Anzaakaa 5:1-23
5 Wan wam, ver ishima sha kwaghfan wam.
Kegh ato a mkav wam zulee,+
2 Sha er u henen kwagh sha injaShi ityumbujôôgh you ia ôron kwagh u u fe tsembelee yô.+
3 Gadia akurazwaagh a dangkwase* ka a nôndon er ka ikpayough nahan,+Zwa na leghem hemba mkurem.+
4 Kpa ken mkur yô, a yua er ka kon u yuan nahan+Shi a ese er ka sanker u esen akur ahar yô.+
5 Angahar a na nga senen shin ku.
Ngu tôôn angahar yemen shin Uwar* jighilii.
6 Henen sha kwagh u gbenda u uma ga.
Ngu zenden wue wue, a fa ape a lu zan jighilii ga.
7 Yô ônov av, kegh nen ato a mo,De gem nen ijime a kwagh u m lu ôron ne ne ga.
8 Lu ica a na;De ze ikyua a hunda u ya na ga,+
9 Sha er u gema icivir you u na mbagen ga+Shi u sunda kwagh u vihin anyom anyom ga yô;+
10 Sha er mba u fe ve ga vea bee a akaa a ou* ga+Shi kwagh u u ye ican sha mi la una yem hen ya u ortyôtyev ga yô.
11 Gayô u kine ken mkur u uma wou,Zum u inyam you man iyol you ia saa ishe la.+
12 Nahan u kaa wer: “Kpash! Yange m kôr tsaha ihyom,Shi mkôôm kpa vihim ishima yô nenge ase!
13 Yange m ungwa imo i mba wan mo kwagh gaShi m kegh ato a mba tesen mo kpaa ga.
14 M sôôn timin gbindigh gbindighHen atô u nongoior* ne cii.”+
15 Ma mngerem ma shin zwar* wou iyol youKua mngerem ma kuan kpaa* ma shin ijôr you.+
16 Doo u amboramnger a ou aa sagher a haan ken won,Shi ukungwambamngerev ou kpaa vea samber sha ityembegara?+
17 De ve̱ lu sha ci wou tseegh,Ve de lu sha ci u mba u fe ve ga la a we imôngo ga.+
18 Imbor you* i zua a iveren,Shi ember a kwase wou u sha uye la,+
19 Ngôashim u doon ishima, ivo i sha uwo i doon kenger.+
De atumba a na a kuman we hanma shighe cii.
Dooshima na a kôr u sha ishima gbem.+
20 Nahan wan wam, a er nan ve dangkwase* una za kôr u sha ishima?
Man a er nan ve u za kuve idyakwase?*+
21 Gadia igbenda i or ngi* sha ishigh ki Yehova;Tôvon igbenda i nan cii.+
22 Akaabo a iferor iyol i nan ka a hide a hôn nan,Ikyor i isholibo i nan ia hide a kôr nan.+
23 Nana kpe sha ci u mban u tsaha,Nana tsume sha ci u ibumegh ki nan bum kpishi la.
Ngeren mba shin kpe
^ Shin “Sheol,” ka uwar u uumace je la. Nenge Ngeren u Pasen Asember.
^ Shin “tahav ou.”
^ Zwa Heberu, “Hen atô u mkohol man nongoior.”
^ Ka ihyungwa i yange i time i haa mngerem shimi, i lu er ka ijôr nahan yô.
^ Shin “mngerem ma dedoo.”
^ Shin “Imbormnger you.”
^ Shin “aeren a or nga.”
