Job 35:1-16
35 Elihun fuddem mhunnttlem:
2 “Tum sarko asa mhunn tuka itli khatri asa kai, ki tum oso mhunnttolo,‘Hanv Deva poros chodd nitivont asam’?
3 Karonn tum mhunntta, ‘Hanvem sarkem tem kelear, tuka* kitem forok poddtta?
Patok korinastana ravon mhaka kitem-i faido zala?’
4 Hanv tuka hacho zobab ditolom,Fokot tukach nhoi, punn tujea hea sangateank pasun.
5 Tuje dolle ubar ani voir mollbak polloi,Unch aslolea kupancher dhean di.
6 Tunvem patok kelear, Devak koslem luksonn zata?
Tunvem kitle-i oprad kelear, Devachem kitem voita?
7 Tum nitivontponnan vaglo zalear, tum taka kitem dita?
Taka tuje koddlean kitem mhunn melltta?
8 Tujea noxtteponnank lagon fokot tujea sarkea munxakuch luksonn zata,Ani tujea nitivontponnank lagon fokot munxachea putak faido zata.
9 Zulum vaddtta tednam, lok roddttat,Ani bollixttanchea chopkeantlean suttonk modoti pasot bob martat.
10 Punn konnuch oxem mhunnona, ‘Mhozo Vorto Rochnnar khoim asa, mhozo Dev khoim asa,Zo ratchea vellar gitam gaum-xim korta?’
11 To prithume voilea zonvaram poros amkam chodd xikoita,Ani mollba voilea suknnea poros amkam chodd zannvaiechim korta.
12 Lok modoti pasot roddttat, punn to aikona,Noxtteanchea gorvak lagon to oxem korta.
13 Dev tanchem polkem* roddnnem aikona,Ani Sorvxoktivont tancher dhean dina.
14 Tujem zalear to aikochoch na, karonn to tuka disona mhunn tum tachea add komplein korta!
Tuji kes tachea mukhar ghatlea, tor tunvem axeun tachi vatt polloit ravonk zai.
15 Karonn tannem ragan bhoron tuje koddlean hixob gheunk na,Ani tum jem chintinastana uloilo, tacher tannem dhean diunk na.
16 Job bexttoch aplem tondd ugoddtta,Ani taka kainch khoborna tea vixim khub boddboddtta.”
