Ekesodu 31:1-18
31 Yehova za hemen u lamen a Mose, a kaa ér:
2 “Nenge, m tsua Besalel*+ wan u Uri wan u Hur u ken ipyaven u Yuda.+
3 Me iv un a jijingi u Aôndo, me na un kwaghfan man mkav man mfe u varen hanma iwa cii,
4 sha u eren hwe sha akaa man sha u eren tom a zanaria man azurufa man togula,
5 man u kuan awen shi eren ajiir a varen a,+ kua u gban hanma injakwagh cii sha ikyon.+
6 Heela tseegh ga, shi m tsua Oholiabi+ wan u Ahisamaki u ken ipyaven u Dan mer a wasen un. Shi m ngu wan kwaghfan ken asema a mba ve fe tom cii,* sha er vea er hanma kwagh u m ôr u yô.+
7 Vea er tenti u kohol ker+ man areki u Shiada+ kua kuur u sha mi+ man ikyav mbi ken tenti cii,
8 man tebul+ a ikyav nav man daarimenger u sha zanaria u wang la a ikyav nav cii,+ man atse a nanden insensi+
9 man atse a nanden nagh+ a ikyav mbi a cii, man gbangi kua kwagh u veren un sha mi,+
10 man akondo a i tume a tsembelee kua uicighanmbaakondov sha ci u pristi Aron man akondo a ônov nav mba vea lu upristi la,+
11 man mkurem ma tseghan kwagh a mi man insensi u human doon sha ci u icighanjiir la.+ Vea er hanma kwagh u m kaa u cii.”
12 Yehova shi kaa a Mose ér:
13 “Lam a Mbaiserael kaa a ve wer, ‘Ka ayange a memen a am la je ne hemban kuran a ye,+ sha ci u ka ikyav hen atô wam a ven sha ikyov yen cii, sha er ne fa er i lu mo Yehova m lu tseghan ne yô.
14 Kuran nen Iyange i Memen, sha ci u ka icighankwagh hen a ven.+ Or u nan hôngor i yô i wua nan kpee je. Or u nan er ma tom sha i cii, i wua imbaor la keng i de bundu ga.*+
15 I eren tom ayange ataratar, kpa iyange i sha utaankaruhar la yô ka iyange i memen hanma tom cii.+ Ka icighankwagh hen Yehova. Or u nan er tom sha Iyange i Memen yô, i wua nan kpee je.
16 Mbaiserael ve kuran Iyange i Memen la hange hange; ve memen sha Iyange i Memen la sha ikyov ikyov. Ka ikyuryan i lun gbem.
17 Ka ikyav i tsan gbem hen atô wam a ior i Iserael,+ sha ci u Yehova yange gba usha man tar ken ayange ataratar, sha iyange i sha utaankaruhar la yô a mem, kundu un iyol.’”*+
18 Lamen a Mose sha Uwo u Senai been a bee nahan maa, a na un ikpande ihiar i Shiada,+ ikpandeawen i i nger kwagh sha mi sha ihyôwe i Aôndo yô.+
