Job 34:1-37
34 Tor Elihun fuddem mhunnttlem:
2 “Zannvai aslolea munxamno, mhojem aikat,Zaitem ginean asloleamno, dhean diat.
3 Jib jevonn chakhun polloita toxi,Kan utram topasun polloitat.
4 Tor kitem sarkem tem ami topasun polloum-ia,Kitem borem asa tem amchea modem tharaum-ia.
5 Karonn Joban mhunnttlam, ‘Mhoje vatten hanv sarkom asam,Punn Devan mhaka neai diunk na.
6 Mhaka neai mellonk zai mhunn hanv fott martolom kai?
Hanvem kosloch guneanv korunk na, tori astana mhozo ghavo pekona.’
7 Joba bhaxen oso konnui munis asaZo udka bhaxen opman pieta?
8 Vaitt kortoleam sangata to vell sarta,Ani noxttea munxam sangata to ixttagot dovorta.
9 Karonn tannem mhunnttlam, ‘Devak manvota tem keloleanEka munxak kainch faido zaina.’
10 Tor somjikai* aslolea munxamno, mhojem aikat:
Khoro Dev noxttim kamam korunkuch xokona,Sorvxoktivont Dev vaitt korunkuch xokona!
11 Karonn eka munxachea kamam pormonnem Dev taka inam dita,Ani tachea vagnnuke pormonnem taka porinnam bhogunk laita.
12 Khorench, Dev noxttim kamam korina,Hoi, Sorvxoktivont Dev onʼneai korina.
13 Prithum samballchi zobabdari Devak konnem dili?
Ani akʼkhea sonvsaracher* taka konnem odhikar diun nemlo?
14 Tannem munxancher apli nodor* dovorli zalear,Tancho jiv ani svas aplea koddem porot ghetlo zalear,
15 Soglim munxam ekach borabor kabar zatolim,Ani munxakull porot dhulʼlint voitolem.
16 Tor tuka somjikai asa zalear hacher dhean di,Hanv sangtam tem bariksannen aik.
17 Neai-acho dves korta taka raz cholounk odhikar asonk zai kai?
Nitivont aslolea xoktivont munxak tum guneanvkari mhunn tharaitolo kai?
18 ‘Tum kiteakuch upkarona,’ oxem tum razak mhunnttolo kai,Vo ‘Tum noxtto,’ oxem tum vhoddlea odhikareank mhunnttolo kai?
19 Dev kunvranchi bazu ghena,Gorib ani girestam modem kosloch bhedbhav korina,Karonn te sogle tachea hatachim kamam.
20 Ratche modianir te okosmat moronk xoktat,Te thorthortat ani jiv soddttat,Xoktivont munis pasun kabar zata, punn munxachea hatan nhoi.
21 Karonn Devachi nodor munxachea vagnnukecher asa,Ani to tachim soglim panvlam polloita.
22 Oslo kallokh vo savlli khoinch na,Zoim vaitt kamam korpi tachea thaun liponk xoktat.
23 Karonn khoinchea-i munxachi zhoddtti korunk,Devak ek umkoch vell tharaunk poddona.
24 Koslich choukoxi korunk poddonastana to xoktivont munxank moddun uddoita,Ani tanchea zagear dusreank nemta.
25 Karonn te kitem kortat tem taka khobor asa,Ratiam bhitor to tankam portita, ani tancho churo zata.
26 Tanchea noxtteponnank lagon to tankam khast dita,Sogleam hujir to toxem korta.
27 Karonn te tacho pattlav korunk nakartat,Ani to dakhoita tea vatte vixim tankam matui poddon vochonk na.
28 Devak ulo mari poriant te goribak tras ditat,Dekhun to tea adar nasloleachem roddnnem aikota.
29 Dev vogi ravta tednam, konn taka guneanvkari tharaunk xokta?
To aplem tondd lipoita tednam, konn taka pollounk xokta?
Raxttr zaum vo munis zaum, dogainkui ekuch porinnam bhogunk poddtta,
30 Jea vorvim, noxtto* raz cholounk pavchona,Vo Devachea lokank fas manddunk pavchona.
31 Karonn Devak konnui oxem mhunnttolo kai,‘Hanvem kainch chuk korunk na, tori astana mhaka khast mellʼlli.
32 Hanv pollounk chuklam oxem kitem-i asa zalear mhaka kolloi,Hanvem kosli-i chuk kelea zalear hanv ti porot korchom na,’ oxem konnui mhunnttolo kai?
33 Tuka tacho nirnnoi manvona mhunn tannem tujea itse pormonnem tujem luksonn bhorun kaddchem kai?
Hem hanvem nhoi, punn tunvem tharaunk zai.
Tum anik boro zannam zalear, tunch mhaka sang.
34 Somjikaieche* munis mhaka mhunnttole,Hoi, zannvai aslolo munis zo mhojem aikota to mhunnttolo,
35 ‘Job ginean nastana uloita,Ani taka kholaiechi somjikai na mhunn tachim utram dakhoun ditat.’
36 Jobachi purnn toren porikxa zaum,*Karonn to noxttea munxam bhaxen zobab dita!
37 To patokui korta, teach borabor add pasun voita,To amchea hujir talleo marun moskoreo korta,Ani khorea Deva add uloit ravta!”
