Anzaakaa 13:1-25
13 Wan u fan kwagh ka nan lumun tsaha u ter u nan,+Kpa ornahantar yô, nan keghen ato a mkôôm ga.+
2 Atam a iliam i or ka a na* nan ya akaa a dedoo,+Kpa isharen i* mbaerenayom yô, ka u eren tswam.
3 Or u nan kuran zwa u nan* yô, nan ngu kuran uma u nan,+Kpa or u nan bughun zwa u nan gbangelaa yô, nana tim.+
4 Akaa ka a sar oruhwe, kpa nan ngu a kwagh ga,+Kpa or u eren tom taveraa yô, nana zua a kwagh a kuma nan.*+
5 Orperapera kôr aie ihyom,+Kpa iferor yô, ka nan va a kunya man ihyeen.
6 Perapera ka a kura orishôôgh,+Kpa iferkwagh ka i hungwa a orisholibo.
7 Orgen ka nan eren inja er nan ngu ornyar nahan, kpa nan lu a kwagh ga;+Orgen di yô nan eren er nan ngu icanor nahan, kpa nan gema nan lu a inyaregh kpishi.
8 Inyaregh ka ki paa uma u or,+Kpa mbaatsanev yô, kwagh u tan ve mciem iyol tsô kpa hii ngun ga.*+
9 Iwanger i mbaperapera ka i mondo,*+Kpa a pir imenger i mbaaferev.+
10 Ka ayôôso tsô iyolgengese i ve a mi ye,+Kpa kwaghfan ngu a mba ve keren kwaghwan la.*+
11 Inyaregh ki i zough a mi fele* yô, kia bee.+
Kpa or u nan kohol inyaregh ki nan kure kure* yô, kia seer a seer.
12 Ka a ver ashe a kwagh man una* va bunde yô, ishima i ure,+Kpa isharen i i kure i yô, ka kon u uma je.+
13 Or u nan laha kwaghwan* yô, kwagh a tser nan,+Kpa or u nan we tindi ikyo yô, a na nan injar.+
14 Ityesen i* orfankwagh ka imbor i uma,+Sha u wasen or u palegh akaahônon a kuugh.
15 Mkav u mimi ka a na i doo ior a or,Kpa gbenda u mbawanatseregh yô, u vihi tsô.
16 Orfankwagh ka nan er kwagh sha mfe,+Kpa ibumeor yô ka nan pase ibumegh ki nan ken igbar.+
17 Ortyom u ifer ka nan gba ken kwaghtseren,+Kpa ortyom u jighjigh yô, ka nan va a mkpeyol.+
18 Or u vendan tsaha ka nan nyôr ken ibanave man ihyeen,Kpa or u nan lumun mkôôm yô, nana zua a icivir.+
19 Isharen i or ka ia kure sha mi yô i doo nan,+Kpa ibumeor yô, ka i vihi nan u geman ijime a kwaghbo.+
20 Or u nan zenden vea mbafankwagh imôngo yô, nana hingir orfankwagh,+Kpa or u nan eren kwagh vea abumeaior yô, kwagh a za a nan a vihi kpishi.+
21 Kwaghtseren ka a zendan mbaasorabo ijime,+Kpa mbaperapera yô, mzehemen ka a na ve injar.+
22 Or u dedoo ka nan undu dyako sha ci u ônov mba ônov mba nan,Kpa inyaregh ki orisholibo yô, á koso ki sha ci u orperapera.+
23 Sule u icanor nan kaha la ka u ume iyiav kpishi,Kpa alaghga a kar a u* kera sha anyighe.
24 Or u nan ver akpa* u nan girgir yô, nan kôr wan u nan ihyom,+Kpa or u wan u nan a doo nan ishima yô, ka nan tsaha un sha gbashima.*+
25 Orperapera ka nan ya kwagh i kuma nan,*+Kpa iyav mbu iferor yô, mbu ijen.+
Ngeren mba shin kpe
^ Zwa Heberu, “Zwa u or ka u na.”
^ Shin “uma u.”
^ Shin “kwaghôron u nan.”
^ Zwa Heberu, “nana kehe.”
^ Zwa Heberu, “or nanden a ve ga.”
^ Zwa Heberu, “i ember.”
^ Shin “ve henen kwagh imôngo la.”
^ Shin “sha gbilinkwagh.”
^ Zwa Heberu, “sha ave a nan.”
^ Shin “Ishimaverenkeghen ka ia.”
^ Shin “kwaghôron.”
^ Shin “Tindi u.”
^ Shin “a kar a nan.”
^ Shin “tsaha; mkôôm.”
^ Shin a fatyô u kaan ér, “fese.”
^ Shin “uma u nan.”
