Anzaakaa 9:1-18
9 Kwaghfan u mimi maa iyou na;A gba* mtôm ma i mtaankarmhar.
2 A sôngo inyam na*A nungwa wain na;Shi a sôr tebul na kpaa.
3 A tindi ikpan na i ukaseÉr i due i za yôôn sha ajiir a taven a ken gar,+ i kaan ér:
4 “Hanma or u mfe a ban nan yô nana va heen.”
Shi a kaa a or u banen a mkav* ér:
5 “Va ya kwaghyan* wam,Shi se ma wain u m nongo ne.
6 Undu lanegh ou* ken ijime, nahan lu uma;+Za sha gbenda u mkav.”+
7 Or u nan we orpuunakaa kwagh yô, nan ngu keren ilyahan,+Shi or u nan kôôm iferor kpaa ka kwagh u kunya una er nan ye.
8 De kôôm orpuunakaa ga, nana kôr u ihyom.+
Wa orfankwagh kwagh, nahan u doo nan ishima.+
9 Seer orfankwagh mfe, nahan nana seer fan kwagh.+
Tese orperapera, nahan nana seer henen kwagh.
10 Mcie u cian Yehova ka mhii u kwaghfan,+Man u fan U Hemban Lun Icighan Cii la kpaa,+ ka mkav.
11 Gadia me na ayange a ou aa ngee,+Shi me seer anyom a uma wou kpaa.
12 Aluer u hingir orfankwagh yô ka sha ci u iwasen you,Kpa aluer u ngu orpuunakaa yô, ka we u fe ye!
13 Ibumekwase ngu inja baveraa.+
A lan kwagh, a fa kwagh môm ga.
14 Ka a tema hen hunda u ya naSha ikya, sha ajiir a taven sha ken gar,+
15 A yilan mbakarengbenda,Mba ve ver ishigh jighilii, ve lu zenden yemen kwagh ve la, a kaan ér:
16 “Hanma or u mfe a ban nan yô, nana va heen.”
Shi a kaan a mba banen a mkav* ér:+
17 “Mngerem ma iin a ii ma nyoho,Shi kwaghyan u i ye ken myer kpaa a doo.”+
18 Kpa ve kera fa er mba ve yav shin ku gbedaa la ve lu her,Shi mba ve ze hen a na la ve lu shin ajiir a zan a shin Uwar* kpaa ga.+
