Job 33:1-33

  • Job apunnuch sarko mhunntta mhunn Elihu taka sudhraita (1-33)

    • Ek soddovpi melltta (24)

    • Tornattponnachem boll taka porot mellom (25)

33  “Punn atam Job, upkar korun mhojem aik,Hanv sangtam tem dor ek utor aik.  2  Polloi! Atam hanv vogi ravonk xokona,Hanv* ulounk utsuk asa.  3  Mhojim utram, mhojea kallzachem promannikponn kollit kortat,Ani mhaka khobor asa tem hanv khorench sangtam.  4  Devachea povitr xokten mhaka rochla,Sorvxoktivont Devachea svasan mhaka jivit dilam.  5  Tum mhaka zobab diunk xokta zalear, mhaka zobab di,Tuje vad-vivad mhojea mukhar mandd, tuzo zago ghe.  6  Polloi! Khorea Deva mukhar hanv-ui tujeach sarkom asam,Mhaka pasun matiechoch rochla.  7  Taka lagon, tum mhaka bhienaka,Mhojea utranchea pezan* tum chepchona.  8  Punn hanvem tuka oxem uloitana aikolem,Hoi, tum porot-porot oxem mhunnttalo,  9  ‘Hanv xudʼdh asam, hanvem kosloch oprad korunk na,Hanv nitoll asam, hanvem kosloch guneanv korunk na. 10  Punn Dev mhozo virodh korunk nimitam sodhta,To mhaka aplo dusman mhunn somzota. 11  Tannem mhoje paim lakddachea khoddeant* ghatleat,Hanv khoim voitam tem to bariksannen polloita.’ 12  Punn tum chukichem uloita dekhun hanv tuka zobab ditolom: Ek-na-ek dis morta tea munxa poros Dev khub vorto asa. 13  Tum tachea add komplein kiteak korta? Tannem tuka kainch zobab diunk na dekhun? 14  Dev ek pavtt uloita, dusre pavtt uloita,Punn konn tacher dhean dina. 15  To sopnant, ratchea dorxonant uloita,Jednam lok sust nhidlole astat,Jednam te aplea khattir nhidlole astat. 16  Tednam to tanche kan ugoddtta,Ani tanchea bhitor apli xikounn ghalta.* 17  Munxan vaitt kamam korop soddun diunchim,Ani gorva thaun tachi rakhonn zaunchi mhunn to oxem korta. 18  Hea toren Dev taka fonddantlean vanchoita,Tolvari* thaun tacho jiv vattaita. 19  Ek munis hantrunnar tollmolltta,Tachim haddam dukhin sonnsonnot ravtat, tednam to lisanv xikta, 20  Tacho jiv unddeak vitteta,Ruchichem jevonn pasun taka naka oxem dista. 21  Tachi kat sukon voita,Ani tachim haddam pasun disonk lagtat. 22  To sovkas-sovkas fondda lagim pavta,Lok tacho jiv kaddunk sodhtat. 23  Tachea lagim ek sondexkar* ailo zalear,Hozaram modlo eklo tachea pasot ulounk fuddem sorlo zalear,Ani taka kitem sarkem tem sanglem zalear, 24  Dev taka doia dakhoita ani mhunntta,‘Taka vattai, taka fonddant vochonk dinaka! Konnem tori tachea soddvonne pasot mol farik kelam. 25  Tachi kat bhurgeachea kati poros torni-taji zaum,Tachea tornattponnachem boll taka porot mellom.’ 26  To Deva lagim vinoti kortolo, zo taka manun ghetolo,Devachem tondd polloun to khuxalkaien bob martolo. Ani ek-na-ek dis morta tea munxak Dev porot nitivont mhunn tharaitolo. 27  To munis sogleank sangtolo,*‘Hanvem patok kelam, hanv chukichea vatten cholʼlam,Punn mhaka ji khast favo asli, ti mhaka mellonk na.* 28  Devan mhaka fonddant vochpacho vanchoila,Hanv uzvadd pollounk pavtolom.’ 29  Khorench, Dev munxa pasot heo sogleo vostu,Don pavttich nhoi, punn tin pavtti pasun korta. 30  Taka fonddantlean porot haddunk,Ani taka jivitacho uzvadd mellcho mhunn to oxem korta. 31  Job, dhean di! Mhojem aikon ghe! Vogi rav, ani hanv uloit ravtolom. 32  Tuka kitem-i sangpachem asa zalear sang, mhaka zobab di. Uloi, karonn tum niropradi asa mhunn hanv dakhoun diunk sodhtam. 33  Punn tujea lagim sangonk kainch na zalear, mhojem aik,Vogi rav, ani hanv tuka zannvaiecheo vostu xikoitolom.”

Footnotes

^ Utran utor, “Mhojea tallie sangata mhoji jib.”
^ Vo “voznan.”
^ Xobdhkox polloi.
^ Vo “Ani tancher aplea xikounnecho xikʼko marta.”
^ Vo “Hotʼteara.”
^ Vo “devdut.”
^ Utran utor, “sogleam mukhar gaitolo.”
^ Vo ghoddie, “Ani tacho mhaka faido zaunk na.”

Copyrights for this publication