Job 12:1-25

  • Jobacho zobab (1-25)

    • “Khoincheach vatten hanv tumchea poros unno na” (3)

    • ‘Lok mhojim fokannam korun hanstat’ (4)

    • ‘Deva lagim zannvai asa’ (13)

    • Neai korpi ani razam poros Dev unch asa (17, 18)

12  Tednam Joban zobab diun mhunnttlem:  2  “Hoi, tuminch soglem zannant,Tumi mele zalear sonvsarantlean zannvai kabar zatoli!  3  Punn mhaka-i somzonni asa,Khoincheach vatten hanv tumchea poros unno na. Tumi sanglam tem konnank khobor na?  4  Hanv Devak ulo martam ani to zap ditolo mhunn vatt polloitam,Dekhun mhoje ixtt mhojim fokannam kortat. Nitivont ani niropradi munxak lok hanstat.  5  Kainch poddon vochonk na tea munxak apnnacher odruxtt ieunchem na oxem dista,Zanche paim loktat* tancheruch odruxtt ieta oxem to chintʼta.  6  Chor aplea tombumnim xantin ravtat,Ani Devak rag haddttat te,Toxench aplea devak hatant gheun bhonvtat te, surokxit astat.  7  Punn upkar korun matxe zonvarank vichar, ani tim tuka xikoitolim. Toxench, mollba voilea suknneank vichar, ani tim tuka sangtolim.  8  Vo prithumek dhean diun polloi,* ani ti tuka xikoitoli,Ani doriantlim nustim pasun tuka kollit kortolim.  9  Jehovan tankam aplea hatan rochleant mhunnHanchea modlea konnank khobor na? 10  Dor eka pranneacho jiv,Ani dor eka munxacho svas, tacheach hatant asa. 11  Jib jevonn chakhta toxiKan utram topaxinant kai? 12  Zanntteam lagim zannvai asona kai? Ani zaito temp jielea uprant somzonni mellona kai? 13  Deva lagim zannvai ani xokti asa,Tachea lagim udʼdhex* ani somzonni asa. 14  To jem moddtta tem konnancheanuch bandun kaddunk zaina. To jem bond korta tem konnancheanuch ugddunk zaina. 15  To udok addaun dovorta tednam soglem sukon voita,To tem soddtta tednam prithumer buddtti ieta. 16  Tachea lagim boll ani zannvai* asa,Zo koddsoron voita ani zo dusreank koddsorom-so korta, te dogui tachea hatant asat. 17  To solʼlo diupeank uktea paim-amnim cholonk laita,*Ani neai korpeank pixeant kaddtta. 18  Razamnim ghatloleo sanklleo to kaddun uddoita,Ani to tanchea bhenddak ek pottʼtto bandta. 19  To iadnikank uktea paim-amnim bhonvddaita,Ani zaito temp podver asloleank kaddun uddoita. 20  Visvas dovrunk zata toslea solʼlo diupeanchem tondd to bond korta,Ani zanntteam* koddlean somjikai kaddun gheta. 21  To vhoddlea odhikareank kainch valor naslolea bhaxen lekhta,Ani xoktivontank oskot korta. 22  To kallkhantlean kholaiecheo vostu ugddapeo korta,Ani kallea-kitt kallkhak uzvaddant haddtta. 23  Raxttrancho nas korunk to tankam xoktivont zaunk dita. Raxttrank koident vhoronk to tankam vaddoita. 24  Lokanchea fuddareanchi somzonni to kaddun gheta,Ani rosto na toslea padd zaun gelʼlea zagear tankam bhottkaita. 25  Uzvadd naslolean te kallkhant sanspotat,To tanchi poristhiti loktolea bebdeam bhaxen korta.

Footnotes

^ Vo “nisortat.”
^ Vo ghoddie, “Prithume lagim uloi.”
^ Utran utor, “solʼlo.”
^ Vo “sodanchea jivitak boreak poddtta tosli zannvai.”
^ Vo “solʼlo diupeam koddlean soglem kaddun gheta.”
^ Vo “vhoddilam.”

Copyrights for this publication