Anzaakaa 26:1-28
26 Icivir tuna sha ibumeor,+Er senou a tuna sha shighe u iceenyoloughShi ura u tuna sha shighe u sunda nahan.
2 Er inyon i purugh sha ityôkyaaShi gbargbar kpa a purugh sha ityôkyaa nahan,Kape ifyan i gbe kôron or ga, saa ka i lu sha ityôkyaa i injaa je la.*
3 Kwagir ngu sha ci u nyinya, lijam di ngi sha ci u jaki,+Kape akpa kpa a lu sha ci u ijime i abumeaior la.+
4 De bughun zwa a ibumeor sha ibumegh ki nan kira ga,Sha er u hingir kwaghmôm a nan ga yô.*
5 Kpa kende ôr ibumeor kwagh sha ibumegh ki nan kira,Sha er nana hen ér nan fa kwagh ga yô.+
6 Or u nan we ibumeor kwagh sha ikyev yô,Nan ngu er or u nan sombo angahar a nan, nan er iyol i nan ican nahan.*
7 Er nguhar ku oriwan ku lu nahan,*Kape injakwagh kpaa i lu ken zwa u abumeaior la.+
8 U nan ibumeor icivir+Ngu er u wan iwen ken mzu nahan.
9 Injakwagh ngi ken zwa u abumeaiorEr kon u saa u lu ken uwegh ku or u hunden msôrom nahan.
10 Or u nan tôô ibumeor shin mba karen gbenda ijodo yô,Nan ngu er or u keren ivaan u nan gbe vihin ior iyol côu côu tsô nahan.*
11 Ibumeor ka nan kimbir ibumegh ki nan,Er iwa i i sua, i hidi i ye isho i i nahan.+
12 U nenge a or u nan hen ér nan ngu a kwaghfan vee?+
Hemba gban nan kera a ibumeor.
13 Oruhwe ka nan kaa ér: “Gumbegha ngu sha gbenda,Begha ngu ken tembe!”+
14 Oruhwe ka nan zômon iyol sha gambe,+Er hunda ka u zômon sha ukokombo mba u nahan.
15 Oruhwe ka nan za uwegh shin gbande u yan kwagh,Kpa iyol i kpe nan u dughun zan a mi sha zwa.+
16 Oruhwe ka nan hen ér nan hemba fan kwaghA iorov utaankaruhar mba ve ne mlumun u injaa sha mpin yô.
17 Or u nan lu karen gbenda man nan hingir u vihin ishima*Sha ayôôso a kwagh u nan a lu sha mi ga yô,+Nan ngu er or u nan gbe iwa ave sha ato nahan.
18 Er orihyundu u nan ker avaan a usu man awange a bo nahan
19 Kape or u ka nan bume or u wan ndor a nan,Nan hide nan kaa ér, “M ngu eren a er asenge!” kpa nan lu je la.+
20 Ape ikyon i lu ga yô, usu ka u pir,Hen ape orangeregh nan lu ga yô zwazôhôn kpaa ka u bee.+
21 Er akaausu ka a enger kpenger kpenger, shi ikyon kpaa i yegh usu nahan,Kape orayongo kpaa ka nan va a zwazôhôn la.+
22 Akaaôron a mbaangerev nga er akaayan a nyohon nahan;*Ka i mena a, a yem shin gbor.+
23 Mkaanem ma kundu kundu ma ma dugh ken ishima i bo*Ma er azurufa u i shighe un sha ikyagh ki inyaagh nahan.+
24 Zwa u or ka u yer ihyom i nan kôr mbagen la,Kpa ken atô u ishima i nan yô nan koso icugh.
25 Er ka nan lam i doo nahan kpaa, de ne nan jighjigh ga,Gadia nan ngu a akaa a ndôhôrshima ataankarahar ken ishima i nan.*
26 Shin er nan yer ihyom i nan la sha icugh nahan kpaa,Ifer i nan ia due ken igbar hen mkohol u ior.
27 Or u nan time ihyungwa yô nana hide a gba shimi,Or u nan menger iwen kpaa—ia hide sha a nan.+
28 Nombor u icughugh kôr mba u hungwan a ve la ihyom,Zwanyohon kpaa ngu ve a mtim.+
Ngeren mba shin kpe
^ Shin a fatyô u kaan ér, “Kape ifyan i i we a ityôkyaa shio kpaa i ker ga la.”
^ Shin “Sha er u hingir er nan nahan ga yô.”
^ Zwa Heberu, “nan me tswam nahan.”
^ Shin “ku zungur nahan.”
^ Shin “nan gbe vihin hanma or iyol nahan.”
^ Shin a fatyô u kaan ér, “wan ave.”
^ Shin “nga er akaa a yan fagher fagher nahan.”
^ Zwa Heberu, “Akurazwaagh a leghem a ishima i bo.”
^ Shin “Gadia ishima i nan ndôhôrshima kpishi.”
