Amos 6:1-14
6 “Sore tumas long olgeta long Saeon we oli stap trastem olgeta wan,*Mo sore tumas long olgeta we oli harem se oli sefgud long bigfala hil blong Sameria,+Hemia ol haeman blong nesen ya we i strong moa long ol narafala nesen,Yes olgeta we ol man long haos blong Isrel oli stap go long olgeta.
2 Yufala i krosem i go long Kalnei mo yufala i luk.
Mo yufala i aot long ples ya, yufala i go long Bigfala Hamat,+Mo yufala i godaon long Gat, ples blong ol man Filistia.
?Olgeta ya oli gud moa i winim ol kingdom ya,*No teritori blong olgeta i bigwan moa i bitim blong yufala?
3 ?Yufala i no moa tingbaot dei blong trabol,+Nao yufala i mekem raf fasin i rul long ples blong yufala?*+
4 Oli stap ledaon long ol bed we oli flasem long tut blong elefen+ mo oli stap slip long ol longfala jea,+Oli stap kakae ol man sipsip mo ol smol buluk* we oli fatfat gud,+
5 Oli stap mekemap ol singsing folem saon blong hap,*+Mo olsem Deved, oli stap wokem ol niufala instramen blong miusik,+
6 Oli stap dring waen long ol bigfala bol+Mo oli stap makemaot olgeta bakegen long ol beswan oel.
Be oli no tingbaot nating* bigfala trabol blong Josef.+
7 Taswe bambae oli go wok slef long narafala kantri, yes bambae oli faswan blong go wok slef long narafala kantri,+Mo ol rabis lafet blong ol man ya we oli stap relaks gud bambae i finis.
8 Jehova, God ya we i komanda blong ol ami i talem se: ‘Hae Masta Jehova i mekem promes long nem blong hem wan se:+“Mi mi agensem ol flas samting blong Jekob,+Mi mi no laekem nating ol strong taoa blong hem,+Mo bambae mi putum taon ya mo ol samting long hem i go long han blong ol enemi.+
9 “‘“Mo sipos i gat ten man oli stap yet long wan haos, bambae olgeta tu oli ded.
10 Nao wan famle* bambae i kam tekemaot olgeta mo i bonem olgeta wanwan. Bambae hem i tekemaot ol bun blong olgeta long haos ya, biaen bambae hem i askem long eni man we i stap long rum blong haos ya we i stap insaed olgeta se: ‘?I gat sam moa wetem yu?’ Mo hem bambae i talem se: ‘!I no gat man!’ Nao bambae hem i talem se: ‘!Yu stap kwaet! From naoia i no taem blong tokbaot nem blong Jehova.’”
11 From Jehova nao i stap givim oda,+Mo bambae hem i brekemdaon bigfala haos long ol smosmol pis,Mo i brekemdaon smol haos i kam olsem doti nomo.+
12 ?Ol hos oli stap ron antap long ol ston hil,Mo wan man i save mekem buluk i pulum plao long ol ples olsem?From yufala i mekem jastis i kam wan plant we i posen,Mo frut blong stret fasin i kam plant ya womwud.*+
13 Yufala i stap glad from samting we i nating nomo,Mo yufala i talem se: “Mifala i kam strong* from paoa blong mifala nomo.”+
14 Taswe yufala long haos blong Isrel, bambae mi tekem wan nesen i kam agensem yufala,’+ hemia nao tok blong Jehova, God ya we i komanda blong ol ami,‘Mo bambae oli spolemgud yufala, stat long Lebohamat*+ i godaon kasem Wadi* Blong Araba.’”
Ol futnot
^ NT: “we oli gat isi laef.”
^ Hemia i minim ol kingdom blong Juda mo Isrel.
^ PT: “yufala i tekem jea blong raf fasin i kam?”
^ NT: “ol yang bul.”
^ NT: “folem ol string instramen.”
^ PT: “oli no sik from.”
^ PT: “Brata blong papa blong hem.”
^ NT: “i kam samting blong harem nogud.”
^ PT: “Mifala i stap kasem ol hon.”
^ NT: “rod we i go insaed long Hamat.”
