Maeka 3:1-12
3 Mi talem se: “Yufala i harem, ol lida blong JekobMo yufala tu ol komanda long haos blong Isrel.+
Yufala i save finis samting we i stret.
2 Be yufala i no laekem fasin we i gud+ mo yufala i laekem fasin we i nogud,+Yufala i stap teremaot ol skin blong ol man blong mi mo mit long ol bun blong olgeta.+
3 Mo yufala i stap kakae mit blong ol man blong mi tu+Mo yufala i teremaot skin blong olgeta,Yufala i smasem ol bun blong olgeta long ol smosmol pis,+Olsem wan samting long sospen we oli kukum finis,* yes olsem mit insaed long sospen blong kuk.
4 Long taem ya, bambae oli singaot i go long Jehova from help,Be bambae hem i no ansa long olgeta.
Long taem ya, bambae hem i haedem fes blong hem long olgeta,+From ol rabis wok blong olgeta.+
5 Hemia samting we Jehova i talem agensem ol profet we oli stap lidim ol man blong mi i go rong,+We oli stap talem se ‘!Pis!’+ we semtaem oli kakae samting long tut blong olgeta*+Be oli mekem faet* agensem man we i no putum wan samting nating i go long maot blong olgeta, oli se:
6 ‘Naet bambae i kavremap yufala,+ bambae i no gat vison,+Bambae yufala i stap nomo long tudak, mo yufala i no save talemaot fiuja.
Bambae san i draon long ol profet,Mo dei bambae i kam tudak long olgeta.+
7 Ol man blong luk vison bambae oli sem,+Mo ol man blong talemaot fiuja bambae oli harem nogud.
Olgeta evriwan bambae oli kavremap mustas* blong olgeta,From i no gat ansa i kam long God.’”
8 Be mi, spirit blong Jehova i mekem mi mi fulap long paoa,Mo jastis mo i mekem mi mi strong,Blong mi talem long Jekob, fasin blong hem blong rebel, mo blong talem long Isrel, sin we hem i mekem.
9 Ol lida long haos blong Jekob, plis yufala i harem tok yaMo yufala tu ol komanda long haos blong Isrel,+We yufala i no laekem jastis nating, mo yufala i stap mekem samting we i stret i kam kruked,+
10 Mo yufala i mekem blad i ron blong wokem Saeon mo yufala i mekem ol fasin we i no stret blong wokem Jerusalem.+
11 Ol lida* blong hem oli stap jaj from oli kasem dotimane,+Ol pris blong hem oli stap tij from oli kasem pei,+Mo ol profet blong hem oli stap talemaot fiuja from mane nomo.+
Be yet oli dipen long Jehova,* oli se:“Jehova i stap wetem yumi.+
Trabol i no save kasem yumi.”+
12 Taswe from yufala nomoBambae oli pulum plao long Saeon olsem wan garen,Mo Jerusalem bambae i kam ol hip blong ol doti,+Mo bigfala hil blong Haos* bambae i kam olsem ol hae ples long bus.*+
