Fas Buk Blong Kronikel 9:1-44

  • Lis blong ol famle afta we oli aot long Babilon (1-34)

  • Ripitim famle laen blong Sol (35-44)

9  Nem blong olgeta man Isrel i stap long lis blong ol famle, mo oli raetemdaon ol nem ya long Buk Blong Ol King Blong Isrel. Mo ol enemi oli holemtaet ol man Juda mo oli tekem olgeta oli go long Babilon from we oli no holemstrong long God.+  Olgeta we oli faswan blong kambak long taon blong olgeta mo long graon blong olgeta, hemia sam man Isrel, ol pris, ol Livaet, mo olgeta we oli wok long tempol.*+  Mo hemia sam man we oli kamaot biaen long Juda,+ Benjamin,+ Efrem, mo Manase, mo we oli kam stap long Jerusalem:  I gat Utae we i boe blong Amihud, Amihud ya i boe blong Omri, Omri i boe blong Imri, Imri i boe blong Bani, olgeta ya oli kamaot biaen long Peres+ we i boe blong Juda.  Mo long olgeta we oli kamaot biaen long Sela, i gat Asaea we i fasbon mo ol boe blong hem.  Mo long ol boe blong Jeraha,+ i gat Jehuel mo 690 brata blong olgeta.  Long olgeta we oli kamaot biaen long Benjamin, i gat Salu we i boe blong Mesulam, Mesulam ya i boe blong Hodavia, Hodavia i boe blong Hasenua.  Mo i gat Ibnea we i boe blong Jeroham, Elaha we i boe blong Usi mo i smol bubu blong Mikri, mo i gat Mesulam we i boe blong Sefatia, Sefatia ya i boe blong Rehuel, Rehuel i boe blong Ibnaejah.  Mo ol brata blong olgeta folem laen blong olgeta, oli 956. Olgeta man ya evriwan oli hed long haos blong papa blong olgeta. 10  Mo long ol pris, i gat Jedaea, Jehoearib, Jakin,+ 11  Asaria we i boe blong Hilkia, Hilkia ya i boe blong Mesulam, Mesulam i boe blong Jadok, Jadok i boe blong Meraeot, Meraeot i boe blong Ahitub, wan lida long haos* blong tru God, 12  mo i gat Adaea we i boe blong Jeroham, Jeroham ya i boe blong Pasuru, Pasuru i boe blong Malkaejah, mo i gat Mahasae we i boe blong Adiel, Adiel ya i boe blong Jasera, Jasera i boe blong Mesulam, Mesulam i boe blong Mesilemit, Mesilemit i boe blong Hime, 13  mo i gat ol brata blong olgeta we oli hed long haos blong papa blong olgeta. Olgeta evriwan oli 1,760 strong man, we oli save gud olsem wanem blong wok, mo oli rere oltaem blong wok long haos blong tru God. 14  Mo long ol Livaet, i gat Semaea+ we i boe blong Hasub, Hasub ya i boe blong Asrikam, Asrikam i boe blong Hasabia we i kamaot biaen long Merari, 15  mo i gat Bakbakara, Hires, Galal, Matania we i boe blong Mikaha, Mikaha ya i boe blong Sikri, Sikri i boe blong Asaf, 16  mo i gat Obadaea we i boe blong Semaea, Semaea ya i boe blong Galal, Galal i boe blong Jedutun, mo i gat Berekia we i boe blong Asa mo i smol bubu blong Elkana, we i stap long vilej blong ol man Netofa.+ 17  Ol man blong gad long get,+ i gat Salum, Akub, Talmon, mo Ahiman, mo brata blong olgeta Salum hem nao i hed, 18  mo go kasem long taem ya, hem i bin stap gad long get blong king long saed i go long is.+ Hemia nao olgeta we oli gad long get blong ol kamp blong ol Livaet. 19  Salum i boe blong Kore, Kore ya i boe blong Ebiasaf, Ebiasaf i boe blong Kora. Salum ya wetem ol brata blong hem we oli kamaot long haos blong papa blong hem, hemia ol laen blong Kora, olgeta nao oli lukaot long wok ya blong gad long doa blong tent, mo ol papa blong olgeta oli bin lukaot long kamp blong Jehova, oli bin gad long doa blong kam insaed. 20  Bifo, Finehas+ we i boe blong Eleasara,+ hem nao i lida blong olgeta, mo Jehova i stap wetem hem. 21  Sekaraea+ we i boe blong Meselemia, hem i stap gad long doa blong tent blong miting.* 22  Olgeta evriwan we oli jusumaot olgeta blong oli gad long get blong kam insaed, oli 212 man. Mo oli stap long ol vilej blong olgeta folem lis blong famle blong olgeta.+ Deved wetem Samuel we i man blong luk vison,+ tufala nao i putumap olgeta long wok ya from we oli trastem olgeta. 23  Olgeta ya wetem ol boe blong olgeta, oli lukaot long wok blong gad long ol get blong haos blong Jehova,+ hemia haos we oli wokem long tent. 24  Olgeta we oli gad long get, oli stap long ol fo saed, hemia is, wes, not, mo saot.+ 25  Mo sam samtaem, ol brata blong olgeta oli aot long vilej blong olgeta blong kam wok wetem olgeta blong seven dei. 26  I gat fo lida* we oli lidim wok ya blong gad long get, mo ol man oli trastem olgeta. Ol lida ya oli kamaot long ol Livaet, mo oli lukaot long ol rum* mo ples blong putumgud ol sas samting long haos blong tru God.+ 27  Long naet, olgeta oli gad raonabaot long haos blong tru God, from we wok blong olgeta i blong gad mo oli lukaot long ki, mo oli stap openem doa blong haos ya evri moning. 28  Sam long olgeta oli lukaot long ol samting olsem kap mo bol+ we oli yusum blong mekem wosip, oli stap kaontem ol samting ya taem oli tekem i kam insaed, mo oli kaontem olgeta taem oli go putumbak. 29  Mo sam long olgeta, oli putumap olgeta blong oli lukaot long ol narafala samting olsem kap mo bol, wetem ol samting we oli tabu,+ mo ol flaoa we oli nambawan,+ waen,+ oel,+ frangkinsens,+ mo balsam oel.+ 30  Mo sam long ol boe blong ol pris oli miksim ol samting blong wokem balsam oel. 31  Mo Matitia long laen blong Livae mo i fasbon blong Salum long laen blong Kora, hem i gat wok ya blong lukaot ol samting we oli kukum long fraepan, from we ol man oli trastem hem.+ 32  Mo sam long ol brata blong olgeta long laen blong Kohat oli lukaot long ol bred we oli stakemap,*+ oli mekem ol bred ya evri sabat.+ 33  Hemia ol man blong singsing, olgeta oli hed blong ol famle blong ol Livaet. Olgeta ya oli stap long ol rum,* mo oli no mekem ol narafala wok, from we long dei mo long naet hemia nao wok we oli stap mekem. 34  Hemia olgeta we oli hed long haos blong papa blong ol Livaet folem laen we oli kamaot long hem. Olgeta ya oli stap long Jerusalem. 35  Jeiel we i papa blong Gibeon, hem i stap long Gibeon.+ Mo waef blong hem nem blong hem Mahaka. 36  Mo fasbon boe blong hem, hemia Abdon, biaen i gat Juru, Kis, Bal, Nere, Nadab, 37  Gedoro, Ahio, Sekaraea, mo Miklot. 38  Miklot i kam papa blong Simeam. Mo olgeta evriwan oli stap wetem ol narafala brata blong olgeta long Jerusalem, i no longwe tumas long ol brata blong olgeta. 39  Nere+ i kam papa blong Kis, Kis i kam papa blong Sol,+ Sol i kam papa blong Jonatan,+ Malkisua,+ Abinadab,+ mo Esbal. 40  Mo boe blong Jonatan, hemia Meribal.+ Meribal i kam papa blong Maeka.+ 41  Mo ol boe blong Maeka, i gat Piton, Melek, Taharea, mo Ahas. 42  Ahas i kam papa blong Jaraha, Jaraha i kam papa blong Alemet, Asmavet, mo Simri. Simri i kam papa blong Moja. 43  Moja i kam papa blong Binea, wetem Refaea we i boe blong Binea, Eleasa we i boe blong Refaea, mo Ajel we i boe blong Eleasa. 44  Ajel i gat sikis boe, mo nem blong olgeta Asrikam, Bokru, Ismael, Searia, Obadaea, mo Hanan. Olgeta evriwan ya oli ol boe blong Ajel.

Ol futnot

NT: “ol Netinim.” PT: “olgeta we oli givim olgeta.”
NT: “tempol.”
Yu luk Diksonari.
NT: “ol rum blong kakae.”
PT: “strong man.”
Hemia sobred.
NT: “ol rum blong kakae.”