Job 10:1-22
10 “Mhaka mhojea jivachi vitt ailea.
Hanv mhojea kallzant asa tem soglem bhair kaddttolom,Mhojea bhitorli koddsann uloun dakhoitolom!
2 Hanv Devak mhunnttolom: ‘Mhaka guneanvkari tharainaka,Tum mhojea lagim kiteak zhogoddtta tem tori mhaka sang.
3 Mhojer zulum korun,Tujea hatachea rochnnek nakarun,Ani noxtteancho solʼlo manun gheun, tuka kitem mellttolem?
4 Tuje dolle munxa bhaxen asat kai?
Vo tuji nodor ek-na-ek dis morta toslea munxa bhaxen asa kai?
5 Tuje dis munxachea disam sarke asat kai?
Vo tujim vorsam munxachea vorsam sarkim asat kai?
6 Tum mhojea bhitor guneanv kiteak sodhta?
Ani mhojea bhitor patok kiteak sodhit ravta?
7 Hanv guneanvkari nhoi mhunn tum zannam,Ani tujea hatantlean mhaka konnuch salvar korunk xokona.
8 Tunvem mhaka tujea svotachea hatamnim akar diun rochla,Punn atam tunch mhaka samko kabar korunk sodhta kai?
9 Deva, upkar korun ugddas kor, tunvem mhaka matiecho rochla,Punn atam tum mhaka porot dhulʼlint ghaltolo kai?
10 Tunvem mhaka dudha bhaxen votounk na kai?
Ani chiza* bhaxen toiar korunk na kai?*
11 Tunvem mhaka masan ani katin nhesoilo.
Haddamnim ani xiramnim mhaka zoddlo.
12 Tunvem mhaka hem jivit dilem ani visvaxi mog dakhoilo,Tunvem mhoji kallji ghetli ani mhozo jiv* rakhlo.
13 Punn heo sogleo vostu mhojer haddunk tunvem monantuch tharaileo.*
Hem soglem tunvench kelam mhunn mhaka khobor asa.
14 Hanvem patok kelʼlem zalear tuka tem distolem aslem,Ani tum mhaka bhogsuncho naslo.
15 Hanv guneanvkari zalear mhojench padd poddttolem!
Ani hanv niropradi aslom zalear pasun hanv tokli voir kaddun cholonk xokchona.
Karonn mhojem jivit opmanan ani koxtt-dukhan bhorlam.
16 Hanvem mhoji tokli voir kaddli zalear xinva bhaxen tum mhojer uddi martolo,Ani tum kitlo xoktivont asa tem porot ek pavtt dakhoun ditolo.
17 Tum mhojea add novea-novea govai diupeank ube korta,Tum mhojer anikui ragar zait ravta,Ani mhojer eka-fattlean-ek sonkoxtt ieit ravta.
18 Tor tunvem mhaka avoichea kusveantlean kiteak bhair haddlo?
Konnem-i mhaka pollounchea poilinch hanv melʼlom zalear borem zaupachem.
19 Hanv zolmotanch mhaka fondda koddem vhortole asle,Hanv kednanch ostitvant naslom, oxem zatolem aslem.’
20 Mhoje thoddech dis uronk nant kai? Tor tannem mhaka eksuro soddun diuncho.
Tannem mhoje voili apli nodor kaddchi, jea udexim mhaka thoddo suseg mellttolo.*
21 Karonn beginuch hanv voitolom ani porot kednanch ieunchom na.
Hanv kallea-kitt kallkhachea desant* voitolom.
22 To datt kallokh aslolo des,To kallea-kitt kallkhacho ani gondhollacho des,Thoim uzvadd pasun kallkha sarkoch asa.”
