Job 37:1-24

  • Soimbik xokteo Devachea vorteponnacho puravo ditat (1-24)

    • Dev munxanchim kamam addaunk xokta (7)

    • ‘Devachim ojapachim kamam polloiat’ (14)

    • Devak somzop munxachea tanki bhair asa (23)

    • Khoincheach munxan apunn zannvaiecho mhunn chintchem nhoi (24)

37  “Atam mhojem kalliz vhoddlean dhodd-dhoddtta,Ani tem aplea zagea voilem bhair poddttolem oxem mhaka dista.  2  Devacho xoktivont avaz,Ani tachea tonddantlean bhair sorta to goddgoddacho avaz bariksannen aik.  3  Akʼkhea mollba khala to avaz aikom-so korta,Ani tachea zoglavnneak prithumechea konnxea meren pavoita.  4  Uprant to gorozta to avaz aikonk ieta,Tacho avaz goddgodda bhaxen asa,Ani tacho avaz aikonk ieta tednam zoglavnne marit ravta.  5  Dev ojapachea ritin aplo goddgoddacho avaz aikom-so korta. Ami somzonk xokona tachea poros vortim kamam korta.  6  To borfak mhunntta, ‘Prithumer podd,’ Ani pausak mhunntta, ‘Ghos-ghoxeamnim podd.’  7  Dev munxachim soglim kamam thamboita,*Jea vorvim ek-na-ek dis morta to munis Devachim kamam zannam zaunk pavtolo.  8  Ranvotti zonvaram aplea dholimnim voitat,Ani aplea ravpachea zagear boson ravtat.  9  Vadollachem varem jea zagear ravta thoim thaun suttʼtta,Ani utʼtorechea varea thaun thonddi ieta. 10  Devachea svasan jhel toiar zata,Ani udok ghott zata. 11  Hoi, to kupank udkachea thembeamnim zodd korta,To zoglank kupamnim posraita. 12  To sangta toxim kupam hanga-thoim voitat,Akʼkhe prithumer to jem kam korunk adnea dita tem soglem tim kortat. 13  Konnankui khast* diunchi asom, zomin ximpchi asom,Vo konnankui visvaxi mog dakhouncho asom, tanchea udexim to hem ghoddoun haddtta. 14  Job, hem aik,Matso rav ani Devachea ojapachea kamancher niall kor. 15  Dev kupank tabeant koso dovorta,*Ani kupantlean zoglavnnem koxem marum-xem korta tem tum zannam? 16  Kupam koxim ubtat, tem tum zannam? Him poripurnn ginean asloleachim sobit kamam zaun asat. 17  Dokxinnentlea vareak lagon prithum xant kiteak zata? Tuje kopdde gorom kiteak zatat? 18  Deva bhaxen tum mollob posraunk xokta kai? Tum tem dhatu thaun toiar kelʼlea harxea itlem ghott korunk xokta kai? 19  Ami Devak kitem sangchem, tem tunch sang. Amchea lagim zobab na, karonn ami kallkhant asat.* 20  Mhaka ulounk zai, oxem taka konnui mhunnonk xokta kai? Vo konnem-i oxem kitem mhunnttlolem asa kai, jem taka sangonk poddttolem? 21  Mollbar kitlo-i uzvadd aslear pasun,Jea meren varo marun, kupank uboun vhorona,Tea meren tankam uzvadd* disona. 22  Utʼtore thaun bhangra bhaxen kirnnam porzollttat,Devachem vorteponn ojapachem.* 23  Ami Sorvxoktivont Devak purnn toren somzonkuch xokonant,Taka khub xokti asa,Toxench to kednanch onʼneai korina ani aplea vortea nitivontponna add vochona. 24  Taka lagon, lokamnim tachi bhirant dhorunk zai,Karonn zo apunnuch zannvaiecho mhunn chintʼta taka to doia dakhoina.”

Footnotes

^ Utran utor, “dor eka munxachea hatacher xikʼko marta.”
^ Utran utor, “boddi.”
^ Vo “kupank adnea koxi dita.”
^ Vo “karonn amkam somzonant tosleo zaiteo vostu asat.”
^ Mhunnche, suriacho.
^ Vo “bhirantin bhorta toslem.”

Copyrights for this publication