhiounchona,*Tuzo favor mellonk zaite lok tujea lagim ietole. 20  Punn noxtteanche dolle oskot zatole,Ani tankam pollon vochonk ekui vatt dischina,Mornna xivai tankam anik kainch bhorvonso aschona.”

Footnotes

^ Vo “Tunvem boddai marli zalear.”
^ Vo “Karonn sodanchea jivitant faideak poddtta tea zannvaient.”
^ Xobdhkox polloi.
^ Vo “munis zaun zolm gheunk xokona.”
^ Vo “bhenkddaunchona.”

Copyrights for this publication